Prowerb 13:17 - Nobonob Baibel

¹⁷ Nai awa ukkak danab nau nug uug he bette; amge nai awa ukkak danab, laa ag nuhignu genab elele dooglagnu elele, nug he, maɗoɗ bette.

Prowerb 13:17 Referans Kwoze

Prowerb 25:13

Nai awa ukkak danab, laa ag nuhignu genab elele dooglagnu elele, nug uɗat nuhig ena amuppa, nuhig okkai, ag nug meeg gotte amu, nug ag ehanadtte; ehanittak amuam, danab nug deɗ laa gakkaɗak haen nauppa, nug le oug lawowa, ehanittak aotte, am amubia daatte.

2 Korint 5:20

Ig Kristus oɗe aota, nuhig nai madittem. Kayak, Nug ig oɗenigppa ag nai madatte bia amu, ig Kristus onigppa danab oh amelagppa, ag kekeɗ kobol uuna, ag Kayak ib babaittom ele amu, ag ib amu dim lamidna, Kayak ele oolag laippu daaglagnu unuqadttem.

1 Korint 4:2

Aria, uɗat gumak danab nug nuhig okkai noobppa ena daakkunu, nug nuhig danab okkai uɗat aɗi aɗi hekkunu atte, nug uɗat amu hekkunu oo metta ii uuak kobolppa hekkuoitte.

Esekiel 3:18

Da ⌊na amenppa, na⌋ nau hak danab amegppa, ‘Na genab mauhkkut,’ ⌊akkutnu⌋ appi, na danab amu amegppa nug nau aomanu nai ii mattinna, na nug ii mauhmanu, nug bau daakkunu na nug eheɗ hak nuhig uua ii hemanu ii akkut amu, nau hak danab amu nug hipunin nuhignu mauhkku, amge da anidttem amu, nug mauhkku am na beɗunppa amunu, da na nob medakkul.

2 Timoti 2:2

Am nai oh dahil, da danab ah kuɗum noolagppa mattiyi doome ele amu, na danab diilag ena ele, ag am oɗe dim lamittak danab, ag laa nai amu ippunadkkulagnu elele amu, na ag amelagppa madippe doyeg!

1 Timoti 1:12

Da Kristus Jesus, ihinig Naɗi, Nug da uɗat imu hekkulnu ɠagattag meɗom amu, da Nug amegppa, “Ena heme,” awe attem. Aɗinu? Nug uɗat imu da eppelppa meeb hekkulnu elele aniɗa, Nug nukka da uɗat imunu tituaniɗom.

2 Korint 2:17

Danab kuɗum laa ag oinna, Kayak naippa men doɗonu uɗat hetteb ele amu, ig amubia ii hettem. Iitta. Ig Kristusnu daatta, maɗi nid Kayak maatte gotteb bia, ig oonig oppiaawak eleppa Kayak noobppa nai amu mehuqttem.

Jeremaia 23:28

Propet aun laa nug tul niia, nug tul niiak amuam dahilppanu uɗiom ii dookku dayeb amu, nug, ‘Tul niiak imuam dahil tul niiak,’ aakkuib akkuoitte, amge propet aun laa nug dahil nai doyom dayeb amu, nug tutukku, genabnab mehuqaɗ! Wit gumu am keeke hamu, wit aeg am keeke enanag, amubia.

Prowerb 26:6

Na danab laa nug Kayak dab-ii-maama ii dim lamidtte ele, na nug nahip nai laa awa ukka, laa amegppa mattieb dookkunu eppegppa mekkut amu; kobol amuam na nakka baen laplap okkulatna, buɗiatppe gokkulah, o na le nau, danab qe mauhtte ele, na amu lakkut, na amubia hettem.

Prowerb 25:23

Gu haenppa gu genab nettebia; laa nug layagnu nai nau maditte amu, layag nug genab oo nauhtte.

Prowerb 10:26

Bahi iittanab danab nug laan maɗi nid daatte dayeb, nuhig danab okkai nug nuhignu am ena ii dooma; danab okkai amu nug nid amunu keeke ninig elenab laa lawowa, aeg nak dootte bia dootte, o iitta, nug ameg aab kah qe dootte, nug amubia dootte.

Prowerb 13:18

Danab nug tolittak awaknu uutte ele, gogtak nuhig am uɗa nak awa, daɗek ele daakkunu daatte; amge aun nug tolittak ena aotte, nug binag aotte.

Namba 31:8

Danab aqappig oolagppa amu Ewi, Rekem, Sur, Hur, Reba ele. Danab amu, ag am Midian ooppanu king tanig ele. Ag Balam, Beor bekka, ag nug ele qep elabppa qeeg mauhom.