Prowerb 14:13 - Nobonob Baibel

¹³ Deɗ laala danab nug imakku, me ooppa nug guittak doottetai; amu deɗ laala nug oo gamag ahak dootte, me oo gamag ahak amu gogppa uug ele bettetai.

Prowerb 14:13 Referans Kwoze

Eklisiastis 2:2

Da anam antten, da ami. “Danab nug hamu hamu imatte amu, amuppa nug dabmak tutukku iittappa keeke hette. Nug beɗu aɗi kobol hekkunu eeɗe hette amu, amuppa nug aɗi keeke ena he bette?” awe ami.

Jems 4:9

Ag eheɗ hak ahilag amu, ag amunu dabmenan, ag oolagppa guittak doon, huana gayeg! Ag danab ag imatteb ele, ag imak am uuna gayeg! Ag danab ag oolag gamag ahatte ele, ag oo gamag ahak amu uuna, ag oolagppa uug ele doyeg!

Luk 16:25

Awa a amu Abraham nug aum. ‘Nagppi, keeke laippu imu na dautppa dokku. Anukka haen na wanppa bau daanna, na keeke ena oh aome, amu Lasarus nug am keeke oh nau awom. Amge gemu aben imuppa nug am oo ena dayeye, ge na amu guittak nau doottem.

Eklisiastis 11:9

O nid bau, na nid bau daattem, haen imuppa na oot gamag ahaɗ! Ao, na ootppa aɗi aɗi hena, gamag ahak dookkutnu anidttem ele amu, na amu hekkut. Na ootppa attem attem hekkutnu doottem, na amenppa attem attem hekkutnu anidttem amu, na amu dim lamidkkut; amge dabme! Kayak Nug na aɗi aɗi hekkut amu, Nug na amunu epeɗidkku.

Prowerb 5:4

Digmakppa danab nug anam ubuhi bia dookku, amge batakppa ah amunu hak am uud ad tiig mua ele bia. Ao, batakppa ah amunu hak am qep aeg laih laih ele, aeg oh am aegnab ele, am amubia daatte.

Eklisiastis 2:1

Anam amu, da dakka, da oolppa inam ami. “Da ahen, da aɗi kobol am ena anidkkulnu, da beɗul nug aɗi kobol digdig hekkulnu eeɗiltte amu, da hekkul,” ami. Da anam ain, aakku hemi, amge amu ele am gaɗappa, unuqagppa ele anttak laippu iitta anidmi.