Prowerb 14:17 - Nobonob Baibel

¹⁷ Laa nug oppoɗi paha paha bette ele nug keeke digdig dabmak tutukku iittappa hette; amge laa nug diignu doyak tutukku ele, nug oo bodoettak ele daatte.

Prowerb 14:17 Referans Kwoze

Prowerb 14:29

Danab oo maɗoɗ ele dayak kobol dim lamidtte ele, nug am diignu doyak tutukku okkai ele daatte; amge danab nug oppoɗi bak paha dootte ele, nug am Kayak dab-ii-maama hak kobol dim lamitta oitte.

Prowerb 29:22

Danab nug oo nauhak danab daatte, nug he, nug mehqak bette; danab nug paha oppoɗi be ameg kokoɗ ebatte amu, nug hipunin kuɗum hette.

Jems 1:19

O lailadnab, ag oh kobol imu doon autna aweg! Ag nai paha dooglagnu daulag human dayeg! Ag anam hekkulag, amge ag nai paha aib madippig, oppoɗilag ele paha aib beum.

Eklisiastis 7:9

Danab ag Kayak dab-ii-menan ii dim lamidtteb ele, ag ahilag kobol am ag paha paha oolag nauhtte; amunu na amubia aib heme! Na paha paha oot nauhmanu dabme!

Prowerb 15:18

Danab nug oppoɗi paha bette ele, nug he, nug qak ahatte; amge danab nug oo maɗoɗ ele dayak kobol dim lamidtte, nug he, nai hak bodoedatte.

Prowerb 22:24

Aib danab oppoɗilag paha paha bette ele layam batappig. Ao, na aib laa nug pahanab oo nauhtte, na nug ele daapiɗ.

Prowerb 16:32

Danab nug oo maɗoɗ dayak ele kobol dim lamidtte, nug ban danab ɠagattag eɗidtte. Ao, danab nug oppoɗi bak nuhig aɗe ukke bodoedatte, nug ban danab nug aab okkai laappanu ban danab eɗatte, padal metteb, am nug eɗidtte.

Aisaia 32:7

Danab nau nug nau hak kobol dim lamidkkunu hette. Nug eheɗ hekkunu lokkumakppa dabmaama, maittak eheɗ awa, daɗek danab heeb nauhkkulagnu hik qeeqe dabmette. Daɗek danab ag eheɗ laa ii heppig, ag tutukkuib henan daaegeg, danab nau nug heeb nauhkkulagnu anam hette.

Prowerb 12:16

Danab ag Kayak dab-ii-menan ii dim lamidtteb ele ag laa aɗi ag oolag ii hette heeg, ag laippun oo nauhak dootteb; amge danab nug eheɗ bemanu dabmak awa dabmak amu dim lamittak kobol dim lamidtte amu, nug laa ag awa awa qettak nai nuhignu atteb, nug amunu ii dabmette.

Prowerb 12:2

Yawe Nug danab ena dilagnu oo ena dootte; amge danab lokkumakppa kobol kobol hekkulagnu doon autna aotteb ele amu, Nug ag naippa maadtte.

Prowerb 6:18

kobol nau haknu maittak awak kobol, pahaettak kobol eheɗ haknu kobol,

Esta 3:6

Nug oppoɗi anam be, nug Mordekai aakkuib qekkunu iinab dabmeum. Ag nug amegppa Mordekai amu Juda ted appig amunu, Haman nug Juda ag Ekserksisnu ɗo maɗoɗ ohppa daappig amu, nug ag oh aqakkunu maittom.

2 King 5:12

Nug da amelppa da ukke, Jodan leppa laakkulnu aum, amge Damaskusnu le aɗit laa, laa onig Abana, laa onig Parpar, le aɗit amu Israel dilag le oh eɗadttep. Da le aɗit amu, amuppa laappi, oɗe beɗulppa iite iitta mekku?” awa aum. Nug anam anana, aakku Naman nug oppoɗi huana be, ameg kokoɗ eppe ukkom.

Prowerb 14:16

Danab doyak dabmak ena ele nug Yawenu ebehi oh bodoetta le me, nug kobol nau hekkunu uua oitte; amge danab nug Kayak dab-ii-maama ii dim lamidtte ele nug am oppoɗi paha paha beebe, kobol mauhnoak, dabmak iitta ele hette.

Prowerb 14:18

Danab ag doyak ii awak ele ag Kayak dab-ii-maama hak kobol dim lamidtteb; amge eheɗ bemanu dabmak awa dabmak amu dim lamittak danab ag tuɗidna, doyak ena baubau aotteb.

Prowerb 20:3

Danab nug laikkud ele nug mehqak ii hemanu hette ele, laa ag nuhignu ena doon, binag metteb; amge danab ag Kayak dab-ii-menan ii dim lamidtteb, ag am nai a ona, a doak paha hetteb.