Prowerb 14:10 - Nobonob Baibel

¹⁰ Nahip oo gamag ahak, oo uug doyak ele, amuam nakka nahip keeke; laa nug na doottem bianab dookkunu elele iitta.

Prowerb 14:10 Referans Kwoze

Pilipai 4:7

Ag anam heppeg, maɗoɗ, Kayak Nug maɗoɗ amu ig megatte ele, maɗoɗ amu danab dilag doyak oh eɗadtte, maɗoɗ amuam ag Kristus Jesusnu daaegeg, ag oolag, dabmak ahilag ele atognoateb daaglah.

Prowerb 18:14

Oɗe danab nug, “Kayak ehaniɗeb, eɗue bau ahakkul,” dootte dayeb amu, nug anam doyeb ukkeb ukkeb, oɗe amu iitta mekkunu ameg mak hekkunu elele; amge oɗe danab nug ooppa na qak dootte, nug, “Eɗua bau ahakkulnu elele iitta,” dootte dayeb amu, nuhignu am gadonnab, nug ehanittak adeppanu aokku?

Prowerb 15:13

Danab laa nug oo gamag ahak dootte amu, iɗuppa amunu anttak aakku daatte; amge oo uug doyak, amuam he, danab nug ooppa na qak dootte.

Job 10:1

Da bau daattemnu amu, da eheɗ nau doottem. Ao, da anam doottem amunu, dahil naittuɗ mak ii lokkumpa. Ge, da oolppa ninig bia doottem amunu, da amu dabmein madikkul.

Revelesen 2:17

Danab nug daug ele dayeb, nug Kayak Ouɗi Nug Kristen tamaniak dilkadppa nai mehuqtte doyaɗ! Aun laa nug ban eɗidkku amu, da maana gemu lokkumak daatte, da amunu laa medakkul. Da nug men hakkab laa ele nug medakkul. Men amuppa onig bau yaak ele daatte. Laippu laa nug onig amu diig ii dooma, aun nug da mettami ele amu, nug aakkuib dookku,” awa aum.

1 Pita 1:8

Ag Nug ii anidppig, amge ag nuhignu oolag mauhtte. Ag gemu ele Nug ii anidtteb, amge ag nuhignu oolagppa genab dootteb. Ag anam doona, ag ooppa genab doyak ahilkadnu gogppa tak, amuam Kayak eɗua diiadtte, ag amu aotteb amu, ag amu doonna, ag maɗoɗppan gamag ahak binag amahlak oppiaawak ele, danab aun nug amunu elele anaknu elele iitta, ag amu dootteb.

Jon 14:18

Da ag nid laa, nug anig mameg ele mauhpiɗ, nukkanab daatte, da amubia ii uuadpa. Iitta. Da gumatte uɗikkul.

Job 7:11

Ag da oɗel qamutkkulnu atteb, amge iitta! Da oɗel ii qamutpa. Ge, da oolppa guittak naɗinab doottem amunu, da diig dookkulnu madikkul. Genab, da oolppa ninig doottem amunu, da amunu naittuɗ mekkul.

1 Samuel 1:10

nug ooppa uug naunab daye, nug ninig ele gayaya, Yawe unuqittom.

Jon 12:27

Jesus Nug nai amu awona, Nug nai tuɗitta aum. “Da oolppa dabmak kuɗumnab aottem. Da, ‘Mame, na haen imunu mua nau imu heppe da ii anidpa,’ akkulte? Iitta! Da uɗat imu hekkulnu uɗimi,” awa aum.

Esekiel 3:14

Da amu dooi, Ouɗi da humiɗa, omaiɗa ukkom. Da ugekke, ⌊Yawe Nug uɗat da meɗom, da amunu⌋ uug naunab nau doye, ⌊da lailad, Israel danab ah dilag haknu da⌋ ool nauhom. Anam, amge Yawe Nug da ⌊nuhig uɗat hekkulnu⌋ ɠagattag aɗaile, ⌊da ukken hekkulnuib daye,⌋ da gomi.

Sam 25:14

Laa ag Yawenu ebehilag oh bodoetta le mette amu, Yawe Nug ag ele layam batatte. Nug ag ehanatte, ag nuhignu nug tituana nai qakkak nainu meu dootteb.

Job 9:18

Da hik niɗeb, ulah aokkulnu hebippi, Nug heeb, da eɗuen, hik elele awen, ena ii daalom; iitta, Nug heeb, da guittak, uug nau ele doolom.

2 King 4:27

Ah amu nug anam aum, amge haen nug qaukoppa, Kayaknu danab Elisa gumitta ta amu, nug gateg qaun o, gomela, Elisa baeg aɗom. Aɗe, Gehasi nug ah anam he antta doa, ah mauteb, piɗe ukkakkunu heum. Nug anam heum, amge Kayaknu danab Elisa, nug Gehasi amegppa aum. “Uuppe, nug uug okkainab laa ele amunu hette. Anam, amge Yawe nug da amelppa ah imu, nuhig uugnu amu ii aum,” awa aum.

Jon 14:23

Judas laa amu nug anam a, Jesus Nug aum. “Danab laa nug dahilnu oo mauhak dootte dayeb, nug dahil nai ele dim lamidkku. Aria, danab amunu amu da Mamel Nug nuhignu oo mauhkku. Amu da Nug ele, i nuhigppa nepuɗ, ig oh laippu, danab ewam lag laippuppa daatteb, amubia haen oh daagnig.

Genesis 42:21

Ag Josep amegppa anam appig, amge ag akka akka inam madippig. “Ig amanignu anukka eheɗ heut, ig beɗunigppa aab daatte amunu, gemu ig eheɗ hak amunu nob iikku aottem. Haen amuppa nug mauhak uua heehe, ig oo uug naunab doyak nuhig anidmut, amge ig nuhignu oonig ii doye, nuhig nai oo doyak ele ig amenigppa aum elenu dab-ii-memut. Keeke amunu nob gemu ig anidttem,” aon appig.

Job 21:25

Danab laa nug anam ena daya mauhtte, amge laa nug uug naunabib doya, bau daya, mauhtte. Ao, nug deɗ laa keeke ena nakok laa ii anttom, amge nug mauhtte.

1 Samuel 1:15

Eli nug anam a amu, Hana nug nob ma aum. “O naɗi dahil, amuam genab iitta. Da le ɠagattag laa ii lami; da uug naunab doottem, amunu da Yawe unuqitte aute aottem.