Prowerb 14:7 - Nobonob Baibel

⁷ Danab nug dabmak tutukku iittappa oitte ele, na nug oɗeppan doyak ena laa ii anidmanade; na nuhignu awaidna oiye!

Prowerb 14:7 Referans Kwoze

Prowerb 13:20

Aun nug danab doyak dabmak ena ele oitte, nug doyak dabmak ena ele awa oitte; amge aun nug danab ag Kayak dab-ii-menan ii dim lamitteb ele oitteb, nug nau anidkku.

Epesus 5:11

Gatatu uɗat, meu iitta ele, dimittim danab ag hetteb ele amu, ag anam aib heppig. Iitta. Ag gatatu uɗat am nau, ag amu miag atippeg, danab ah oh antteg!

1 Korint 5:11

Amge da nai aakku yaami, amu diig am inam. Danab laa nug ag ele Kristen tamaniak ooppa laippu laa daattenu atte, amge nug gappai kobol hette, o nug baubau awaknu hik qak kobol dim lamidtte, o nug kayak hambuppuak binag mette, o nug laanu baeg qak nai atte, o nug le ɠagattag la kaaka qette, o nug nai ittag ele mattiaya yabhoi hak danab daatte amu, ag Kristen danab ag danab anambia ele aib tamanippig; ag nug ele ouqak aibnab daappig.

Prowerb 9:6

Ag doyak ii awak ele aib tuɗidna daan oippig! Ag amu tuɗidna ii hekkulag dayeb, ag bau daaglag; ag diignu doyak tutukku aon oiyeg!” awa atte.

Prowerb 19:27

Nid dahil, na ippunittak nai ena dookkutnu aib uume; na uukkut amu, na doyak ena aome ele am daut atikku.

Prowerb 14:6

Laa nug awa awa qettak kobolppa oitte amu, nug doyak dabmak ena ele aokkunu hekku, me nug iinab aoma; amge laa nug diignu doyak tutukku ele amu, doyak ena, nug igippa daakkun uug iitta.

Prowerb 23:9

Danab nug Kayak dab-ii-maama ii dim lamidtte ele nug nahip nai, doyak dabmak ena elenu am, “Keeke hamunab,” dookku; amunu na nug ele aib nai madipiɗ.

Jeremaia 28:11

Nug anam ha, nug danab ah daappig oh amelagppa aum. “Yawe Nug inam atte. ‘Danab nug doɗnu duugppan tuqai amu he qiiom, amubia da heppi, maɗ aɗit ii neebeb, wan oh Babilon dilag king Nebukatnesar waappa daan nug oɗe dim lamidtteb ele, ag anam ii daamna. Da danab nug doɗnu duugppan tuqai makau duugppanu loppaɗe, makau hamu oitte, amubia da heppi, ag Nebukatnesar waappa ii daamna,’ awa atte.” Hanania nug anam aum. Nug anam a, propet Jeremaia nug aha ukkom.