Prowerb 14:8 - Nobonob Baibel

⁸ Eheɗ bemanu dabmak awa dabmak amu dim lamittak danab nug nuhig doyak dabmak ena ele uɗat metta, nug aɗi keeke hette, nug amunu dabma auta aotte; amge danab nug Kayak dab-ii-maama ii dim lamidtte ele, nug Kayak dab-ii-maama hak kobol dim lamittatta, nukka buppuidtte.

Prowerb 14:8 Referans Kwoze

Epesus 5:17

Gemu am haen nau amunu ag dabmak tutukku iitta aib aqom. Naɗi Nug oo attemun niitte amu dabmenana, anamib oiyeg!

2 Timoti 3:13

Amge danab nau, hambuppuak aɗi ele, ag kobol nau henana, tuɗidna naunab henana, ag laa hambuppualattegeg, laa amu ag ele ag hambuppualadkkulag.

Jems 3:13

Danab laa nug ag oolagppanu nug doyak dabmak ena ele, amu diignu doyak tutukku ele daattete? Anam dayeb amu, danab laa ag amu anidkkulagnu, nug nuhig oiyak enanag baɗ! Yo, laa ag amu anidkkulagnu amu, nug ele nukka nukka binag mak kobol iittappa, kobol doyak dabmak enappanu bette amu, nug kobol amuppa danab ehanattaɗ!

Epesus 4:22

Anam amunu, ag nai aoppig bia, ag oolag alag, nug dabmak eheɗ awa, kobol nau digdig hekkunu dabmaama, mauhkkunu hette ele, nug he, ag matu nuhig dabmak dim lamidppig ele amu, ag oiyak amu uueg!

Prowerb 11:18

Nau hak danab nug keeke aotte me, nug keeke diig genab ele ii aotte; amge danab nug genab tutukku hak kobol hette amu, nug meu ena genab aotte.

Prowerb 8:20

Da, Doyak Dabmak Ena Ele, da hanhan genab tutukku hak kobol aakkuib hettem; da hanhan nai doya mala hettoɗia epeɗia elele mettak kobol hettem.

Prowerb 2:9

Yawe amu hette amunu, ⌊na nuhigppa doyak dabmak ena aokkut dayeb,⌋ na geha kobol tutukku, nai doya mala hettoɗia epeɗia elele mettak kobol ele dookkut. Na geha aɗi ib am ena, na amu dookkut.

Sam 119:73

Na da heiɗme. Ao, na eppen da heiɗom. Na da ehaniɗna heppe, da ɗo nahipnu diignu doyak tutukku doyen dim lamidkkulnu oɗ medattem.

Sam 119:5

O Yawe, da haen oh nahip ɗo dim lamidkkulnu ool okkai daatte. Ao, da amu hekkulnu ool okkainab daatte. Da keeke laa hekkulnu ool hette ele amu, da amunu ool nakokib hette.

Sam 111:10

Danab nug Yawenu ebehi oh bodoetta le mette ele amu, danab amu nug digma, doyak dabmak ena ele aokkunu hette. Ao, danab ah oh ag Yawenu oo yaak nai ɗo bia dim lamidtteb ele amu, ag diignu doyak tutukku ele. Ag Nug binag hanhan meig!

Jeremaia 13:20

Amu ag Juda danab okkai, Jerusalem daatteb, ag amelag human, neegppeg ukkeb, aun aɗi yawalti uɗitteppanu uɗitteb anatteg! Ag danab okkai, ag sipsip gumak danab sipsip nuhig gumadtte bia ag Juda danab ah gumadkkulagnu tituanak daatteb, amge ag Juda dilag okkai, ag ahilkad danab ah gemu adeppa daatteb? Ao, ag akka ag dada nai mattinna, “Ihinkad danab ah am kuɗumnab, ɠagattag ele,” appig, amge gemu danab ah amu ag adeppa daatteb?

Sam 143:8

Da nahipnu oolppa genab doottem amunu, na buttua oh nahip oo mauhaknab kobolnu dabmenana, ehaniɗkkutnu oɗ medattem. Da na unuqidttem amunu, na oot meɗan, nahip ib tutukku ippuniɗkkutnu unuqidttem.

1 Korint 3:19

Aɗinu? Wanppanu doyak dabmak ena ele, amuam Kayak noobppa dabmak tutukku iitta. Kayak naippa, nai laa daatte amubia. Nai amuam inam. “Danab wan imuppan dabmak doyak ena ele laala ag doyak dabmak ena ele amuppa ag keeke laa hekkulagnu lokkumakppa dabmenana maittak eheɗ aotteb amu, Kayak Nug he, ag nuhig pelemppa tetteb.”

Prowerb 15:21

Danab nug epeɗia ha dabmak ena awak kobol ii dootte ele, nug Kayak dab-ii-maama hak kobolnu enanagnab dootte; amge laa nug diignu doyak tutukku ele, nug kobol tutukku hette.

Prowerb 12:5

Genab tutukku hak danabnu maittak awak am nai doya mala hettoɗia epeɗia elele mettak kobol dim lamidtte; amge nau hak danabnu ulum nai am hambuppuak ele.

Eklisiastis 2:13

Da dabmei ukke ukke, amahlak am gatatu eɗidtte; amubia da doyak dabmak ena ele hak am Kayak dab-ii-maama hak eɗidtte anidmi.

Eklisiastis 2:16

Aɗinu? Danab nug doyak dabmak ena ele, nug danab Kayak dab-ii-maama ii dim lamitta mauhtte bia mauhkku. Ao, aa oh mauhpeɗ, danab laa ag ahilahnu daulag atikku. Ag danab doyak dabmak ena elenu anam henana, ag danab Kayak dab-ii-maama ii dim lamidtte elenu anamib hekkulag. Ag aa oh ahilahnu daulag atikku.