Prowerb 14:30 - Nobonob Baibel

³⁰ Ooppa maɗoɗ ele dayak am beɗu ena daakkunu ehanidtte; amge laanu ameg qe oo elele ii dayak kobol am he, danab beɗu nauhtte.

Prowerb 14:30 Referans Kwoze

Prowerb 17:22

Ooppa gamag ahak doyak, amuam marasin ena bia; amge ooppa na qak doyak, amuam he, danab nug nau daatte, nug nauhkkunu hette.

Prowerb 3:8

Na anam hekkut dayeb, amuam na beɗun ehanitteb, oɗe iitta dayeb, geha na ebehinad ɠagattag daaglag.

Job 5:2

Danab nug Kayak dab-ii-maama ii dim lamidtte ele, nug laanu oo elele ii doyak ge iitta doyeye, kobol amu nug he nauhtte. Ao, danab nug doyak ii awak ele nug laan keekenu ameg qe, oo elele ii daatte, kobol amu he, nug mauhtte.

Prowerb 12:4

Danab wau nug ah diig ena daatte dayeb, nug gamu haɗ bia aakku daatte; amge ah nug gamu uɗa nak nau guittak ele medatte amu, kobol amuppa nug gamunu ɠagattag he nauhtte.

Prowerb 4:23

Nahip bau dayak attem gokku amu, na oot unuqagnabppanu bette amunu, na oot unuqagnab dabmettan, aut autnanab awe!

2 Timoti 1:7

Kayak Nug ig Jesusnu oonigppa genab doottem ele, Nug nuhig Ouɗi ig mekkom, amu nuhig Ouɗi Nug danab nug baɗa nukka nuhignuib dabmak aotte, Nug dabmak amu ig ii mekkom. Iitta. Nug ig ɠagattag daagnignu, ig oo mauhak doognignu, amu ig dabmak pehettak awaknu ehah ele aognignu, Nug dabmak amu oh ig mekkom.

Rom 1:29

Amu ag kobol nau digdig, kobol eheɗ digdig, baubau awaknu hik qak kobol, amu gappai hak digdig ele hetteb. Ag laanu ameg qe oolag elele ii daatte dootteb, ag layag kekeɗ metta duug wak kobol, nug mehqak kobol, layag bubuittak kobol, amu oo aeg bak kobol ele, ag kobol nau amu oh henan daatteb. Ag layagnu dimug nai mattiak kobol,

Sam 119:80

Da uɗa nak ii doopanu amu, da nahip ɗo dim lamidppi, nahip neekkakppa da oolppa kaliak laa ii daamanu ool daatte.

Sam 112:10

Nau hak danab ag nuhig ena hak amu anidna, ag oolag nauhkku. Ao, ag aelkad emalna daanna, iitta mekkulag. Dabmak ahilag oh geha iitta ma madakku.

Jems 4:5

Kayak nai laa amunu ag keeke hamu bia doottebte? Nai amuam inam. “⌊Nuhig⌋ Ouɗi, Kayak Nug ig oonigppa meum daatte ele amu, Nug ihinignu dahil doya laa aomanu doyak aɗa daatte.”

Aposel 7:9

Aria, ig alankad ag Josepnu, ihinigppa anam daalon dabmak aɗan daan, ag nug aon, danab laa mattaeg, men doɗo mattanna, ag aon, Isip goppig. Ag nug aon ukkaeg, appa nug laanu begbeg maɗi nid dayom, amge Kayak Nug Josep dabmedette,

Prowerb 15:13

Danab laa nug oo gamag ahak dootte amu, iɗuppa amunu anttak aakku daatte; amge oo uug doyak, amuam he, danab nug ooppa na qak dootte.

Habakuk 3:16

⌊Uug ihinigppa bekku amu,⌋ da amunu daulppa doye, gamalppa uttu taub huan qutu qutu ettom. Ao, da oqotti amu doye, da eheɗ baɗen, da ottil hahaɗom. Da ebehil bodoettom. Da bael laih laih oh hahaɗpiɗ. Anam, amge na danab amu, nuhikkud daup ele eheɗ hadappe, ag nena qekkulag amunu, da deɗ amu ameg mekkul. Da tappaɗak heinne, ameg ii mepa. Iitta. Da na nahip haenppa heppe bekkunu ameg mekkul.

1 King 21:6

Nug anam a amu, Ahap nug Jesebel amegppa aum. “Aɗinu? Jesril danab Nabot nug da nai ami amu, nug dahil nai amu ii doyom. Da nuhig grep dad daden mekkulnu ool daye amegppa ami. Nug men doɗo aokkunu oo ii dayeb am, da nug grep dad laa medakkulnu ami, amge Nabot nug dad amu da meɗaknu uuom,” awa aum.