Prowerb 12:21 - Nobonob Baibel

²¹ Nau hak kobol am genab tutukku hak danab ii aɗama; amge nau hak danab ag hak nau kuɗumnab hetteb.

Prowerb 12:21 Referans Kwoze

1 Pita 3:13

Aria, na kobol enaib heppe amu, danab laa nug na eheɗ laa ii heidma bia,

Sam 91:10

diig amunu amu, nahip-ppa eheɗ laa ii bema. Ao, oɗe nau danab kuɗum aqe mauhtteb amu, nahip peh lag guguitta ii uɗima.

Rom 8:28

Amu ig doottem, Kayak Nug danab aun aɗi ag nuhignu oolag mauhtte, Nug kobol ena bekkunu ag ele uɗat hetteb. Nug aɗi bekkunu matu dabmeum amu, nug amu dabmaama, ag onilagppa eum.

Prowerb 1:31

Ag amu heppig amunu, ag ahilag oiyaknu meu heeg beum, am meu nau ninig ele amu, ag aakku lakkulag. Ao, ag keeke laala hekkulagnu lokkumakppa dabmena, maittak eheɗ aoppig amu, maittak amunu meu nau, ninig ele, ag lappeg, oolag didikku.

Revelesen 18:6

Ag nuhig kobol nau amunu dabmena, nob nau elelenab eɗun metteg! Nug kobol nuhig nau qagme, kuɗumnab beum, amubia ag tuɗidna, ag nuhig nob nau qagmena kuɗumnab metteg! Nug laa dilagnu le nau kap-ppa kaboliom bia, ag le naunab tuɗidna, kap amuppa kabolina, kuɗum metteg!

Habakuk 2:16

Amge ⌊Babilon dilag okkai⌋ na, nahip-ppa anam bekku. Danab ah ag nahipnu nau dooglag. Ag binag ii memana. Iitta! Na uɗa nak dookkut. Gemu am nahip haen! Na le ɠagattag lappe, kaaka nitteb, lamen uɗona, na uɗan naɗ! Wain amu kap Yawe eppeg naɗiap-ppa daatte, am nahip-ppa aakku uɗitte, amu na amu lawona, na uɗa nak nau guittak ele doon, binan nakok laa ii daama.

Prowerb 14:14

Danab ag Kayak dimedatteb ele, ag ahilag hak amunu nob elele aoglag; danab ena amu, nug ippu enappa oitte amunu, nug amuppa nob ena aokku.

2 Korint 4:17

Amu inam. Ihinigppa uug bette amuam nakokib; am haen tutu aakkuib daatte. Geha dimppa hab aabppa amu ig bau hanhan, ena dayak amu aognig. Hab aabppa bau ena dayak amuam ig beɗunignu uug nakok imu huanak eɗadtte.

Sam 121:7

Yawe Nug heeb, uug, guittak keeke nahip-ppa ii beeb, Nug heeb, na bau daakkut.

Prowerb 1:33

Anam aakku, amge aun nug Doyak Dabmak Ena ele da, nug da oɗel dootte, nug baɗak iittappa daakku. Ao, aun amu hette ele amu, nug manin, baɗak iitta ele daakku,” awa atte.

Prowerb 12:20

Danab ag eheɗ hekkulagnu maittak aotteb amu, hambuppuak ag oolagppa daatte; amge laa ag maɗoɗ bekkun hetteb ele amu, gamag ahak ag oolagppa daatte.

Prowerb 19:23

Yawenu ebehi oh bodoetta le mak am omaitteb bauklel daakkut; aun nug Yawenu ebehi oh bodoetta le mak dootte, nug maɗoɗppa daatte, nug Kayak eppegppan bu mettakppa ii daama.

Eklisiastis 8:5

Aun nug kingnu haknunab anak dim lamidtte amu, nug guittak laa ii aoma; amu danab nug doyak dabmak ena ele, nug aɗi keeke hekkunu, nug amu haknu haen, amu haknu ippu ena ele dootte.

Prowerb 11:21

Imuam na genabnab genab dookkutnu elele, Kayak Nug nau hak danab bu madakku; amge aun aɗi ag genab tutukku hak danab daan oitteb, ag am bu ii mattama.

Eklisiastis 7:18

Na Kayak ippunikkomnuib dabmena, ib gamagppa oikkut am ena; amunu diig am, danab nug Kayaknu ebehi oh bodoetta le mette amu, nug aɗi keeke haknu, nug nuhig dabmak buɗieb ukkeb, hakib hekkunu kobol am uukku.