Prowerb 14:15 - Nobonob Baibel

¹⁵ Danab nug doyak ii awak oitte, nug keeke digdignu ooppa genab dootte; amge eheɗ bemanu dabmak awa dabmak amu dim lamittak danab nug am aɗi hekkunu dabmette.

Prowerb 14:15 Referans Kwoze

Epesus 5:17

Gemu am haen nau amunu ag dabmak tutukku iitta aib aqom. Naɗi Nug oo attemun niitte amu dabmenana, anamib oiyeg!

Prowerb 14:8

Eheɗ bemanu dabmak awa dabmak amu dim lamittak danab nug nuhig doyak dabmak ena ele uɗat metta, nug aɗi keeke hette, nug amunu dabma auta aotte; amge danab nug Kayak dab-ii-maama ii dim lamidtte ele, nug Kayak dab-ii-maama hak kobol dim lamittatta, nukka buppuidtte.

Prowerb 27:12

Eheɗ bemanu dabmak awa dabmak amu dim lamittak danab nug uug bette antta, nug dekkaɗa, aben uug ii bekku ele, nug appa gotte; amge danab ag doyak ii awak ele, ag hettebib tuɗidna gonana, guittak aotteb.

Prowerb 4:26

Heppe, na ippun tutukkuib dayaɗ! Ao, na ib ɠagattag daatte, amuppaib oiye!

1 Jon 4:1

O gamalad, propet hambuppuak kuɗum ag ihinigppanu qatin gona wan imuppa oitteb amunu, ag danab ag, “Da Kayak Ouɗi oɗe awen madittem,” atteb ele, ag amu oh dilag nai oolagppa genab aib dooppig. Iitta. Ag nai dootteb ele ag ouɗi aun laa nai maditteb ele ehanatte, ag nai maditteb, ag amu pehettan epeɗin, aun nug Kayak Ouɗippa nai maditte anidna, ahilag naiib ag oolagppa genab doyeg!

Epesus 4:14

Amu nai ittag, hambuppuak danab dilag, amu ele heeb, ig uub nug ulah kaɗag haenppa duban he, ukka qa, uɗia qa hette amubia ii hemata. Nid nakok ag amubia hetteb amu ig baula, ag bia ii daamta.

Aposel 13:7

Danab nug nud amunu gawana dayom am onig Sergius Paulus, amu Barjesus nug am nuhig ehanittak danab laa. Aria, Sergius Paulus nug nuhig dabmak ena ele amu, nug Kayaknu nai dookkunu oo dayom amunu, nug Barnabas, Saul ele aa uɗiglahnu onilahppa eum.

Prowerb 22:3

Eheɗ bemanu dabmak awa dabmak amu dim lamittak danab nug uug bette antta, nug dekkaɗa, aben uug ii bekku ele, nug appa gotte; amge danab ag doyak ii awak ele, ag hettebib tuɗidna gonana, guittak aotteb.

Amos 5:13

Ag amu heegeg, haen nau aakku daatte amunu, haen imu biappa laa ag eheɗ bemanu dabmak awa dabmak amu dim lamittak danab, ag oɗelag qamutna daatteb.

Prowerb 14:14

Danab ag Kayak dimedatteb ele, ag ahilag hak amunu nob elele aoglag; danab ena amu, nug ippu enappa oitte amunu, nug amuppa nob ena aokku.

Prowerb 14:16

Danab doyak dabmak ena ele nug Yawenu ebehi oh bodoetta le me, nug kobol nau hekkunu uua oitte; amge danab nug Kayak dab-ii-maama ii dim lamidtte ele nug am oppoɗi paha paha beebe, kobol mauhnoak, dabmak iitta ele hette.

Prowerb 17:4

Nau hak danab nug nai mattiak eheɗ dookkunu hette. Ao, hambuppuak danab nug laa heeb nauhkkunu nai dookkunu daug huma daatte.

2 Samuel 1:5

Danab bau, nai amu awa uɗiom ele amu nug anam a, Dawit nug oɗ mettom. “Na attem hena, Saul, bekka Jonatan ele mauhpiɗnu amu doottem?” oɗ mettom.

1 King 2:18

Nug anam a, aakku Batseba nug Adonaiya amegppa aum. “Amun nai iitta, geha da na oɗen awen ukken, king oɗ medakkul,” awa aum.

Nehemaia 6:4

Amu Sanbalat, Tobia ele aa anam heeh, da nob anam matami, aa haen waɗele aa nai laippu anamib meeh uɗie, da ele haen waɗele nob anamib matami.