Prowerb 13:11 - Nobonob Baibel

¹¹ Am danab nug ib ena iittappa men doɗo aokku dayeb amu, men doɗo amu iitta mekku; amge danab laa nug uɗat haaha, men doɗo hubhub qagmekku dayeb amu, men doɗo amuam okkai mekku.

Prowerb 13:11 Referans Kwoze

Prowerb 20:21

Laa nug nid bau dayaya, kalu mettak iitta haenppa mameg eppegppa aug aokku dayeb amu; gog takppa aug amu nug ii ehanidma.

Prowerb 10:2

Na ib eheɗppa en okkai aokkut dayeb amu, en amu ii ehanidma; amge genab tutukku hak kobol am na ehanitteb, laa ag eheɗ hak ahilagppanu mauhtteb, amubia na ii mauhmana.

Prowerb 28:8

Laa ag lonnu intres, ag amuppa enulag okkai tuɗidna aotteb amu; Kayak Nug heeb, ahilag en am laa ag daɗek ehanadtteb ele, ahilag daakku.

Prowerb 28:22

Danab nug, nug ehanittak uua, nukka nuhignuib dabmette, nug enub okkai aokkunu hik qette; amge nug ii dootte, uma iitta nug daɗek daakku.

Prowerb 28:20

Danab laa nug oo metta ii uuak kobol haahaib daatte, nug itittak ena kuɗum aokku; amge laa ag enulag okkai ele daaglagnu hik aqe oitteb, ag am bu aoglag.

Jeremaia 17:11

Danab laa nug laa dilagppa kobol eheɗ ha, en okkai aotte, nug am ai patris ai laanu oppa tona makkultte, nug amubia daatte. Nug enub ele haen elab ii daama. Iitta. Ai laan oppa patris makkulom ele, ai amu ag paha patris uuna, hagagaɗna gokkulag, amubia enub amu iitta mekku amunu, danab nug en kobol amuppa awom ele, laa ag nuhignu nug am danab Kayak dab-ii-maama ii dim lamidtte ele dooglag.” Yawe Nug anam awa atte.

Sam 128:2

Na danab anam laa daattem dayeb, Yawe Nug ana ehanitteb, na ee keeke aokkutnu eppenppa uɗat hettem ele, na amu ele daakkut. Ao, na gaman ahak doon, na elele daakkut.

Job 20:15

Danab amu nug danab ee laawo, oo gahag be bahe gotte, amubia nug en okkai okkai ib eheɗppa awom ele buɗieb ukkeb, laa aoglag. Ao, Kayak heeb, nug en okkai ib eheɗppa awom ele buɗieb ukkeb, laa ag aoglag.

Eklisiastis 5:14

o iitta, nug enub okkai awe, uug atten ba he, enub okkai amu iitta mette amunu, danab amu nug bekka keeke nakok laa medakkunu elele iitta.

Prowerb 13:10

Dada hak danab nug laa oɗeppanu ulum ena awaknu uutte amunu, nug laa ele, ag nug uɗa aoɗtteb; amge laa nug ulum ena awa, ooppa mette amu, nug am doyak dabmak ena ele.

Prowerb 13:12

Danab nug keeke ena laa aokkun daatte, me nug ii aotte amu, nug uug okkai dootte; amge danab nug aɗi keeke aokkun oo huana daatte, nug aotte amu, amuam bauklel adnu meu lanaknu bia aakku.

Prowerb 21:6

En okkainab, danab nug hambuppuakppa awom ele, en amuam paha iitta ma, guittak ele en mameg medatte; en amu, doɗ pelemppa ta guittak aotte, amubia en mameg guittak medatte.