Prowerb 12:18 - Nobonob Baibel

¹⁸ Nai mauhnoak, dabmak iitta ele mattiak am laa nug layag qep-ppa yaatte bia hette; amge danab doyak dabmak ena ele, nug amunu nai maditte amu, nug laa ehanadtte.

Prowerb 12:18 Referans Kwoze

Prowerb 16:24

Nai ena am ubuhi ele, uppuh leppu bia; am danab ouɗi, beɗu ele ehanidtte.

Prowerb 15:4

Ad nug meu ena o, meu danab ehanatte bau daatteb, amubia, danab nug nai ena maditte, nug danab ehanatte, ena daatteb; amge danab nug nai hambuppuak maditte amu, nug he, danab ag oolagppa na qak dootteb.

Sam 57:4

Dahil kekeɗ ag da taliliɗppig daatteb. Da am danab nug laion ag enug aqak ele, ag nug talilidppig daatteb, da amubia daattem. Ao, dahil kekeɗ ag laion doɗ laa laatteg iitta metteb bia, ag danab ah hattaeg nauhtteb. Ge, kekeɗ dahil ag laion bia, ag aelkad am lat doɗo bia, lemaɗulkad amu qep elab bia.

Sam 52:2

Na hanhan buttua ukka tueb batak Kayaknu danab ah hadappe nauhkkulagnu maittak aottem. Na aɗi keekenu attem, amuam resa laa aeg naunab ele, laa otaɗe guittak dootte, nahip nai amubia hette. Na nai attem amu, danab ah ag amunu oolag guidtte. Na hambuppuak nai madikkutnu doon autna aottem.

Daniel 11:33

Israel oolagppa laa ag doyak dabmak ena ele, ag laa kuɗum ippunittak ena mattaglag. King amu, nug laikkud ele ag amu dilagnu eheɗ doon, qep elabppa aqaglag, o ag aab ewakppa buɗiadppeg teppeg, aab ewadkku, o ag ahilkad keeke yab aoglag, o ag diin, maniguittakppa inadkkulag. Ag amu deɗ gane, o kalam gane, o maɗ gane anam hekkulag, amge danab doyak dabmak ena ele ag laa kuɗum ippunittak ena mattaglag.

Prowerb 25:18

Na mudippan laippu, na nuhignu hambuppuak nai hettoɗiakppa madittem dayeb amu; buppuak amuam daɗib laa, o qep elab laa, o lat doɗo hawaɗ ele laa guittak mettalo, amubia guittak medatte.

Prowerb 15:7

Danab doyak dabmak ena ele ag laa doyak ena ele madatteb; amge danab ag Kayak dab-ii-menan ii dim lamidtteb ele, ag anam ii hetteb.

Prowerb 13:17

Nai awa ukkak danab nau nug uug he bette; amge nai awa ukkak danab, laa ag nuhignu genab elele dooglagnu elele, nug he, maɗoɗ bette.

Prowerb 4:22

Aɗinu? Danab ag atognona dim lamidtteb ele, am ag bauklel madatte; nai amu he, danab nug beɗu oh ena daatte.

Sam 64:3

Ag lemaɗulag am qep elab biappa nai maditteb. Ao, ag nai mattin, aɗi atteb amu, nai amuam lat aeg hawaɗ kekeɗ dilagppa etteb bia maditteb.

Revelesen 22:2

aab okkainu ib gamagppa gotte. Bauklel ad amu nug le amu akka laih laih tagagɗitta, tappom daatte. Nug meu amu maɗ laippu ooppa haen 12 ele niitte. Kalam ohppa meu niitte. Ad uɗug amu atu atu danab ah dilag oɗe babaittaknu ele.

Revelesen 1:16

Nug eppeg naɗiap-ppa amu hoɗoppai eblaih aɗit ele aɗalattom. Qep elab aeg laih laih aeg ele amu, nug oɗeppanu dimittim doum. Nug iɗu amu aam ɠagattagnab naana amahaltte amubia amahalom.

Sam 59:7

O Kayak, danab nau amu oɗelagppanu nai nau huanaknab nette, na nai amu dookkutnu unuqidttem. Ao, qep elab aeg nau ele danab guittak okkai medatte, ag oɗelagppanu nai am amubia hette. Ge, ag amu hettebnu diig am, ag nai nau oh amu mattieg neene, ag hibguitta hena, inam atteb. “Aun ig dooikka bu iqakku?”

Prowerb 12:17

Danab nug hanhan nai genabib maditte amu, nug hettoɗiakppa, appa ele genabib maditte; amge hambuppuak danab nug hettoɗiakppa nai hambuppuak maditte.

Sam 57:5

O Kayak, na heppe, danab ah oh ag na ohnab eɗattak daattem anidkkulagnu oɗ medattem. Yo, danab ah aben ohppa ag nahip binag amahlak oppiaawak ele anidkkulagnu unuqidttem.