Prowerb 12:26 - Nobonob Baibel

²⁶ Genab tutukku hak danab nug dabmak elelenab awa, laa ele layam batatte; amge nau hak danab ag mauhnoak henana, ag nauppa watteb.

Prowerb 12:26 Referans Kwoze

1 Jon 2:26

Da aun ag hambuppualadkkulagnu hetteb amu, ag ahilag hambuppuak amu miag atiak anidkkulagnu iikku yaattem.

Prowerb 17:27

Danab nug doyak ena ele nug nai kuɗum ii maditte; danab nug diignu doyak tutukku ele, nug oppoɗi paha ii bette.

Prowerb 12:13

Eheɗ hak danab ag nai nau mattinna, pelemppa tetteb; amge genab tutukku hak danab ag anam iitta, ag uugppa ii notteb.

Revelesen 12:9

Amunu ⌊Maikel, nuhikkud engel ele⌋ ag nug maoeg wanppa noum. Mat naɗinab amu nug anukkanu, nug onig laa am Satan, onig laa am Dewel. Nug wanppanu danab ah oh hambuppualadtte ele. Ag nug maoeg wanppa noum, nuhikkud daup oh ele buɗiatteg wanppa noppig.

Revelesen 13:14

Kayak nug doɗ dakkuɗ geha ahom ele amu, Nug nuhig ib oo ii neum amunu, nug uɗat digdig amu, amuppa doɗ dakkuɗ tatamnu amu ehanitta heum. Amu kobol amuppa wanppanu danab ah hambuppualattom. Nug danab amelagppa inam aum. “Ag doɗ dakkuɗ anukka qep elabppa yaak awom, amge ii mauhom, nug bau dayom, ag nug dottog hoina, binag meig!” awa aum.

Sam 16:3

Amu Yawenu danab ah ag nuhignu oo metta ii uuak kobol dim lamidna ihinig wanppa daatteb, ag am danabnab, ahnab ele daatteb. Da ahilagnu enanagnab doottem.

Prowerb 12:25

Am butti, laatu keeke, aɗi uug bekkunu daattenu uug doyak, amuam danab uug okkai qak medatte; amge ehanittak nai nug danab he, oo gamag ahatte.

Prowerb 12:27

Danab bahi iitta ele nug doɗ laa lakkunu ii aotte; amge danab nug nuhig uɗat hekkunu yagbak doya uɗat hette amu, nug nuhig keekeppa ehanittak aotte.

Prowerb 16:29

Danab nug laa guittak nau mauhnoak medakkunu tiigppa daatte amu, nug mudippan laippu eeɗtte; nug eeɗa omale, layag aakku ib ena iittappa gotte.

Prowerb 14:22

Danab ag kobol eheɗ hekkulagnu dabmetteb, ag padal metteb; amge laa ag kobol ena hekkulagnu maittak aotteb, ag oo mauhaknab kobol, oo metta ii uuak kobol ele, ag kobol aɗit amuppa daatteb.