Prowerb 13:24 - Nobonob Baibel

²⁴ Laa nug nid naunau nuhikkud, nug eheɗ hak ahilagnu toliatta, bu ii madatte amu, nug danab nug laanu nau ninig ele dootte, nug ahilagnu anambia hette; amge laa nug nid naunau nuhikkud dilagnu oo mauhtte amu, nug ag toliatta, bu mattak ii uutte.

Prowerb 13:24 Referans Kwoze

Prowerb 29:17

Na bekkat tolidna, bu medakkut amu, na oot maɗoɗ ele daakkut; nug heeb, na nuhignu enanagnab dookkut.

Prowerb 29:15

Tolittak, bu mettak ele he, nid nug doyak dabmak ena ele daatte; amge nid nug tolittak, bu mettak ele ii aotte amu, nug he, anig nug uɗa nak nau guittak ele aotte.

Prowerb 19:18

Na bekkat tolidna bu mette! Aɗinu? Amuppa na nug ena bekkunu dabmak aɗan oikkutnu elele; na nug tolidna, bu mettak ii hekkut amu, na nug mauhkkunu ibppa mettem.

Prowerb 22:15

Nid naunau ag Kayak dab-ii-maama hak hetteb; amge na ag toliadna, bu madakkut dayeb, kobol amuam uma ukka daakku.

Prowerb 8:36

Amge laa nug da ii mattiɗa aniɗtte amu, nug aakku nukka nuhignu eheɗ hette. Ao, laa oh ag dahilnu nau ninig ele dootteb amu, ag aakku mauhkkulagnu ib oɗeppanab daatteb.” Doyak Dabmak Ena Ele nug anam aakku ette.

Luk 14:26

“Danab nug dahilppa uɗitte, amge nug mameg, anig, am nuhig ah, bekkod dilag am awag, amag, apakkud, appinkkud dilag, nug nukka nuhig bau dayak ele amunu anuqak dootte ele, aria nug dahil ippunittak awak danab daakkunu elele iitta.

Duteronomi 8:5

Amunu ag nid mamelkad, anilkad ele ag nid naunau ahilkad toliadna bu madatteb, amubia Yawe, ahilag Kayak, Nug ag toliatta, bu madatte doyeg!