Prowerb 12:24 - Nobonob Baibel

²⁴ Danab ag yagbak doon uɗat hetteb ele, ag am anuqak danab daaglag; amge danab ag bahilkad iitta ele, ag am begbeg maɗi nid daaglag.

Prowerb 12:24 Referans Kwoze

Prowerb 12:27

Danab bahi iitta ele nug doɗ laa lakkunu ii aotte; amge danab nug nuhig uɗat hekkunu yagbak doya uɗat hette amu, nug nuhig keekeppa ehanittak aotte.

Prowerb 10:4

Am na bahin iitta daan, uɗat ii hekkut dayeb, na daɗek daakkut; amge na yagbak doon uɗat hekkut dayeb, na keeke ele daakkut.

Prowerb 17:2

Maɗi nid laa doyak dabmak ena ele nug nuhig okkai bekka laa, kobol uɗa nak nau guittak ele hette amu, maɗi nid nug nid amunu gumak daakku; amu maɗi nid doyak dabmak ena ele, nuhig okkai nug bekkod nug aug madatta, nug nid amu ele laa medakku.

Prowerb 13:4

Danab bahi iittanab ele nug keeke aokkunu dabmak okkai aotte, me nug aɗitai laa ii aotte; amge danab nug yagbak doya uɗat hette, nug keeke oh oo hette ele, nug elele aotte.

Prowerb 22:29

Danab nug nuhig uɗat hak doya autanab awom daatte, nug king toppa dayaya uɗat hekku; nug danab hamunu uɗat ii hema.

Prowerb 22:13

⌊Nug ukka, uɗat hemanu⌋ danab bahi iittanab nug atte. “Laion laa dimittim daatte, ⌊da dimittim goppi, iweb mauhkkul⌋”; o amu iitta dayeb, nug atte. “⌊Da dimittim goppi,⌋ laa iweb mauhkkul,” awa atte.

Prowerb 19:15

Danab bahilag iitta ele, ag niiak huana hetteb; danab ag uɗat laa ii hetteb, ag am enug daaglag.

1 King 11:28

Jeroboam nug uɗat amu haaha, nug uɗat ena hettom amunu, haen King Solomon nug Jeroboam nug nid bau uɗat ena hettom antta amu, Solomon nug Jeroboam awa, Epraim, Manase ele dilah danab ag uɗat amu heppig ele, nug ag gumadkkunu tituane, nug uɗat heegeg gumadttom.

Genesis 49:15

Na wan nahip am wan ena anidkkut. Ao, na wan amu, am keeke ena ena kuɗum na medakkunu elele dookkut. Anam amu, na uɗat hekkutnu wagai mekkut. Ao, na wan buuak uɗat ɠagattag hekkut.

1 King 9:21

Am anukka Israel ag danab ameg amu heeg, ag Yawenuib nuhig pelemppa daappig, amge ag ohnab heppeg, Yawenuib nuhig pelemppa daaglagnu elele iitta daan, ohnab heeg, Yawenuib, pelemppa ii daappig; aakku gemu laa amu, ag buɗulkad aakku tuɗidna, Israel wanppa daappig. Ag aakku daappig amu, Solomon nug danab amu diia he, ag begbeg maɗi nid daan, nuhig uɗat heppig. Ag anam heeg uɗie, gemu ⌊nai imu yaak haenppa⌋ ele, danab amu ag maɗi nid daan, uɗat aakku hetteb.

1 King 12:20

Amu haen Israel danab ah oh ag Jeroboam nug Isipnu aha, eɗua uɗiom, nai amu doon, ag nug qagmak ahilag laappa uɗikkunu oɗmak nai meeg ukkom. Nug qagmak amuppa uɗie, ag nug aon, ag Israel oh, ahilag king meppig. Amge Israel dilag huu okkai Juda, ag laa king daaglagnu Dawit buɗub, ag ahilagib dabmena oo metta ii uuak kobol dim lamidppig. Israel dilag huu okkai laa oh am anam iitta, Juda aakkuib.

Ikki Danab 1:28

Ag anam heeg ukke, haen Israel ag ɠagattag ele bena daanna amu, ag Kanan danab ah duttunadna heeg, Kanan ag maɗi nid maɗi ah ele daan, uɗat heppig, amge Israel ag lamadppeg, Kanan danab ah ag wan amuppa iinab daamnanu ii heppig.