Prowerb 12:16 - Nobonob Baibel

¹⁶ Danab ag Kayak dab-ii-menan ii dim lamidtteb ele ag laa aɗi ag oolag ii hette heeg, ag laippun oo nauhak dootteb; amge danab nug eheɗ bemanu dabmak awa dabmak amu dim lamittak kobol dim lamidtte amu, nug laa ag awa awa qettak nai nuhignu atteb, nug amunu ii dabmette.

Prowerb 12:16 Referans Kwoze

Prowerb 29:11

Danab nug Kayak dab-ii-maama ii dim lamidtte ele, nug nuhig oo nauhak huan bemanu ib ii keldotte. Iitta. Nug oo nauhak bekkunu ib ooɗtte; amge danab nug doyak dabmak ena ele, nug nukka nuhig oiyak pehettak atognotte.

Jems 1:19

O lailadnab, ag oh kobol imu doon autna aweg! Ag nai paha dooglagnu daulag human dayeg! Ag anam hekkulag, amge ag nai paha aib madippig, oppoɗilag ele paha aib beum.

Prowerb 10:12

Laa dilag nau ninig ele doyak kobolnu amu, kobol amuppa nug qak aakku bette; amge oo mauhak kobolnu amu, kobol amuppa laa nug layag nug hipunin nuhignu heum amu, nug hipunin amu oh uhuqa medatte.

Prowerb 17:9

Aun nug laanu hipunin daug atitte, nug oo mauhak kobol he, okkai mette; amge hipuninnu dimug ma mattiak, amuam layam otaɗtte.

Prowerb 25:28

Danab nug nukka nug nuhig oiyak pehettak atognoak ii hette amu; amuam aab okkai laa aɗ loppaɗa, na qak daatte, amubia.

Prowerb 16:22

Danab ag diignu doyak tutukku ele, ag bau dayaknu ib oɗe aakku anidna malappig; amge laa ag Kayak dab-ii-menan ii dim lamidtteb, ag Kayak dab-ii-maama hak hetteb, hak amuam he, ag bu aotteb.

Prowerb 14:33

Danab ag oo maittak awaknu ehah aoppig daatteb amu, doyak dabmak ena ele ahilagppa daatte; amge danab ag Kayak dab-ii-menan ii dim lamidtteb, ag doyak dabmak ena ele iitta.

Job 5:2

Danab nug Kayak dab-ii-maama ii dim lamidtte ele, nug laanu oo elele ii doyak ge iitta doyeye, kobol amu nug he nauhtte. Ao, danab nug doyak ii awak ele nug laan keekenu ameg qe, oo elele ii daatte, kobol amu he, nug mauhtte.

Prowerb 12:17

Danab nug hanhan nai genabib maditte amu, nug hettoɗiakppa, appa ele genabib maditte; amge hambuppuak danab nug hettoɗiakppa nai hambuppuak maditte.

Prowerb 27:3

Men ag uulkad ele, ihi ele nug uug ele, danab maokkunu am uug dootte; amge danab nug Kayak dab-ii-maama ii dim lamidtte ele nug he, uug bette amu, danab uug amu maokkunu am uug naunab dootte.