Prowerb 12:25 - Nobonob Baibel

²⁵ Am butti, laatu keeke, aɗi uug bekkunu daattenu uug doyak, amuam danab uug okkai qak medatte; amge ehanittak nai nug danab he, oo gamag ahatte.

Prowerb 12:25 Referans Kwoze

Prowerb 16:24

Nai ena am ubuhi ele, uppuh leppu bia; am danab ouɗi, beɗu ele ehanidtte.

Prowerb 15:13

Danab laa nug oo gamag ahak dootte amu, iɗuppa amunu anttak aakku daatte; amge oo uug doyak, amuam he, danab nug ooppa na qak dootte.

Prowerb 17:22

Ooppa gamag ahak doyak, amuam marasin ena bia; amge ooppa na qak doyak, amuam he, danab nug nau daatte, nug nauhkkunu hette.

Aisaia 50:4

Naɗi Yawe Nug da oɗel ehanitte, da nai ena madikkulnu elele amunu, da nai enappa danab ah ag uug nau doon oitteb ele, da ag ehanadkkulnu elele daattem. Deɗ oh buttua Nug maɗeɗile, da ahattem. Nug da maɗeɗile ahai, Nug he, da daul hume, Nug aɗi atte amu, da dim lamidkkulnu dabmein aute awe daattem.

Prowerb 15:23

Danab nug laanu nai nob elele mette, nug oo gamag ahak dootte. Ao, nai elelenab haenppa mattiak am he, danab nai maditte ele nug oo gamag ahak okkai dootte.

Sekaraia 1:13

Yawenu engel nug anam unuqitte, Yawe Nug engel laa da ele nai mattimuɗ amegppa baag gai-iittappa oo mak nai mattiom.

Prowerb 12:18

Nai mauhnoak, dabmak iitta ele mattiak am laa nug layag qep-ppa yaatte bia hette; amge danab doyak dabmak ena ele, nug amunu nai maditte amu, nug laa ehanadtte.

Prowerb 27:9

Leppu muttuɗig ena, amu kalu danab ile muttuɗig enanag bette ele amu, keeke aɗit amu aa heeh, danab nug oo gamag ahatte; amubia danab layag nug ulum nai ena, atognoa medatte amu, nug amunu ele oo gamag ahatte.

Sam 42:11

Aɗinu da oolppa elele iitta doottem? Ao, aɗinu da oolppa oo doyak okkai doottem? Da amu ii helom bia daatte amunu, da Kayaknuib dabmeinne, ena bekkulnu dabmak aɗe oikkul! Aɗinu? Da Nug eɗue, baula binag mekkul. Nug am dahil padal mepanu ehanittak daatte, Nug am dahil Kayak.

Prowerb 18:14

Oɗe danab nug, “Kayak ehaniɗeb, eɗue bau ahakkul,” dootte dayeb amu, nug anam doyeb ukkeb ukkeb, oɗe amu iitta mekkunu ameg mak hekkunu elele; amge oɗe danab nug ooppa na qak dootte, nug, “Eɗua bau ahakkulnu elele iitta,” dootte dayeb amu, nuhignu am gadonnab, nug ehanittak adeppanu aokku?

Prowerb 25:11

Nai tutukku hanebppanab mattiak; amuam keeke gol, silwa eleppa hak, anttaknu enanag, amubia.

Sam 38:6

Ao, da beɗul nauhe, guittak okkai doottem. Deɗ oh, amun tuqan ele da aeqagattem.

Prowerb 15:15

Danab ah ag laa dilag eheɗ hattak waappa daanna oitteb ele am gadonnab, ahilag deɗ oh am, deɗ ena iittaib; amge danab nug oo gamag ahak dootte, nuhignu deɗ oh am hobulnu deɗ bia daatte.

Prowerb 14:10

Nahip oo gamag ahak, oo uug doyak ele, amuam nakka nahip keeke; laa nug na doottem bianab dookkunu elele iitta.

Prowerb 12:26

Genab tutukku hak danab nug dabmak elelenab awa, laa ele layam batatte; amge nau hak danab ag mauhnoak henana, ag nauppa watteb.

Prowerb 15:30

Laa nug layag ena neekkitte, layag nug gamag ahak dootte; laa nug keeke beumnu nai ena dookku dayeb, nai ena amu nug beɗu ena ɠagattag ele daakkunu ehanidtte.