Prowerb 12:22 - Nobonob Baibel

²² Yawe Nug danab ag nai hambubutteb ele, Nug ahilagnu ooppa uuaknab dootte; amge nai genabib mattiak danab dilagnu amu, Nug ahilagnu enanagnab dootte.

Prowerb 12:22 Referans Kwoze

Sam 5:6

Geha na danab ag hambuppuak nai maditteb ele hadappe nauhkkulag. Ao, na Yawe, na laa ag laa makkuɗadtteb, ag laa hambubutteb ele, na amu dilagnu ootppa uuaknab doottem.

Revelesen 22:15

Amge baɗ mak danab, gappai danab, qe mauhak danab, kayak hambuppuak binag mak danab ele, amu laa oh ag hambuppuak kobol oolag mettan hetteb ele, ag Kayaknu aab okkai dimittim qai bia daaglag.

Prowerb 11:20

Yawe Nug danab ag eheɗ haknu ag tiilagppa daatte amu, Nug ahilagnu ena iinab dootte; amge Nug aun aɗi ag nuhig neekkakppa ag danab oolagppa kaliak laa iitta ele, Nug ahilagnu enanagnab dootte.

Jeremaia 9:24

Nug keeke amunu dabmaama, nug nukka nug onig aib humom. Iitta! Laa nug da dooiɗa, nug dahil hak, amuam da Yawe, da danab ah dilagnu oo mauhaknab kobol, nai doya mala hettoɗia epeɗia elele mettak kobol, amu genab tutukku hak kobol ele dim lamidttem amu, nug amunu diignu doyak tutukku ele, nug keeke aɗit amu dabmaama, da onil humaɗ! Da hak amu dim lamidttemnu diig am, kobol amunu da enanagnab doottem.” Yawe Nug anam atte.

Aisaia 9:15

Ikki amuam ahilkad ikki danab, ahilkad danab onilkad ele. Boob amuam propet danab ahilkad, ag nai hambuppuak danab ah amelagppa mehuqtteb ele.

Prowerb 11:1

Danab nug doyaya, keekenu uug anidkkunu skel uɗat pehettak ii hettep-ppa mette amu, Yawe Nug amunu ooppa uuaknab dootte; amge danab nug uug doyaknu keeke pehettak skelppa uɗat mattak amu, Yawe Nug amunu ooppa enanagnab dootte.

Esekiel 13:22

Da genab tutukku hak danab ah uug dooglagnu ii hei, ag ah eheɗ hetteb ele ag nai hambuppuak mattiegeg, genab tutukku hak danab ah ag kobol ena dim lamidkkulagnu uug doon oitteb. Ag ah ag eheɗ hetteb, ag anam henana, ag nau hak danab ag mauhmananu, ag oolag eɗueb, eɗun ena daaglagnu dabmak ii madatteb. Iitta! Ag tuɗidna, eheɗ hekkulagnu atteb.

Prowerb 15:8

Haen nau hak danab nug mana mettak laa hette amu, Yawe Nug mana mettak amunu ooppa uuaknab dootte; amge haen genab tutukku hak danab ag unuqittak hetteb amu, Nug amunu ooppa ena dootte.

Esekiel 13:19

Ag ah ag uɗat nau ahilag hekkulagnu aeg, danab ag bali aeg nakokib mattan, bret huppu laib laib ele mattaeg hetteb. Ag ah eheɗ hetteb ele ag keeke nakok amuppaib ag heeg, da onil oppiaawak ele dahilad danab ah laa dilag neekkakppa hamu bia daatte. Dahilad danab ag nai hambuppuak dooglagnu uug ii doon aotteb amunu, ag ah eheɗ amu hetteb ele, ag nai hambuppuak anam aegeg, danab mauhkkulagnu ii daappig ele ag mauhtteb; laa ag mauhkkulagnu elele amu, ag ii mauhtteb,’ ” awa atte.

Revelesen 21:8

Amge laa ag baɗanna, akka ahilagnu dabmena hak kobol dim lamidna, laa ag oolagppa genab doyak iitta, laa ag kobol nau uɗig wak hetteb ele, laa ag danab aqaeg mauhtteb, laa ag gappai kobol hetteb, laa ag baɗ mak danab, laa ag dup noa kayak hambuppuak binag mak danab, amu nai hambuppuak danab oh ele, amu oh aab ameg kalu laa huana eotte onig salpa eotteppa, ag amuppa aben aoglag. Amuam mauhak ebqak 2 aakku,” awa aum.

1 King 13:18

Aria, Kayaknu propet amu nug anam a, propet kaino nug aum. “Am da ele am propet, na bia,” awa aum. Nug anam anana amu, nug inam ele aum. “Yawe Nug engel laa he, engel nug da amelppa aum. ‘Na gona, danab amu eɗun omalppe, na lautppa ukkeb, ee, le ele lakkunu medakkut,’ awa aum.” Nug anam aum, amge nug hambuppuom.

Sam 120:2

O Yawe, na da ehaniɗna, danab ah hambuppuak nai mattinna, ag nai genab iitta atteb ele amu, na da ag eppelagppanu awiɗkkutnu oɗ medattem.

Prowerb 17:7

Danab nug Kayak dab-ii-maama ii dim lamidtte, nug nai ittag ele madikku dayeb amu, am ii mattilo bia maditte; anam amunu gumak danab laa nug hambuppuak nai madikku dayeb, genab, amuam nug iinab mattilo bia, nug maditte.