Prowerb 14:6 - Nobonob Baibel

⁶ Laa nug awa awa qettak kobolppa oitte amu, nug doyak dabmak ena ele aokkunu hekku, me nug iinab aoma; amge laa nug diignu doyak tutukku ele amu, doyak ena, nug igippa daakkun uug iitta.

Prowerb 14:6 Referans Kwoze

Jems 1:5

Ag oolagppa danab laippu laa nug doyak dabmak ena ele elele iitta daatte dayeb amu, nug amunu Kayak unuqittaɗ! Nug unuqitteb, Kayak Nug doyak dabmak ena ele medakku. Kayak Nug keeke danab madatte amu, Nug elelenab madatta, Nug mettaknu nai ii hette.

1 Korint 8:2

Am danab laa nug nukka keeke laanu, “Da amu doyen malami,” atte amu, danab amu nug am doyak elele ii awom, hamu atte.

Prowerb 8:9

Danab ah ag diignu doyak tutukku ele, ag da nai attem am tutukku anam dootteb. Ao, danab ah ag doyak ena ele, ag da nai attem am nai enaib anidtteb.

Jeremaia 8:9

Danab ag akka, “Ig doyak dabmak ena ele aɗattem atteb,” amge ag da, Yawe, ag dahil nai geɗidna, ii dim lamidtteb, ag am doyak dabmak ena ele genab am iitta. Ag amu hetteb amunu, ag uɗa nak nau aoglag. Ag oo uug nau qak doon, ag doɗ pelemppa teum daatte, ag amubia daaglag.

Aisaia 8:20

Gona, ag Kayaknu dabmak, nuhig ɗo naippa, nuhig nai laappa ele, ag amuppa anidna doyeg! Aun aɗi ag nai maditteb ele, ag Kayak nai bia ii maditteb dayeb, ag ahilagppa amahlak laa iitta.

Prowerb 26:12

Danab nug Kayak dab-ii-maama ii dim lamidtte amu, amuam nau, amge laa nug nuhignu nug baolia, ena bekkunu dabmak aɗa oikkunu elele; amge danab nug nukka nuhignu, “Da doyak dabmak ena ele aɗe oittem,” anam dabmette amu, amuam kobol naunab, laa nug nuhignu nug baolia, ena bekkunu dabmak aɗa oikkunu am uug ele.

Prowerb 18:2

Danab nug Kayak dab-ii-maama ii dim lamidtte ele nug diignu doyak tutukku aokkunu oo ittag ii qette; diig amunu nug danab ah oh nukka nuhig dabmak amuib amelagppa madikkunu enanagnab dootte.

Prowerb 17:24

Danab nug diignu doyak tutukku ele nug hanhan doyak dabmak ena ele aɗi ippunidtte, nug amu dabmetta autanab aotte; amge danab nug Kayak dab-ii-maama ii dim lamidtte ele, nug anam iitta, nug dabmak hamu hamu aotte.

Sam 119:18

Da nahip ɗoppa ena hak genabnabnu ib anidkkulnu, da na heppe, da anidkkulnu oɗ medattem.

Prowerb 1:5

danab nug oiyak ehanittaknu nai tutu, aria keeke danab ag dootteb ii dootteb ele ouaqata ippuanattak nai ele dookkunu, diig amu ohnu amu, oiyak ehanittaknu nai tutu imu am amunu daatte. Aria, danab nug doyak dabmak ena ele, nug daug huma doya, nug nuhig doyak dabmak ena ele nai imuppanu tuɗitta awaɗ! Ge, danab nug oo maittak awaknu ehah ele amu, nug ele nai imuppa ulum awaɗ!

Prowerb 14:5

Laa nai genabib maditte amu, hettoɗiakppa ele, nug laa aɗi heehe anttomnu mattiak danab dayaya, nug nai genab maditte, nug ham-ii-bubutte; amge laa nai hambuppuak maditte amu, hettoɗiakppa ele, nug laa aɗi heehe anttomnu mattiak danab dayaya, nug nai hambuppuak huanak maditte.

Prowerb 14:7

Danab nug dabmak tutukku iittappa oitte ele, na nug oɗeppan doyak ena laa ii anidmanade; na nuhignu awaidna oiye!

Prowerb 24:7

Danab nug Kayak dab-ii-maama ii dim lamidtte, nug am doyak dabmak ena elenu diig tutukku ii dootte; nug ikki danab dilag qagmak aben aab nuhig odppa daatte, nug appa nai laa madikkunu elele iitta.

Prowerb 8:8

Keeke oh da madittem am nai doya mala hettoɗia epeɗia elele mettak kobol dim lamidtte. Ao, da nai madittem amu, laa am kaliak iitta, o laa am nai eheɗ tutukku iitta, am ele iitta.

Prowerb 15:12

Awa awa qettak danab nug tolitta mettak uutte; nug danab doyak dabmak ena ele nug ulum mettaglagnu gumatta iinab goma.

Prowerb 17:16

Danab nug Kayak dab-ii-maama ii dim lamidtte ele, nug men doɗo aɗakkunu am meu iitta; amunu diig am, nug doyak dabmak ena ele aokkunu nakok laa ii dabmette.