Prowerb 13:12 - Nobonob Baibel

¹² Danab nug keeke ena laa aokkun daatte, me nug ii aotte amu, nug uug okkai dootte; amge danab nug aɗi keeke aokkun oo huana daatte, nug aotte amu, amuam bauklel adnu meu lanaknu bia aakku.

Prowerb 13:12 Referans Kwoze

Jon 16:22

Anamnab aakku. Gemu amu ag oolagppa oo doyak ele daatteb, amge da geha ag eɗue anadkkul, amu haen amuppa ag maɗoɗppan gamag ahak okkai dooglag. Amu laa nug ahilag maɗoɗppan gamag ahak amu qeeb nekkunu elele iitta,” awa aum.

Prowerb 13:19

Danab nug keeke ena bekkunu oo dayeb ukkeb ukkeb, nug meu andatta, am enanag dootte; amge danab ag Kayak dab-ii-menan ii dim lamidtteb ele, ag ahilag eheɗ hak uuglagnu oolagppa uuaknab dootteb.

Prowerb 3:18

Am danab aun aɗi ag doyak dabmak ena ele aoppig amu, ahilag doyak dabmak ena ele heeb, ag bauklel daaglag. Ao, danab aun aɗi ag doyak dabmak ena ele aoppig amu, ag itittak ena aoppig daatteb.

Sam 17:15

Amu da, da genab tutukku hak kobolppa na anidkkul. Haen da niiak abenppanu ahen, na anitten amu, da elelenab dookkul.

Prowerb 11:30

Danab ag genab tutukku hak kobol dim lamidtteb amu, amuppa ag heeg, danab laa ag bau daatteb; amu danab doyak dabmak ena ele, nug kobol attem attem, laa ag aon bau oiglagnu ippunadtte.

Sam 69:3

⌊O Kayak, da anam bia dayeye,⌋ da na ehaniɗkkutnu einne daattem. Da nahipnu ei ei, da beɗul gai-iitta me, da baal ele guiɗtte. Da na Kayak, dahil Kayak, da na anidkkulnu neekki neekki, da amel ele gai-iitta meum daatte.

Sam 143:7

Yawe, da ool gai-iitta ma auta awa dayeye daattem, na oot meɗan, pahanab gumiɗna uɗin, unuqittak dahil nob ena mekkutnu oɗ medattem. Na oot da meɗan, da dimeɗamnanu unuqidttem. Na dimeɗappe amu, da mauhkkul.

Genesis 46:30

Gaye amu, Israel nug Josep amegppa aum. “Da gemu na anidttem; na bau daattem amunu, da mauhkkul am nai iitta,” awa aum.

Solomonnu Ahi 5:8

O Jerusalem ah, da ag laa, nug dahilnu oo mauhtte ele, ag nug anidna, ag nug amegppa dahilnu, “Nug nahipnu oo mauhak huanak doyeye, beɗu gai-iitta meum daatte,” appeg dookkunu wan yaan meɗan, da amelppa ɠagattag akkulagnu ag amelagppa attem.

Revelesen 22:2

aab okkainu ib gamagppa gotte. Bauklel ad amu nug le amu akka laih laih tagagɗitta, tappom daatte. Nug meu amu maɗ laippu ooppa haen 12 ele niitte. Kalam ohppa meu niitte. Ad uɗug amu atu atu danab ah dilag oɗe babaittaknu ele.

Revelesen 2:7

Danab nug daug ele dayeb, nug Kayak Ouɗi Nug Kristen tamaniak dilkadppa nai mehuqtte doyaɗ! Aun laa nug ban eɗidkku amu, da nug bau hanhan dayaknu ad meu, Kayaknu Paradisppa daatte, medappi lakku,” awa aum.

Prowerb 13:11

Am danab nug ib ena iittappa men doɗo aokku dayeb amu, men doɗo amu iitta mekku; amge danab laa nug uɗat haaha, men doɗo hubhub qagmekku dayeb amu, men doɗo amuam okkai mekku.

Prowerb 13:13

Aun nug Kayaknu ippunittak nai dimedakku amu, nug eheɗ hak amunu uug maokku; amge aun nug Kayaknu ɗonu ena doya, nai dim lamidkku amu, nug amunu nob ena aokku.

Nehemaia 2:2

Da anam daaiyi, king nug aniɗa, nug da oɗ meɗom. “Na oɗe iitta amu, aɗinu na iɗun tiguguɗak daatte. Na ootppa uug okkai laa doottem amunu, na iɗun anam daatte doottem,” awa aum. Nug anam a, da eheɗ baɗami.