Prowerb 13:15 - Nobonob Baibel

¹⁵ Danab ah ag diignu doyak tutukku ele ag laa dilag neekkakppa ena daatteb; amge laa ag Yawe ippuanattom bia Nug dim lamidkkulagnu uun hetteb ele, ag uug anidtteb.

Prowerb 13:15 Referans Kwoze

Prowerb 4:19

Anam, amge nau hak danab dilag ib amu gatatu naunab bia; aɗi keeke he, ag nena qetteb amu, ag ii dootteb.

Jeremaia 2:19

Ag nau hetteb amunu, nau hak ahilag am ag bu madakku. Ao, ag da dimeɗona kayak hambuppuak laala dim lamattegeg uɗie, gemu ele hetteb amunu, ahilag kobol amu, am ag daulag batakku. Anam amunu, ag da, Yawe, ahilag Kayak, ag da uuiɗna, ib laa oiyegeg, ag ebehilag oh dahilnu bodoetta le ii mette, diig amunu uug okkai ahilagppa anam bette, amu kobol amuppa ag nob eheɗ aona, mua naunab nau dootteb dabmenan oiyeg!” Naɗi, Yawe Nukka Ɠagattag Oh Ele, Nug anam aakku atte.

Prowerb 3:4

Na anam hekkut dayeb, na Kayaknu neekkakppa, danab ah dilag neekkakppa ele, na danab diignu doyak tutukku ele daakkut.

Sam 111:10

Danab nug Yawenu ebehi oh bodoetta le mette ele amu, danab amu nug digma, doyak dabmak ena ele aokkunu hette. Ao, danab ah oh ag Yawenu oo yaak nai ɗo bia dim lamidtteb ele amu, ag diignu doyak tutukku ele. Ag Nug binag hanhan meig!

Rom 6:21

Amu ag kobol nau heppig, ag gemu kobol amunu uɗalag nette ele amu, kobol amuppanu ag aɗi keeke ena aoppig? Kobol amuam mauhakib he bette.

Aposel 7:10

Josep nug uug digdigppa dayeye, Kayak Nug amu ohppa ehanitte qagaiettakppa ii dayom. Amuam Kayak Nug doyak dabmak ena ele Josep mette, Paro, Isip dilag king, nug Josepnu oo daye, awa me Isip dilag gabman anuqak dayaya, king laugppanu keeke oh gumama, nug kingib waappa dayom.

Prowerb 15:10

Danab nug doyaya ib apiɗidtte, nug tolitta bu mettak ɠagattag aokku; amu danab nug daug tolitta mettaknu nau ninig ele dootte amu, nug mauhkku.

Luk 2:52

Amu Jesus Nug ena meeme, nuhig doyak ele okkai meeme, Kayak noobppa, danab noolagppa ele Nug ena oiya, tuɗitta he, ena dooppig.

Prowerb 14:35

King nug maɗi nid nuhig laa, nug doyak dabmak ena ele, nug nuhignu oo enanagnab dootte; amge nug maɗi nid laa, nug uɗa nak keeke laa hette amu, nug nuhignu oppoɗi bette.