Prowerb 13:23 - Nobonob Baibel

²³ Daɗek danabnu dad am ee kuɗumnab eletai; amge laa ag nai doya mala hettoɗia epeɗia elele mettak kobol ii dim lamidtteb ele, ag nuhig ee aɗidna aotteb.

Prowerb 13:23 Referans Kwoze

Prowerb 12:11

Aun laa nug dad uɗat nuhig pehettak hette ele, nug ee elelenab ele daakku; amge laa nug dabmak hamu hamu dim lamitta oitte amu, nug epeɗia ha dabmak ena awak kobol ii dootte ele, ⌊amunu nug ee iitta daakku⌋.

Prowerb 28:19

Aun laa nug dad uɗat nuhig pehettak hette ele, nug ee elelenab ele daakku; amge laa nug dabmak hamu hamu dim lamitta oitte amu, nug daɗek daakku.

Eklisiastis 5:9

Danab okkai amu oh, amge agib iitta, king ele, ag oh daɗek ag dattanu keeke aotteb, ag amunu takis anan heeg, daɗek ag madatteb.

Sam 112:5

Danab nug keeke nuhig laa madakkunu oo ii qe ehanadtte, nug men doɗo nuhig awa, lon ha laa madatte, nug aɗi keeke hette ele amu, nug nai doya mala, hettoɗia epeɗia, elele mettak kobol dabmaama hette ele amu, nuhignu am ena.

Prowerb 27:18

Aun laa nug ad fig dabmetta atognotte, nug ad fig meu lakku; aun nug nuhig okkai dabmedatte, nug binag aokku.

Prowerb 12:14

Danab laa nug Kayak binag mak nai, ehanittak nai ena ele madittenu nob ena ambak anidkku; ele amu, danab nug eppegppa uɗat haaha daya, nug keeke aotte.

Duteronomi 21:4

Ag epeɗin aon, wan oolnu noakppa, aben auntai laa wan ii buuom ele, o keeke laa ii eppak eleppa gokkulagoitte. Aben amuppa amu lenag laa ii qaɗaiedatte ele, amuppa ukkak ele. Oolnu noak amuppa amu, ag makau balat amu duug qiiglagoitte.