Prowerb 12:8 - Nobonob Baibel

⁸ Danab ag laa nug doyak dabmak ena ele, ag nug binag metteb; amge danab nug dabmak kaliaknu kobol hette, laa nuhignu ena iinab dootteb.

Prowerb 12:8 Referans Kwoze

2 Korint 10:18

Danab nug nukka nuhignu, “Da uɗat amu hekkulnu ena, elele daattem,” atte, amuam keeke hamu, amge danab Naɗi Nug nuhignu, “Nug uɗat amu hekkunu ena, elele daatte,” atte, amuam meu ele.

1 Korint 4:5

Epeɗiak uɗat amu ig gemu ii gumattem amunu, haen gamag imuppa ig anam ii hemata. Ag Naɗi uɗikkunu haen ameg meig! Nug uɗia, keeke oh gatatuppa lokkumak daatteb amu heeb, amahlakppa miag atippeg, aria Nug ele heeb, danab ag diig aɗinu keeke laala heppig amu, danab oh dilag dabmak amu miag bekku. Haen amuppa geha Kayak Nug ig danab oh laib laib ihinig haknu nob tutukku megakku.

Aposel 12:23

Ag anam aeg, Herot nug nai amu doya, Kayak binag ii meum amunu, Naɗinu engel laippun oɗe metta he, gawat beɗu qena laeg, aakku mauhom.

Luk 16:8

Uɗat gumak danab nug ib laa doyak ele, amge ib amu ele am ena iitta, nug ib amuppa keeke amu he beum amunu, nuhig okkai nug gumak danab nug uɗat kaliak amubia hekkunu doya aut autanab awak dayeyenu aum. Aɗinu ⌊nug anam aum⌋? Wannu haen imuppan danab amu, ag ahilag uɗat hekkulagnu elelenab, ag amuppa, ag danab amahlakppanu eɗadtteb,” awa aum.

Daniel 12:2

Kuɗumnab, ebqaknu iitta huanaknab moɗppa niitteb ele, ag eɗun ahaglag. Laa ag bauklel hanhannu aoglag; laa ag uɗa nak nau, laa noolagppa keeke hamunab doyak ele hanhannu aoglag.

Prowerb 5:23

Nug tolittak aokkunu uua oiyaya, nukka nuhig oiyak ii atognoum amunu, nug mauhkku; nug dabmak tutukku ii awa, Kayak dab-ii-maama hak kobol amuib dim lamittom.

Prowerb 3:35

Yawe Nug he, danab ag doyak dabmak ena ele, ag binalag ele daatteb, amge Nug he, danab ag Kayak dab-ii-menan ii dim lamidtteb ele amu, ag uɗalag nette.

Prowerb 1:26

Ag amu heppig amunu, da haen aɗi keeke heeb, ag uug naunab dooglag amu, da haen amuppa imadkkul. Ao, haen padal mak haen laa ahilagppa beeb amu, da ag awe awe aqadkkul.

Sam 132:18

Da heppi, nuhig kekeɗ ag uɗa nak naunab aoglag. Ge, kekeɗ ag anam daaglag, amge king da tituankkul, nug binag okkainab ele daakku.” Yawe Nug anam aum.

Genesis 41:39

Paro nug anam ana amu, nug Josep amegppa aum. “Kayak Nug keeke imu oh ippunittom amunu, laa nug nahip oo maittak awaknu ehah awak, amu danab doyak dabmak ena ele awak laa nabia uɗat imu hekkunu laa iitta

1 Samuel 25:17

Ag anam heppig, amge ihinig danab okkai, nug am danab nau, laa nug ele nai mattiglahnu elele iitta, gemu nug kobol nau he, nug, nug baegppan ele, ig oh aakku naunab aognignu miag daattem. Ig nauhmut miag daattem amunu, na geha keeke amu ohnu na dabmekkutnu ool daatte. Na dabmena, na keeke aɗi hekkutnu elele amu, na hekkut.” Danab amu nug Abigel amegppa anam aum.

1 Samuel 18:30

Keeke amu oh dimppa, haen kuɗum Pilistia huu ag uɗieg, Israel ele ban heppig. Am haen oh ag anam heppig amu, Dawit nug ban hak kobol nuhig haaha, nug Saulnu ban daup ikki laa oh, nug amu dilag ban haknu kobol eɗidttom amunu, Israel danab ah oh ag nug am anam doon, nuhignu enanagnab dooppig.

1 Samuel 16:18

Saul nug ag amelagppa anam a, Saulnu maɗi nid laa nug Saul amegppa aum. “Da Betlehem ted Jesi bekka laa anidmi. Nid amu nug harp qaknu, enanag hette. Danab amu nug ooppa ɠagattag doyak ele; nug am banppa ban ena hette ele. Nuhig mattiak am ena; nug iɗu ele am tuqak ele. Laa ele amu, Yawe nug ele daattep,” awa aum.

1 Samuel 13:13

Saul nug Samuel amegppa anam a amu, Samuel nug eɗua, nug amegppa aum. “Na heme amu, amuppa na dabmak tutukku iittappa heme. Na Yawe, nahip Kayak, na nuhig nai ii dim lamidme. Na dim lamidlom amu Nug heeb, na, amu na buɗun ele ag hanhan Israel gumalob.

Eklisiastis 8:1

Aun nug danab doyak dabmak ena ele bia daatte? Ge, aun nug keeke ohnu diig ab doognignu elele? Danab nug doyak dabmak ena ele, nug iɗuppa amahlak bia daatte. Ao, doyak dabmak ena ele he, danab iɗu am danab ɠagattag neegtte bia ii daatte.

Prowerb 12:7

Nau hak danab ag padal mena, baula ii daatteb; amge genab tutukku hak danab, nug baekkudppa, ag ɠagattag daatteb.

Prowerb 12:9

Na danab onin iitta daanna, heɗianppa ee aon lakkut am ena, amu uɗa nak iitta; amge na nakka, “Da iikku onil ele, uɗat laa ii hepa,” anana, enug nittebeb oikkut, amuam ena iitta.

Prowerb 29:27

Genab tutukku hak danab ag hambuppuak danab dilag ⌊kobolnu⌋ oolagppa uuaknab dootteb; nau hak danab ag genab tutukku hak danab dilag ⌊kobolnu⌋ oolagppa uuaknab dootteb.

Aisaia 19:14

Yawe he, Isip dilag danab okkai, ulum mettak danab aɗi, ag ahilkad dabmak kaboliak daatte amunu, ag heeg, Isip danab ah ag oiyak ahilag am ukka nauha auta awe, ag keeke tutukku laa ii hetteb. Ag am danab le ɠagattag huan la, kaaka qe bahowa, gokkunu haaha, eheɗ oiyaya, bahomppa tappa, na qekkunu haaha oitte, Isip ag anam hetteb.

1 Samuel 2:30

Amge na anam hettem amunu, Yawe, Israel dilag Kayak, Nug inam atte. ‘Anukka da ag Aron buɗub laa, ag na mamen anukka tiigppan uɗiak, ag haen oh da noolppa dahil ɗo maɗoɗ uɗat hekkulagnu nai qakken ami, amge gemu da nai imu attem. Ag amubia iinab hemana. Aɗinu? Aun aɗi ag da binal tutukku metteb amu, da ag binalag madakkul, amge aun aɗi ag dahilnu keeke hamu bia dootteb amu, da heppi, ag honopnab nokkulag.