Prowerb 14:32 - Nobonob Baibel

³² Haen uug naunab laa uɗitte amu, nau hak danab ag padal metteb; amge genab tutukku hak danab ag ahilag mauhak haenppa, Kayak Nug padal mak eɗitteb ena dayaknu aben bia ahilag daatte.

Prowerb 14:32 Referans Kwoze

2 Timoti 4:18

Ao, Naɗi Nug laa dilag eheɗ hak ohppanu eɗua awiɗa, da nuhig hab aabppan ɗo maɗoɗppa daakkulnu Nug ena omaiɗa, appa gokku. Binag amahlak oppiaawak ele hanhan alet ele nuhigppa dayaɗ! Genab.

2 Korint 5:8

Amge da ami aakku, ig hab aabppanu beɗunig aognignu dabmak aottem. Ig ii aognignu amu ii dabmettem. Ig wan imuppanu beɗunigppa daagnignu am ena doottem, amge ig beɗunig imu uuidpput, Naɗi ele appanig diigppanab daagnignu amu, ig amunu enanag doottem.

Sam 23:4

Amu, O Yawe, da aben laa, appa gatatu nau ele daatte amu, da appa oikkul dayeb, na appa ele da ele daagnih amunu, da ii baɗapa. Nahip sipsip gumattaknu dudqak hokkat, nahip doɗ nau lamittaknu bu ele da oo maɗoɗ meɗattep.

Revelesen 14:13

Aria, da baag laa hab aabppanu doomi amu nug inam aum. “Na nai inam ye! Danab aun aɗi ag Naɗi onignu oolagppa genab dootteb amunu gemu, butti aɗi ele laa heeg, ag mauhtteb ele amu, ag itittak ena aoppig daatteb,” awa aum. Aria, Kayak Ouɗi Nug ele atte. “Ag ahilag uɗatnu hik aoglag. Aɗinu? Ag ahilag hak ena heppig ele amu, amunu nai am ag ele gokkulag,” awa atte.

Genesis 49:18

O Yawe, na da ehaniɗkkutnu, da na amen mettem.

2 Korint 1:9

Genabnab, ig uug doota, “Ig mauhkkunig” amut, amge anam beumnu diig am ig ikka ihinig ɠagattagnu am ii dabmemata, ig Kayaknu ɠagattag dabmekkunignu beum. Nug danab mauhppig amu heeb, ag eɗun hippaidkkulagnu Kayak.

Prowerb 24:16

Aɗinu? Genab tutukku hak danab nug haen eblaih aɗit ele na qekkutai, amge nug eɗua ahakku; genab tutukku hak danab nug anam hette, amge nau hak danab ag uug naunab he, nauhtteb.

Sam 37:37

Ag laa, ag danab ah beɗulagppa aab iitta am anatteg! Ao ag tutukku hak danab ah dilagnu dabmak aweg! Aɗinu? ⌊Danab ah amu ag maɗoɗ ele dayaknu oolag mauhtte, amu⌋ Yawe Nug danab ah ag maɗoɗ ele dayaknu oolag mauhtte am ehanatta heeb, ag butti aɗi ii iitta memana.

Job 13:15

Da amu hekkulnu diig am inam. Kayak heeb, da mauhkkultai, amge anam bekkunulob, da Nug ehaniɗeb, da eɗuen ena daakkulnu dabmak aɗe daattem; da Nug amegppanab da dahilnu nai madippi, Nug dookku oolppa genab doottem.

1 Tesalonaika 5:3

Danab ah ag, “Haen ena aakku beum, ig maɗoɗ ena daagnig,” abeppeg, haen amuppanab keeke eheɗ, ag heeb nauhkkulagnu, ahilagppa bekku. Keeke eheɗ amuam ah nug nid aokkunu guittak paha bette, amubia beeb dooglag. Danab ah ag keeke eheɗ amu ii qe-eɗidmana.

Pilipai 1:23

Da keeke amunu ool aɗit ele daattem. Amu da goppi, Kristus ele daagnih, amuam keeke enanagnab, da amunu ool hette.

Pilipai 1:21

Dabmak dahil amunu am inam. Da bau daakkul dayeb amu, da Kristus Nugib dim lamidkkulnu ool okkai daatte, o iitta da mauhkkul dayeb amu, geha da enanag, Kristus ele ouqeɗa daagnih.

Rom 9:22

Kayak Nug danab ah ag hipunin tuɗidib hena, padal mekkulagnu daappig, padal mak amu tonadkkunu, Nug heeb, nuhig oppoɗi bak am miag atiak bekkunu, Nug nuhig ɠagattag ele miag atiak daakkunu dabmak nakok okkaiib awom, amge Nug amu haknu uua ii heum. Iitta. Nug oo maɗoɗ kobol dim lamitta, dabmak amu aɗe ukke daye, paha ii heum.

Jon 8:24

Diig amunu da ag amelagppa tatam ami. ‘Ag hipunin ahilag amu ag tonadppeg mauhkkulag.’ Am genab, ag da am Kayak Bekka oolagppa genab ii dooglag dayeb amu, ahilag hipunin genab tonadppeg mauhkkulag,” awa aum.

Jon 8:21

Amu Jesus baula ag amelagppa aum. “Da gokkulnu hettem, amu ag tuɗidna oiglag, amge hipunin ahilag am ag tonatteb mauhkkulag. Aben da gottem ele, amuppa ag gokkulagnu elele iitta,” awa aum.

Luk 2:29

“O Naɗi, na anukka da, nahip maɗi nid, na da amelppa da nid imu, nahip Padal ii maknu ehanittak danab, na danab ah oh anidna dooglagnu me neum ele amu, da anidkkulnu ame amu, da gemu iikku amelppa anidmi amunu, da mauhkkul am nai iitta.

Prowerb 6:15

Diig amunu uug naunab nuhigppa pahanab bekku. Ao, nug nauhak pahanab antta, padal meeb, babaittaknu ib laa ii daama.

Sam 58:9

Danab waa aab gakkaɗaknabppa meeg dayeye, le pahanab ewa gakkaɗtte, amubia Yawe Nug paha heeb, nau hak danab, bau amu alag ele, ag iitta mekkulag.

Sam 17:15

Amu da, da genab tutukku hak kobolppa na anidkkul. Haen da niiak abenppanu ahen, na anitten amu, da elelenab dookkul.

Sam 16:11

Na bau dayaknu ib da ippuniɗme. Ao, na da ele daattep amunu, da maɗoɗppan gamag ahak okkainab doottem, Ge, haen da na eppen naɗiap-ppa dayeye, da enanag doottem, hanhan anam dookkul.

Job 18:18

Laa ag lamitteg, nug aben gatatu ele, aben amahlak iittappa wana daatte; nug wanppa baula ii daatte.

Sam 73:24

Na nahip ulum nai, da ib ippuniɗkkunu meɗattem, amu dimppa na omaiɗna gona, aben binag amahlak oppiaawak eleppa meiɗppe daakkul.

Prowerb 14:33

Danab ag oo maittak awaknu ehah aoppig daatteb amu, doyak dabmak ena ele ahilagppa daatte; amge danab ag Kayak dab-ii-menan ii dim lamidtteb, ag doyak dabmak ena ele iitta.

Prowerb 5:22

Nau hak danabnu amu, nuhig eheɗ hak am pelem laa doɗ awom bia nug awom daatte. Ao, nuhig hipunin am danab muɗippa hippalak daatte, amubia nug hippalitte daatte.

Prowerb 11:5

Kayaknu neekkakppa danab ooppa kaliak laa iitta ele amu, genab tutukku hak kobol nuhig he, nug ib enappa oitte; amge nau hak danab ag nau heeg, kobol amu he, ag nauhtteb.