Biblia Todo Logo
Bib sou entènèt

- Piblisite -




Prowerb 14:29 - Nobonob Baibel

29 Danab oo maɗoɗ ele dayak kobol dim lamidtte ele, nug am diignu doyak tutukku okkai ele daatte; amge danab nug oppoɗi bak paha dootte ele, nug am Kayak dab-ii-maama hak kobol dim lamitta oitte.

Gade chapit la Kopi




Prowerb 14:29
20 Referans Kwoze  

O lailadnab, ag oh kobol imu doon autna aweg! Ag nai paha dooglagnu daulag human dayeg! Ag anam hekkulag, amge ag nai paha aib madippig, oppoɗilag ele paha aib beum.


Danab ag Kayak dab-ii-menan ii dim lamidtteb ele, ag ahilag kobol am ag paha paha oolag nauhtte; amunu na amubia aib heme! Na paha paha oot nauhmanu dabme!


Laa nug oppoɗi paha paha bette ele nug keeke digdig dabmak tutukku iittappa hette; amge laa nug diignu doyak tutukku ele, nug oo bodoettak ele daatte.


Danab nug oppoɗi paha bette ele, nug he, nug qak ahatte; amge danab nug oo maɗoɗ ele dayak kobol dim lamidtte, nug he, nai hak bodoedatte.


Danab nug doyak dabmak ena ele daatte amu, doyak dabmak ena amuppa nug oo maɗoɗ ele dayak danab daatte; haen danab laa nuhigppa eheɗ he, nug eheɗ hak amu uhuqa medatte, kobol amunu danab ah ag nug binag metteb.


Danab nug oo maɗoɗ dayak ele kobol dim lamidtte, nug ban danab ɠagattag eɗidtte. Ao, danab nug oppoɗi bak nuhig aɗe ukke bodoedatte, nug ban danab nug aab okkai laappanu ban danab eɗatte, padal metteb, am nug eɗidtte.


Danab nug nukka nug nuhig oiyak pehettak atognoak ii hette amu; amuam aab okkai laa aɗ loppaɗa, na qak daatte, amubia.


Aa anam apiɗ, amge Moses nug nukka nug onig qe nettom. Nug, nukka onig nakok laa ii humattom. Danab ah laala ag onilag qeeg neum, amge Moses nug onig qe na auta autanab awom.


Ag gugappan tuqai dahil aon gukkalagppa mewona, ag dahilppa dabmak aweg! Aɗinu? Da am wagai mak danab iitta, amu da am oo doyak ele. Ag anam henana, ag oolagppa uug iitta oiglag.


Eheɗ danab okkai hetteb amu, am danab ag Kayak dab-ii-menan ii dim lamidtteb ele tituanadna, danab ah gumadkkulagnu gumak abenppa maadtteb; amge ag danab ag uɗat amu hekkulagnu ehah ele, ag danab amu tituanadna, aben amuppa ii maadtteb. Iitta. Ag uɗat laa hamu, aben amuppa maadtteb.


Na paha paha nai laa aon, hettoɗiakppa aib meme; na anam hekkut dayeb, dimppa nahip mudippan laippu nug heeb, nahip nai am hambuppuak, anam miag atieb amu, na attem hekkut?


Na doyak dabmak ena elenu keeke anuqak dookkut dayeb amu, doyak dabmak ena ele amu heeb, na onin okkai ele daakkut. Ao, na doyak dabmak ena elenu oot huana daakku dayeb amu, diig amunu doyak dabmak ena ele heeb, na binan ele daakkut.


Anam aakku, amge Herot nug ii mauhom haenppa, magau danab ag eɗun goppig, haen amuppa nug ag buppuidna autna aoppig doyom amunu, nug oppoɗi huanak be ameg kokoɗ eppe, nuhikkud daup ag gona, Betlehemnu nid naunau, Betlehem talilittak eleppanu nid naunau oh ele, ahilag maɗ aɗit, laa ag maɗ aɗit ii aoppig ele, magau danab ag hoɗoppai digmena anitteg, Herot amegppa aeg doyom bia amu, daup ag amu oh aqaglagnu haknunab a, ⌊ag gona human aqappig⌋.


King laa nug danab kuɗum nuhig ɗo waappa daatteb amu, nug am binag amahlak oppiaawak ele daatte; amge king tiigppan laa nug nuhig ɗo maɗoɗppa danab ah laa ii daatteb dayeb amu, nug nauhkku.


Danab nug doyak ena ele nug nai kuɗum ii maditte; danab nug diignu doyak tutukku ele, nug oppoɗi paha ii bette.


Keeke laanu digmak am nakok ena. Keeke amunu gogppa tak am enanag; amubia oo bodoettak kobol am dada hak kobol eɗidtte.


Swiv nou:

Piblisite


Piblisite