Prowerb 12:14 - Nobonob Baibel

¹⁴ Danab laa nug Kayak binag mak nai, ehanittak nai ena ele madittenu nob ena ambak anidkku; ele amu, danab nug eppegppa uɗat haaha daya, nug keeke aotte.

Prowerb 12:14 Referans Kwoze

Prowerb 13:2

Danab laa nug Kayak binag mak nai, ehanittak nai ena ele madittenu nob ena anidkku; amge danab ag Kayak ippunattom bia Nug dim lamidkkulagnu uun hetteb amu, laa guittak nau mauhnoak mettak kobol ag tiilagppa daatte.

Sam 63:5

Danab nug ee ena lanana, oo dittie enanag dootte, amubia da ⌊na lautppa na guguitten dayeye,⌋ da elelenab dookkul. Da ahi oo gamag ahak, na binan maknu ele ettaladkkul.

Prowerb 15:23

Danab nug laanu nai nob elele mette, nug oo gamag ahak dootte. Ao, nai elelenab haenppa mattiak am he, danab nai maditte ele nug oo gamag ahak okkai dootte.

Matyu 16:27

Danab Bekkalag da, da Mamelnu binag amahlak oppiaawak ele uɗippi, engel ele uɗignig, amu haen amuppa da danab ah dilag hak, amu nob eɗue madakkul.

Hibru 11:26

Nug nob ena, butti aɗi Kayak medakku amunuib dabmeum amunu, nug Kristus onigppa uɗa nak aokkunu ena doya, Isip enubnu amu, nug keeke hamu doyom.

Hibru 2:2

Anukka Kayak Nug engel oɗelagppa ɗo nai aawo be, nai amu ɠagattag daattom. Ɗo nai anam ɠagattag daye, danab ag uun, tappaeg neum amu, ag nob nau, ahilag eheɗ hak eleleppa aodppig.

Job 34:11

Amuam genab daattenu diig am, Nug danab aɗi kobol hette amu, Nug kobol amunu nob danab amu medatte. Ao, danabnu hak attem daatte, hak amunu nob elele aakkuib Kayak medatte.

Prowerb 1:31

Ag amu heppig amunu, ag ahilag oiyaknu meu heeg beum, am meu nau ninig ele amu, ag aakku lakkulag. Ao, ag keeke laala hekkulagnu lokkumakppa dabmena, maittak eheɗ aoppig amu, maittak amunu meu nau, ninig ele, ag lappeg, oolag didikku.

Prowerb 14:14

Danab ag Kayak dimedatteb ele, ag ahilag hak amunu nob elele aoglag; danab ena amu, nug ippu enappa oitte amunu, nug amuppa nob ena aokku.

Prowerb 19:17

Aun nug daɗek ehanadtte, amuppa nug Yawe keeke lon mettom bia hette; Yawe Nug nug heumnu nob ena eɗua medakku.

Prowerb 24:12

Na ⌊hambuppuna⌋, “Ig amunu aɗitai laa ii doomut,” akkut dayeb; Kayak, Nug danab oh dilag dabmak anidtte, Nug nahip nai amu, am nai tutukku iitta iite dootte? Kayak, Nug na ehanitte, na bau daattem, Nug nahip hak iite dootte? Ao, Nug geha danab anen anen ag aɗi heppig, Nug amunu nob iite madakku?

Hosea 4:9

Anam amu, da danab ah laa oh bu madakkul, amubia da mana mettak danab bu madakkul. Ao, da geha mana mettak danab, amu danab ah ele, da ag oh ahilag hak nau amunu bu madakkul. Ge, da geha ag aɗi heppignu nob madakkul.

Prowerb 5:22

Nau hak danabnu amu, nuhig eheɗ hak am pelem laa doɗ awom bia nug awom daatte. Ao, nuhig hipunin am danab muɗippa hippalak daatte, amubia nug hippalitte daatte.

Jeremaia 17:10

Anam, amge Yawe Nug atte. “Da Yawe, da danab, nuhig hak aɗi ippuniɗtte amu, da amu dabmein, nob tutukkuib medakkulnu, da nuhig kobol aɗi ippuniɗtte amu, da amu ele dabmein, nob tutukkuib medakkulnu, da danab oolag unuqag andette, da ahilag dabmak ele anidttem.

Jeremaia 21:14

Da ahilag hak naunu bu madakkulnu daatte amu, da bu anam madakkul. Da heppi, ag atuelag ewebeb, aɗi keeke ag taliliadna daatteb amu ewa malakku.’ Yawe Nug anam awa atte.” Jeremaia nug danab aɗit amu amelahppa anam aum.