Prowerb 13:20 - Nobonob Baibel

²⁰ Aun nug danab doyak dabmak ena ele oitte, nug doyak dabmak ena ele awa oitte; amge aun nug danab ag Kayak dab-ii-menan ii dim lamitteb ele oitteb, nug nau anidkku.

Prowerb 13:20 Referans Kwoze

Prowerb 15:31

Laa nug layagnu daug batak ena dootte amu; nug danab doyak dabmak ena ele oolagppa daakku.

Prowerb 9:6

Ag doyak ii awak ele aib tuɗidna daan oippig! Ag amu tuɗidna ii hekkulag dayeb, ag bau daaglag; ag diignu doyak tutukku aon oiyeg!” awa atte.

Revelesen 18:4

Amu da baula baag laa hab aabppanu doomi, amu nug inam aum. “Dahilad danab ah ag nug ooppanu uɗin, dimittim ippa doig! Iitta dayeb, ag nug ouqeppeg, ag nug ele nuhig hipuninppa daaglag, nuhig hipunin nob nau amu, ag nug ele aoglag.

Sam 119:63

Aun laa nug nahipnu ebehi oh bodoetta le mette, nug am da layal. Ao, aun laa nug nahip oo yaak nai ɗo bia, nug nai amu dim lamidtte, nug am da layal.

Hibru 10:24

Amu ig lainkad dilag, ag danab laa dilagnu oolag mauhkkunu, kobol ena ele hekkulagnu maɗattagnignu, ig amu ele dabmetu!

Malakai 3:16

Amu laa ag Yawenu anam eheɗ mattin appig, amge laa ag genab Yawenu ebehilag oh bodoetta le mette ele, ag akka akka ⌊Yawenu⌋ mattiak ⌊tutukku⌋ heeg, Yawe Nug ag keeke madippig amu doyom. Nug doya he, laa Nug noobppa daya, laa amu onilag buk itoɗiakppa daakkunu yom. Amuam laa ag Yawenu ebehilag oh bodoetta le mette, ag Nug binag metteb ele, nug ag onilag buk itoɗiak amuppa yom.

Aposel 2:42

ag totol danab 12 nai mehuqegeg doonna, nug ena doyaya dayak ele daanna, ee laippu lanan, Kayak unuqidppig.

1 King 12:8

Danab kaino ag anam appig, amge Rehoboam nug ahilag ulum nai dookkunu uua, nug nid bau, ag nug ele oh laippu ena meppig, gemu ag nug waappa daan, nuhig maɗi nid daappig ele amu, nug ag onilagppa e doeg, nug ag ulum mettaglagnu anana,

Prowerb 7:27

Nug laug am mauhak moɗppa ukkaknu ib. Ao, amuam ib, danab nug amuppa ukka, nug mauhkku.

1 King 12:10

Nug anam a amu, nid bau, ag nug ele oh laippu ena meppig ele, ag nug amegppa appig. “Na danab ah amu, ag na amenppa, ‘Na mamen nug ig uɗatnu uug okkai, ɠagattagnab mekke hemut amu, na uug amu heppe, nakok iitta mekkunu oonig daatte,’ appig, na amu dilag oɗmak amu nob mena, na ag amelagppa inam appe doyeg! ‘Da eppel doɗo nakoknab imu, nug am da mamelnu ɠagattag oh eɗidtte.

2 Stori 19:2

Hanani bekka Jehu, nug propet amu, nug aha, King Jehosapat uɗa ta, nug amegppa aum. “Na danab nau ehanidkkut am enate? Na laa nug Yawenu nau ninig ele doottenu oo mauhak dookkut am enate? Na anam heme amunu, Yawe Nug nahipnu oppoɗi bak dootte.

Genesis 14:12

Akkan gonana, Abram bekka nakok Lot nug Sodom dayom amunu, ag nug, nug baekkudppa, amu keeke nuhig oh ele diin goppig.

1 King 22:4

Awa oɗ matte amu, aakku Ahap nug Jehosapat oɗ mettom. “Na nahipad ele, am da dahilad ele ig oh aab Ramot, Gileat wanppanu, ig appa banelag gota, ig aab amu eɗut aognigte?” awa oɗ mettom. Oɗ mette, Jehosapat nug Ahap, Israel dilag king, nug oɗeppa awa aum. “Da na ele i laippu daattep. Ihintad danab ele ag anamib aakku, amu ihintad hos ele, ⌊amunu ig ag ele oh gota, ban hekkunig,⌋” awa aum.

1 King 22:32

Aram dilag king nug anam a, ban daup ikki ban haknu karis gumappig ele ag gona, ban henana, haen ag Jehosapat anidna, ag, “Genab, umu am Israel dilag king Ahap,” dabmena, ag eɗun, nug qekkulagnu ban heegeg, Jehosapat nug huan baag okkaippa e doon, ag dooppig,

2 Stori 10:8

Danab kaino ag anam appig, amge Rehoboam nug ahilag ulum nai dookkunu uua, nug nid bau, ag nug ele oh laippu ena meppig, gemu ag nug waappa daan, nuhig maɗi nid daappig ele amu, nug ag onilagppa e doeg, nug ag ulum mettaglagnu anana,

2 Stori 22:4

Ahasia mameg Jehoram mauhe, Ahap baegppanu danab laala ag Ahasianu ulum mettak danab bena daappig amunu, Ahasia nug Yawenu neekkakppa eheɗ heum. Kobol Ahap baekkudppa ag heppig, amubia nug ele heum. Nug anam ha, nug aakku diig amunu na qeum.

Prowerb 13:19

Danab nug keeke ena bekkunu oo dayeb ukkeb ukkeb, nug meu andatta, am enanag dootte; amge danab ag Kayak dab-ii-menan ii dim lamidtteb ele, ag ahilag eheɗ hak uuglagnu oolagppa uuaknab dootteb.

Prowerb 14:7

Danab nug dabmak tutukku iittappa oitte ele, na nug oɗeppan doyak ena laa ii anidmanade; na nuhignu awaidna oiye!

Prowerb 22:24

Aib danab oppoɗilag paha paha bette ele layam batappig. Ao, na aib laa nug pahanab oo nauhtte, na nug ele daapiɗ.

Prowerb 22:25

Na anam hekkut dayeb, na nuhig kobol aona, na pelemppa tekkut.