Prowerb 13:16 - Nobonob Baibel

¹⁶ Danab nug eheɗ bemanu dabmak awa dabmak amu dim lamittak kobol dim lamidtte amu, nug doyak enappa keeke hette; amge danab Kayak dab-ii-maama ii dim lamidtte ele, nug he, nug Kayak dab-ii-maama hak kobol dim lamitta oitte miag atitte.

Prowerb 13:16 Referans Kwoze

Prowerb 15:2

Danab doyak dabmak ena ele ag nai doyak ena ele maditteb; amge danab ag Kayak dab-ii-menan ii dim lamidna oitteb, ag Kayak dab-ii-maama haknu nai huana maditteb.

Epesus 5:17

Gemu am haen nau amunu ag dabmak tutukku iitta aib aqom. Naɗi Nug oo attemun niitte amu dabmenana, anamib oiyeg!

Aisaia 52:13

Yawe Nug atte. “Antteg! Dahil maɗi nid nug doyak dabmak okkai ele dim lamitta, nuhig hak hekku. Nug onig okkai, binag okkai ele aokku.

Eklisiastis 10:3

Danab nug Kayak dab-ii-maama ii dim lamidtte ele, nug ibppa oiyaya, kobol dabmak iitta ele haaha; nug aakku danab ah oh nug kaaka amu ippunadtte.

Rom 16:19

Ag Rom danab ag Kayak oɗe dim lamidtteb amu, nai amu danab oh ag doon malappig daatteb amunu, da ahilagnu maɗoɗppan gamag ahak okkai doottem, amge da ag kobol enanu doyak dabmak ena ele dim lamidna kobol amu hena, kobol tutukku iittanu amu nakok laa ii helobnu ool okkai daatte.

1 Korint 14:20

O lailad ag dabmaknu amu, ag nid naunau, dabmak tutuib aon oitteb, amubia ag aib oippig, amge ag hipuninnu amu, ag nid yuɗ, hipunin doonna ii hetteb, amubia ag hipunin aib heppig. Ag danab okkai dilag dabmak aon oiyeg!

Matyu 10:16

Doyeg, da ag maatti, ag sipsip wulp oolagppa gotteb bia gotteb amunu, ag dabmak tutukkunab aona, keeke heig! Amu ele ag keeke oh qinonob henana, kobol nau laa hekkulagnu aib dabmeppig.

Prowerb 21:24

Danab nug dada danab, beɗuppa tak danab ele amu, nug onig am Awa Awa Qettak Danab; beɗuppa tak kobol nuhig am bodok iitta.

Sam 112:5

Danab nug keeke nuhig laa madakkunu oo ii qe ehanadtte, nug men doɗo nuhig awa, lon ha laa madatte, nug aɗi keeke hette ele amu, nug nai doya mala, hettoɗia epeɗia, elele mettak kobol dabmaama hette ele amu, nuhignu am ena.

1 Samuel 25:25

O naɗi, da na oɗ medattem; na Nabal, nug am danab nau amu, na nai nug mettom am aib dabmeme. Aɗinu? Nug onignu diig eɗuak amu inam, ‘Danab nug Kayak dab-ii-maama ii dim lamidtte ele.’ Nug onig eɗuak am anam, amu eɗuak amuam genab, nug am danab anam ele aakku. Kobol nuhig ele amu, am anamib. Amge dahilnu amu, da na, dahil naɗi, da nahipad danab na ag amelagppa ae, ag ig gumigna goppig amu, da, da maɗi ah nahip, da danab amu da ag ii anadmi.

1 Samuel 25:17

Ag anam heppig, amge ihinig danab okkai, nug am danab nau, laa nug ele nai mattiglahnu elele iitta, gemu nug kobol nau he, nug, nug baegppan ele, ig oh aakku naunab aognignu miag daattem. Ig nauhmut miag daattem amunu, na geha keeke amu ohnu na dabmekkutnu ool daatte. Na dabmena, na keeke aɗi hekkutnu elele amu, na hekkut.” Danab amu nug Abigel amegppa anam aum.

Prowerb 18:2

Danab nug Kayak dab-ii-maama ii dim lamidtte ele nug diignu doyak tutukku aokkunu oo ittag ii qette; diig amunu nug danab ah oh nukka nuhig dabmak amuib amelagppa madikkunu enanagnab dootte.

Prowerb 14:33

Danab ag oo maittak awaknu ehah aoppig daatteb amu, doyak dabmak ena ele ahilagppa daatte; amge danab ag Kayak dab-ii-menan ii dim lamidtteb, ag doyak dabmak ena ele iitta.

Eklisiastis 10:13

Danab nug Kayak dab-ii-maama ii dim lamidtte ele, nug digmakppa Kayak dab-ii-maama haknu nai maditte; gog tak amu, nug Kayak dab-ii-maama haknu nai aakkuib ii maditte. Iitta. Nug nai nau, kaaka ele maditte.