Prowerb 14:11 - Nobonob Baibel

¹¹ Nau hak danab ah, ag baelkadppan ele ag geha nauhkkulag; amge genab tutukku hak danab ah, ag am geha buɗulkad kuɗum ele daaglag.

Prowerb 14:11 Referans Kwoze

Prowerb 3:33

Yawe Nug nau hak danab, nug baekkudppan ele, ag eheɗ laa awaknu anak waappa daaglagnu atte, amge Nug genab tutukku hak danab, nug baekkudppan ele, Nug ag itittak ena madatte.

Prowerb 12:7

Nau hak danab ag padal mena, baula ii daatteb; amge genab tutukku hak danab, nug baekkudppa, ag ɠagattag daatteb.

Sekaraia 5:4

Yawe Nukka Ɠagattag Oh Ele Nug inam atte. ‘Da heppi, eheɗ awaknu nai amu danab aun nug yabhok hette, nug laugppa ukka dayaya, danab aun nug nai hambuppuak mattia, nai amu da onilppa ɠagattag qedatte ele, nug laugppa ele ukka daakku. Eheɗ awaknu nai amuam, danab amu hetteb ele ag laulkadppa ukka dayeb, lag amuppan danab ah oh nauhppeppeg, laulkad ele nauhna autnanab aoglag. Lag ebehi, ad, men, keeke oh ele nauhakib daakku.’ Yawe Nug anam atte.” Engel nug da amelppa anam aum.

Prowerb 21:12

Kayak, Nug am genab tutukku haknu diig, Nug aɗi keeke nau hak danab laulagppa bette amu, Nug dootte; amu Nug nau hak danab he nauhtteb.

Job 21:28

Aɗinu? Ag inam atteb. ‘Danab okkai, ⌊nug hipunin heum ele amu,⌋ nug laug gemu adeppa daatte? Ao, nau hak danab dilag peh lag, ag amuppa daappig amu, peh amu adeppa daatteb?’

Prowerb 21:20

Danab doyak dabmak ena ele, ag ee ena keeke ag laulagppa meeg daatte; amge danab nug Kayak dab-ii-maama ii dim lamidtte ele, nug ee keeke nug aotte ele, nug paha he iitta mette.

Prowerb 11:28

Aun laa nug enubnu ooppa genab dootte, nug ad uɗug qaɗaiettak bia na qekku; amge genab tutukku hak danab, ag am ad uɗug bau daatteb bia bau daaglag.

Job 8:15

Danab Kayaknu, nuhig haknu ele uuak kobol dim lamidtteb amu, ag laa nug hibaitta dayaya, na qemanu goɗimnu amapip ehanidkkunu eppegppa aɗatte, amge pakkue, na qette, ag amubia hetteb. Ge ag laa nug goɗimnu amapip ehanidkkunu eppegppa ɠagattag aɗa daatte, amge goɗimnu amapip ɠagattag ii daya pagutte, ag amubia hetteb.

Sam 128:3

Am grep ena laa, nug grep meu huana otte, amubia na geha nid naunau kuɗum menuadkkut. Ao, olip ad, ita huana betteb, amubia nid naunau kuɗum na lautppa daaglag.

Job 18:21

Kobol amu oh am eheɗ hak danab dilagppa betteb. Ao, danab ag Kayak dimettan, dim ii lamidtteb ele, ahilagppa anam betteb.” Bildad nug anam aum.

Job 15:34

Nau hak danab ag ad, o grep muɗi amubia daaglag. Aɗinu? Danab ag Kayaknu nuhig haknu ele uuak dootteb ele, ag hamu, keeke iitta ele daaglag. Ao, laa ag lokkumakppa eheɗ haknu ehanittak aoglagnu doon autna aotteb ele amu, aab am ahilag keeke oh ewa maleb, ag hamu, keeke iitta ele daaglag.

Job 8:6

na ootppa oppiak ele daan, genab tutukku hak kobol dim lamidna oikkut dayeb amu, diig amunu Kayak Nug ehanidkkunu ahakku. Ao, Nug heeb, na daalom bia eɗun daakkut.

Prowerb 15:25

Yawe Nug dada hak danab laug loppaɗe nette; amge Nug ah qab dilag keeke atognotte.

Job 8:22

Nug heeb, nahip kekeɗ ag uɗa nak naunab dooglag. Ao, Nug heeb, eheɗ hak danab ag baula ii daamna.” Bildad nug Job amegppa anam mattia aum.

Sam 37:10

Haen elab iitta, nau hak danab ag qettoɗkkulag; Na ag mattialadna autna aokkut, amge na ag ii anadmana, ag gona malaglag.