Prowerb 12:20 - Nobonob Baibel

²⁰ Danab ag eheɗ hekkulagnu maittak aotteb amu, hambuppuak ag oolagppa daatte; amge laa ag maɗoɗ bekkun hetteb ele amu, gamag ahak ag oolagppa daatte.

Prowerb 12:20 Referans Kwoze

Matyu 5:9

Danab aun aɗi ag maɗoɗ ikki daatteb ele amu, ag itittak ena aoppig daatteb. Aɗinu? Kayak Nug ahilagnu, ‘Ag am da bekkalad,’ awa akku.

Hibru 12:14

Amu ag danab laala ele ag oh maɗoɗ ele daanna oiglagnu uɗat ɠagattag hena, ag oppiaawak kobolppa daaglagnu ele wagai meig! Aɗinu? Danab laa nug oppiaawak iitta ele, nug Naɗi anidkkunu elele iitta.

Sekaraia 6:13

Nug Yawenu mettid lag hekku. Da heppi, nug danab dagom onig ɠagattag ele daakku. Nug nuhig sia kingppa dayaya, danab ah gumadkku. Mana mettak danab laa nug danab amunu sia king heqo laih dayaya ehanittebeb, aa oh maɗoɗ, dabmak laippu ele uɗat hekkulah.” Yawe Nug nai amu da meɗom.

Prowerb 12:12

Eheɗ hak danab ag keeke yabhok ibuppa aotteb, amu nau hak danab ag keeke amu ag eppelagppanu aoglagnu oolag hette; amge Kayak he, genab tutukku hak danab ag ɠagattag, ad diɗi ɠagattag daatte, ag amubia daatteb.

Rom 1:29

Amu ag kobol nau digdig, kobol eheɗ digdig, baubau awaknu hik qak kobol, amu gappai hak digdig ele hetteb. Ag laanu ameg qe oolag elele ii daatte dootteb, ag layag kekeɗ metta duug wak kobol, nug mehqak kobol, layag bubuittak kobol, amu oo aeg bak kobol ele, ag kobol nau amu oh henan daatteb. Ag layagnu dimug nai mattiak kobol,

Jeremaia 17:16

O Yawe, na nahipad danab ah gumattak uɗat imu da meɗame amu, da uuen oole, uɗat laa ii hemi. Na doottem, da deɗ laa na heppe, Juda danab ah imu ag nauhkkulagnu ool ii dayom. Da aɗi nai madittem amu, da na amenppanab madittem; da na doomnanu lokkumen madikkulnu ii hettem.

2 Stori 22:4

Ahasia mameg Jehoram mauhe, Ahap baegppanu danab laala ag Ahasianu ulum mettak danab bena daappig amunu, Ahasia nug Yawenu neekkakppa eheɗ heum. Kobol Ahap baekkudppa ag heppig, amubia nug ele heum. Nug anam ha, nug aakku diig amunu na qeum.

Prowerb 12:19

Doyak diig genabib amu hanhan enaib daatte; amge hambuppuak nai am pahanab iitta mette.

Prowerb 12:21

Nau hak kobol am genab tutukku hak danab ii aɗama; amge nau hak danab ag hak nau kuɗumnab hetteb.

Sam 119:118

Laa ag nahip ɗo ii dim lamidtteb amu, na ag geɗadttem. Aɗinu? Ag hambuppuaknu oolagppa genab doyegeg, hambuppuak amu he, ag ib eheɗppa gotteb.

Daniel 11:27

Amu beeb, king aɗit amu, laa wan yawalti uɗitteppanu dilag king, laa wan yau uɗitteppanu dilag king amu, king aɗit amu aa oolahppa dabmak eheɗ ele balalppa daayya, aa nug hambubuittak heyaya, nai mattiglah. Aa anam hekkulah, amge aa aɗi aɗi hekkulahnu dabmeyaya, nug bubuittak heya, nai mattiglah amu, nai amuam meu ii oma. Aɗinu? Gog tak haen am haen adekkuppa bekkunu tituanak daatte, haen amuppa aakku bekkuoitte. Nug hambuppuak nai ahilah am heeb, haen amu ii baolima.