Prowerb 12:15 - Nobonob Baibel

¹⁵ Danab nug Kayak dab-ii-maama ii dim lamidtte ele, nug anam oittenu nug, “Ib imuam ena,” dootte; amge danab nug ulum nai ena aokkunu daug humatte, nug doyak dabmak ena ele.

Prowerb 12:15 Referans Kwoze

Prowerb 3:7

Na nakka amu, “Da iikku, da doyak dabmak ena okkai ele daattem,” aib dabmeme. Iitta. Na Yawenu ebehin oh bodoetta le meeb, Nug dim lamidkkutnunab oinna, kobol eheɗ aib heme.

Prowerb 19:20

Na ulum nai ena doon aon, ippunittak nai ena ele aon aɗakkut dayeb; gog takppa na doyak dabmak ena ele daakkut.

Prowerb 14:16

Danab doyak dabmak ena ele nug Yawenu ebehi oh bodoetta le me, nug kobol nau hekkunu uua oitte; amge danab nug Kayak dab-ii-maama ii dim lamidtte ele nug am oppoɗi paha paha beebe, kobol mauhnoak, dabmak iitta ele hette.

Prowerb 14:12

Danab laa ib laa andatta, ib amunu nug nukka nuhig dabmakppa, “Ib imuam ib tutukku,” atte; amge ib amunu gog tak am mauhak.

Prowerb 1:5

danab nug oiyak ehanittaknu nai tutu, aria keeke danab ag dootteb ii dootteb ele ouaqata ippuanattak nai ele dookkunu, diig amu ohnu amu, oiyak ehanittaknu nai tutu imu am amunu daatte. Aria, danab nug doyak dabmak ena ele, nug daug huma doya, nug nuhig doyak dabmak ena ele nai imuppanu tuɗitta awaɗ! Ge, danab nug oo maittak awaknu ehah ele amu, nug ele nai imuppa ulum awaɗ!

Prowerb 26:12

Danab nug Kayak dab-ii-maama ii dim lamidtte amu, amuam nau, amge laa nug nuhignu nug baolia, ena bekkunu dabmak aɗa oikkunu elele; amge danab nug nukka nuhignu, “Da doyak dabmak ena ele aɗe oittem,” anam dabmette amu, amuam kobol naunab, laa nug nuhignu nug baolia, ena bekkunu dabmak aɗa oikkunu am uug ele.

Prowerb 16:25

Am danab laa ib laa andatta, nug nukka nuhig dabmakppa, “Ib imuam ib tutukku,” atte; amge ib amunu gog tak am mauhak.

Prowerb 16:2

Danab nug nuhig haknu, “Da iikku ena, tutukku hettem,” dabmette; amge Yawe Nug diig aɗinu nug hette am epeɗidtte.

Galesia 6:3

Danab laa nug nukka nug, “Da onil ele,” dabmette, amge nug onig iitta, danab amu nug nukka nug oo buppuidtte.

Prowerb 9:9

Na danab doyak dabmak ena ele nai enappa doyak medappe, nug anamib doyak dabmak ena tuɗid ele daakku. Ao, na genab tutukku hak danab laa doyak aokkunu ippunidppe, nug tuɗid ele doyak okkai ele daakku.

Prowerb 21:2

Keeke oh danab nug hette amu, nuhig dabmakppa am tutukkuib; amge Yawe Nug danab nug aɗi diignu nug keeke hette amu, nug amu atognoa neekkitta auta aotte.

Luk 18:11

Amu ɗo gumak danab-Parasia nug hibaitta, attan neekka dayaya, nukka nuhignu unuqitta aum. ‘Kayak, da am danab laala oh bia iitta. Ag am yab danab, eheɗ hak danab, am ewau pakkua gappai hak danab ele. Da am anam iitta, takis awak danab imu hette bia ele iitta amunu, da na amenppa, “Ena heme,” attem.

Prowerb 30:12

Laa amu, ag akka, ag ahilagnu, ag oolagppa oppiak ele daatteb dabmetteb; amge ag ihak iitta, ag dubuttid nau ele.

Prowerb 28:11

Danab enub ele nug nukka nuhignu, “Da am doyak dabmak ena ele,” anam dabmekkutai; amge daɗek danab, diignu doyak tutukku ele, nug enub danab nug anam ele iitta anidtte.

Eklisiastis 4:13

Nid bau laa keeke iitta ele, amge nug doyak dabmak ena ele amu, nuhignu am ena. King laa nug kaino meum daatte, amge nug dabmak tutukku iittappa keeke hette, nug nau aomanu nai laanu awaknu uutte amu, nuhignu am ena iitta.

Prowerb 26:16

Danab bahi iittanab nug, “Da doyak dabmak ena ele aɗe oittem,” nug anam dootte; amu nuhig dabmakppa nug oɗmaknu nai nob mettenu amu, nuhig nob mak amu danab eblaih aɗit ele, ag laan neekkakppa, dabmak eheɗ laa ii aomanu kobol dim lamidtteb ele amu, nug nuhig dabmakppa nuhig oɗmaknu nob am ahilag oh eɗidtte.

Prowerb 13:1

Bekka nug doyak dabmak ena ele, nug ippunittak nai mameg toppanu awa dim lamidtte; amge awa awa qettak nid nug daug batak awaknu dab-ii-mette.

Prowerb 13:10

Dada hak danab nug laa oɗeppanu ulum ena awaknu uutte amunu, nug laa ele, ag nug uɗa aoɗtteb; amge laa nug ulum ena awa, ooppa mette amu, nug am doyak dabmak ena ele.