Prowerb 14:27 - Nobonob Baibel

²⁷ Yawenu ebehi oh bodoetta le mak kobol am le danab bauklel madatte, am amubia daatte; doyak dabmak ena elenu nai am he, danab nug paha mauhaknu pelemppa ii tette.

Prowerb 14:27 Referans Kwoze

Prowerb 13:14

Danab dabmak ena ele dilag ippunittak am le danab bauklel madatte, am amubia daatte; doyak dabmak ena elenu nai am he, danab nug paha mauhaknu pelemppa ii tette.

Revelesen 21:6

Nug anam awowa, Nug tuɗitta da amelppa aum. “Keeke oh aakku meu beum! Da haen oh daattem; da tatam daami, da hanhan daakkul. Digmakppa, batakppa ele da daattem. Laa ag le baalag diitte amu, da ag le bauklel ele, le amuam qeppuɗia bette, da le amu nob iitta, hamu madakkul.

Aisaia 33:6

Nugib ig ena daagnignu ukkunab daatte. Doyak dabmak ena ele, doyak, amu padal mematanu ehanittak ele Nug eppegppa huanak, ig aognignu daatte. Danab nug amu aokkun amu, nug Yawenu ebehi oh bodoetta le meeb oiyaɗ! Nug amu hekku amu, nug amu oh aokku.

Prowerb 22:5

Ib laa, nau hak danab nug dim lamitta oitte amu, ib amuam ib uud keeke qaun ele, o ib laa pelem mak ele, am ib amubia daatte; amge laa nug nukka, nug nuhig oiyaknu dabmetta atognotte amu, nug nau hak danab dilag awaitta, uma daatte.

Sam 18:5

Boumak moɗnu muɗi da qakkiɗe, da mauhkkulnu hemi. Yo, mauhak am pelem laa bia, da amuppa daami.

Eklisiastis 7:26

Da amu heinne, da imu anidmi. Ah laa nug uhui bia daatte amu, ooppa nug doɗ dilag pelem bia daatte. Ao, nug eppeg am danab qagakkunu sen bia daattep. Da nug danab ninig nau medatte anidmi; mauhak am ninig ele, amge ah amunu ninig mettak am mauhaknu ninig eɗidtte. Danab nug Kayak dim lamidtte amu, nug ah amu eppegppa ii daama; amge laa hipunin dim lamitta hette amu, nug ah amu eppegppa daakku.

Prowerb 10:27

Yawenu ebehi oh bodoetta le mak kobol am he, danab nug paha ii mauhtte, nug tuɗitta bauklel daatte; amge nau hak danab ag haen tutuib daatteb.

Prowerb 14:26

Danab nug Yawenu ebehi oh bodoetta le mette amu, kobol amuam danab amunu aab aɗ ɠagattagnab, loppaɗaknu iitta ele bia daatte; danab amunu kobol amu, kobol amuam nug bekkod dilag padal mak eɗitteb ena dayaknu aben bia daatte.

Prowerb 14:28

King laa nug danab kuɗum nuhig ɗo waappa daatteb amu, nug am binag amahlak oppiaawak ele daatte; amge king tiigppan laa nug nuhig ɗo maɗoɗppa danab ah laa ii daatteb dayeb amu, nug nauhkku.

Prowerb 19:23

Yawenu ebehi oh bodoetta le mak am omaitteb bauklel daakkut; aun nug Yawenu ebehi oh bodoetta le mak dootte, nug maɗoɗppa daatte, nug Kayak eppegppan bu mettakppa ii daama.