Prowerb 14:33 - Nobonob Baibel

³³ Danab ag oo maittak awaknu ehah aoppig daatteb amu, doyak dabmak ena ele ahilagppa daatte; amge danab ag Kayak dab-ii-menan ii dim lamidtteb, ag doyak dabmak ena ele iitta.

Prowerb 14:33 Referans Kwoze

Prowerb 12:16

Danab ag Kayak dab-ii-menan ii dim lamidtteb ele ag laa aɗi ag oolag ii hette heeg, ag laippun oo nauhak dootteb; amge danab nug eheɗ bemanu dabmak awa dabmak amu dim lamittak kobol dim lamidtte amu, nug laa ag awa awa qettak nai nuhignu atteb, nug amunu ii dabmette.

Eklisiastis 10:3

Danab nug Kayak dab-ii-maama ii dim lamidtte ele, nug ibppa oiyaya, kobol dabmak iitta ele haaha; nug aakku danab ah oh nug kaaka amu ippunadtte.

Prowerb 29:11

Danab nug Kayak dab-ii-maama ii dim lamidtte ele, nug nuhig oo nauhak huan bemanu ib ii keldotte. Iitta. Nug oo nauhak bekkunu ib ooɗtte; amge danab nug doyak dabmak ena ele, nug nukka nuhig oiyak pehettak atognotte.

Prowerb 15:28

Genab tutukku hak danab ag tatam dabmewona, ag nai nob metteb; amge nau hak danab ag nai eheɗ kuɗum maditteb.

Prowerb 13:16

Danab nug eheɗ bemanu dabmak awa dabmak amu dim lamittak kobol dim lamidtte amu, nug doyak enappa keeke hette; amge danab Kayak dab-ii-maama ii dim lamidtte ele, nug he, nug Kayak dab-ii-maama hak kobol dim lamitta oitte miag atitte.

Prowerb 12:23

Eheɗ bemanu dabmak awak, dabmak amu dim lamittak danab nug haenppaib nuhig doyak laala madatte; amge danab ag Kayak dab-ii-menan ii dim lamidtteb ele, ag Kayak dab-ii-maama haknu ge iitta maditteb.

Prowerb 15:2

Danab doyak dabmak ena ele ag nai doyak ena ele maditteb; amge danab ag Kayak dab-ii-menan ii dim lamidna oitteb, ag Kayak dab-ii-maama haknu nai huana maditteb.

Prowerb 2:10

Aɗinu? Doyak dabmak ena ele na ootppa daakku. Ge, doyak am nahip-ppa ambak dayebeb, na maɗoɗppan gamag ahak okkai dookkut.

Prowerb 14:32

Haen uug naunab laa uɗitte amu, nau hak danab ag padal metteb; amge genab tutukku hak danab ag ahilag mauhak haenppa, Kayak Nug padal mak eɗitteb ena dayaknu aben bia ahilag daatte.

Prowerb 14:34

Genab tutukku hak kobol he, wanppan wan laappan danab ag binalag ele daatteb; amge hipunin he, wanppan wan laappan danab ag uɗa nak guittak ele aotteb.