Prowerb 12:28 - Nobonob Baibel

²⁸ Genab tutukku ha oiyak am bau dayaknu ib aakku. Ge, ib amuam mauhakppa ii notte.

Prowerb 12:28 Referans Kwoze

3 Jon 1:11

O lai gamal, kobol nau aib dim lamidme. Na kobol tutukku ena amu dim lamitte! Laa nug kobol ena hette, nug Kayak ele laippu daattep. Am laa nug kobol nauppa oitte amu, nug Kayak ele laippu iinab daattep.

Rom 5:21

amunu, hipunin nug he, mauhak danab tonattom daatte, amubia Kayaknu ehanittak okkai hamu mettak, amuam he, ihinig Naɗi Jesus Kristus, nuhigppa danab ag genab tutukku hak danab bena, bauklel hanhannu aotteb.

Prowerb 11:19

Genab tutukku hak danab nug bau daakku; amge aun laa nug kobol eheɗ haaha oitte, nug mauhkku.

1 Jon 3:7

O nid naunau dahilad, laa ag buppualadmananu ag dabmeig! Aun nug kobol tutukkuppa oitte, nug Kristus genab tutukku hak danab daatte, nug amubia aakku genab tutukku hak danab daatte.

1 Jon 2:29

Ag Kristus Nug genab tutukku hak danab daatte dootteb amunu, ag imu ele doyeg! Danab ag genab tutukku hak kobolppa oitteb amu, ag aakku Kayak bekka daatte.

Esekiel 18:9

Nug dahil ɗo nai iɗu iɗunu oo metta ii uuak doyaya, pehettak dabmetta dim lamidtte. Danab anam amu, nug am genab tutukku hak danab; nug bau daakku.” Naɗi Yawe Nug anam atte.

Prowerb 10:16

Genab tutukku hak danab dilag nob am bau dayak; amge nau hak danab dilag nob am ahilag hipuninnu bu awak.

Prowerb 8:35

Aɗinu? Aun laa nug da mattiɗa aniɗtte amu, nug aakku bau dayak andette, Yawe Nug nuhignu ena dootte.

Duteronomi 30:15

Antte! Gemu amu, da ib aɗit ippuanatti, ag ib laa tituankkulagnu daatteb. Ag ib laa dim lamidkkulag dayeb amu, ag bau daanna, ag keeke ena aoglag, amge ag ib laa dim lamidkkulag dayeb, ag mauhna, padal mekkulag.

Prowerb 9:11

amunu na da, Doyak Dabmak Ena Ele dim lamiɗkkut dayeb amu, na haen elab wanppa daakkut. Ao, na da, Doyak Dabmak Ena Ele dim lamiɗkkut dayeb amu, da maɗ nahip tuɗidppi, kuɗum daaglag.

Duteronomi 32:46

nug tuɗitta aum. “Ag nid ahilkad Kayak toppan ɗo imu oh, ag amu doon dim lamidkkulagnu, ag amelagppa hekkulagnunab akkulagnu, ag nai oh gemu da ag mattami imu aon oolagppanab meig!

Jeremaia 21:8

Aria, nai laa amu, aa Jerusalem danab ah amelagppa inam apeɗ doyeg! ‘Yawe Nug ag amelagppa inam atte. “Antteg! Da gemu ib aɗit ippunadttem. Laa amu bau dayaknu ippu. Laa amu mauhak ippu.

Duteronomi 30:19

Anam amu, gemu da ib aɗit ippuanatti, ag laa tituankkulagnu daatteb. Ag laa tituankkulag dayeb amu, ag bau daanna, Kayaknu itittak ena aoglag. Ag ib laa tituankkulag dayeb amu, ag eheɗ laa awaknu anak waappa daan mauhkkulag. Anam daatte amunu, da geha da hab, wan ele aa da nai amu Israel, ag amelagppa matti dooppig, aa amu dooya malapiɗ, dimppa aa da genab ag Israel danab ah, da ag amelagppa ami akkulahnu babaittak daaglahnu oɗ matattem. Amge ag Israel amu, ag bekkalkad, aɗelkad aɗi ele, ag bau daaglagnu amu, ag bau dayak tituaneg!

Prowerb 10:2

Na ib eheɗppa en okkai aokkut dayeb amu, en amu ii ehanidma; amge genab tutukku hak kobol am na ehanitteb, laa ag eheɗ hak ahilagppanu mauhtteb, amubia na ii mauhmana.