Prowerb 14:22 - Nobonob Baibel

²² Danab ag kobol eheɗ hekkulagnu dabmetteb, ag padal metteb; amge laa ag kobol ena hekkulagnu maittak aotteb, ag oo mauhaknab kobol, oo metta ii uuak kobol ele, ag kobol aɗit amuppa daatteb.

Prowerb 14:22 Referans Kwoze

Prowerb 12:2

Yawe Nug danab ena dilagnu oo ena dootte; amge danab lokkumakppa kobol kobol hekkulagnu doon autna aotteb ele amu, Nug ag naippa maadtte.

Jon 1:17

Yo, ɗo amu ig Moses nuhigppa aomut, amge ehanittak okkai hamu mettak kobol, amu doyak diig genabib ele amu, ig Jesus Kristus nuhigppa aomut.

Matyu 5:7

Danab aun aɗi ag danab laa dilagnu oo gai-iitta doon oolag mattan ehanadtteb ele amu, ag itittak ena aoppig daatteb. Aɗinu? Dimppa ag eheɗppa daaglag amu, Kayak Nug oo gai-iitta doya oo matta ehanadkku.

Prowerb 19:22

Danab ag laa ag haen enappa, nauppa ele ag ahilagnu oo mauhaknab kobol dim lamidkkulagnu oolag daatte; na daɗek mak daakkut, amuam uugnab iitta, amge na hambuppuak danab daakkut, amuam nau.

Prowerb 14:17

Laa nug oppoɗi paha paha bette ele nug keeke digdig dabmak tutukku iittappa hette; amge laa nug diignu doyak tutukku ele, nug oo bodoettak ele daatte.

Prowerb 3:29

Mudippan layap nug na eheɗ heidkkunu ii dabmette amunu, na nug eheɗ hedakkutnu maittak aib aome!

Sam 61:7

O Kayak, na heppe, nug king hanhan dayebeb, atognobeppe daakkunu oɗ medattem. Ao, na nug nahip oo mauhaknab kobol, nahip oo metta ii uuak kobol eleppa ehanidkkutnu unuqidttem.

Sam 25:10

Am danab ah aun aɗi ag Yawenu nug tituana nai qakkak dim lamidtteb, ag nuhig nai ele oh waappa daan, dim lamidtteb ele amu, Yawe Nug oo mauhaknab kobolppa, oo metta ii uuak kobolppa ele ag ehanadtte.

2 Stori 6:8

Nug anam dabmeum, amge Yawe Nug da mamel Dawit amegppa aum. ‘Na mettid lag laa, da onil amuppa daakkunu buukkutnu dabmeme amu, dabmak nahip amuam ena,

Genesis 24:27

“Ig Yawe onig humagnig. Nug am danab okkai dahil Abrahamnu Kayak. Nug Abrahamnu oo mauhaknab kobol, amu Nug oo metta ii uuak kobol ele nuhignu dim lamidtte. Nug da ele ehaniɗom amunu, da Abrahamnu tiig laippu laugppa tutukku uɗimi,” awa aum.

Sam 36:4

Tuqan niiak haenppa, ag kobol nau attemnab hekkulagnu dabmak aonna, niiak elele ii niitteb. Ag hak ena laa iinab hetteb. Ag kobol nau aakkuib hetteb.

Prowerb 3:3

Na oo mauhaknab kobol, oo metta ii uuak kobol ele aib uuatme. Ao, na danab nug keeke qettoɗmanu nug baagppa qakke daatte, amubia na kobol amu hanhan dim lamidkkutnu anam bia he! Ge, na danab laa nug keeke laa daug atimanu uɗugppa yaatte, amubia na kobol amu daut atimanu aon ootppa me!

Prowerb 14:23

Danab uɗat ɠagattag hetteb, ag ee, keeke ele daatteb; amge danab ag naiib maditteb, ag am daɗek daaglag.

Prowerb 24:8

Danab nug eheɗ hekkunu maittak aotte amu; laa ag nuhignu, nug keeke laa hekkunu lokkumakppa dabmaama maittak eheɗ awak danab daatte dooglag.

Maika 2:1

Danab ag hipunin hekkulagnu maittak aotteb, ahilagnu am gadonnab gadon. Ao, ag abenppa niina, ag eheɗ hekkulagnu dabmakppa ib maditteb, ahilagnu am gadonnab gadon. Ag keeke hekkulagnu ɠagattag ele amunu, ag tuqan eheɗ hekkulagnu dabmenana, wagɗe buttua ag ahan, eheɗ amu hetteb.

Josua 2:14

Nug anam a amu, lokkumakppa atu italak danab aa apiɗ. “Aakku! Ig Israel, ig wan imu aopput, na, nahipad ele ag mauhkkulag dayeb amu, Yawe Nug i niteb mauhkkunihnu oonig daatte! Na auntai laa i aɗi aɗi hettepnu, na nug amegppa ii akkut dayeb amu, haen Yawe Nug wan imu ig mekkebeb, ig nahipnu oo bodoettak doota, ena hetata, oo metta ii uuak kobol ele nahipnu dim lamidkkunig,” aoya apiɗ.

Prowerb 6:14

Ao, nug ooppa hambuppuak dayeye, nug eheɗ hekkunu maittak aotte; nug danab ah oolagppa hanhan kaboliak daakkunu heehe, nug qak daatte.

Prowerb 12:26

Genab tutukku hak danab nug dabmak elelenab awa, laa ele layam batatte; amge nau hak danab ag mauhnoak henana, ag nauppa watteb.