Prowerb 14:24 - Nobonob Baibel

²⁴ Danab doyak dabmak ena ele, doyak dabmak ena ele amuam ahilag en, amu ahilag en amu, am ahilkad igippan haɗ bia daatte; amge danab ag Kayak dab-ii-mettan ii dim lamidtteb ele ag Kayak dab-ii-maama hak henana, ag kobol amuib tuɗidna hetteb.

Prowerb 14:24 Referans Kwoze

Luk 16:9

Jesus Nug anam ana, Nug baula aum. “Amunu da ag amelagppa attem. Ag wan imunu enub, men doɗo, ag amuppa ehanittak heig! Am dimppa men doɗo iitta meeb, aria ag lailkad ag ag ele laippu dayaknu oolagppa eleleib doon omaladppeg, ag hanhan dayaknu laulagppa gona daaglag.

Aisaia 33:6

Nugib ig ena daagnignu ukkunab daatte. Doyak dabmak ena ele, doyak, amu padal mematanu ehanittak ele Nug eppegppa huanak, ig aognignu daatte. Danab nug amu aokkun amu, nug Yawenu ebehi oh bodoetta le meeb oiyaɗ! Nug amu hekku amu, nug amu oh aokku.

Prowerb 27:22

Danab nug ee aeg awa, ganuɗaknu masinppa me ukke, kalu daatte. Anam amge, na danab nug Kayak dab-ii-maama ii dim lamidtte ele, na nug anam bia eheɗ hedakkut dayeb amu; nug nuhig Kayak dab-ii-maama hak kobol ii uuma.

Sam 112:9

Genab tutukku hak danab nug daɗek danab huana ehanadtte. Ao, nuhig genab tutukku hak kobol am hanhan alet daatte. Ge, nug danab laa noolagppa binag okkai ele daakku.

Prowerb 10:22

Yawenu itittak ena he, danab nug elelenab daatte; amuppa uug laa ii daatte.

Prowerb 13:8

Danab nau ag enub danab aɗan heppeg, nug qagaiettakppa daamanu nuhig en ag madakkunu akkutai. Nug anam heeb amu, en nuhig ehanadkkutai; amge danab nau amu, ag daɗek danab amu hekkulagnu ii aɗamna amunu, daɗek danab nug uug amunu ii anidtte.

Prowerb 14:23

Danab uɗat ɠagattag hetteb, ag ee, keeke ele daatteb; amge danab ag naiib maditteb, ag am daɗek daaglag.

Prowerb 21:20

Danab doyak dabmak ena ele, ag ee ena keeke ag laulagppa meeg daatte; amge danab nug Kayak dab-ii-maama ii dim lamidtte ele, nug ee keeke nug aotte ele, nug paha he iitta mette.