Prowerb 12:12 - Nobonob Baibel

¹² Eheɗ hak danab ag keeke yabhok ibuppa aotteb, amu nau hak danab ag keeke amu ag eppelagppanu aoglagnu oolag hette; amge Kayak he, genab tutukku hak danab ag ɠagattag, ad diɗi ɠagattag daatte, ag amubia daatteb.

Prowerb 12:12 Referans Kwoze

Jon 15:5

Da amu muɗi grep, ag amu muɗi grep ebekkud. Laa nug dahilppa daatte, da nuhigppa daattem amu, nug meu kuɗumnab otte. Ag da uuiɗkkulag dayeb, ag keeke laa hekkulagnu elele iitta.

Aisaia 37:31

Juda danab ah oɗo yaak daaglag amu, ag gikkiɗah keeke, hiɗaeg be, wanppa niiaya, diɗi eɗua wan ooppa noa he, gikkiɗah eɗua bau dayaya meu otte, Juda amubia baula appatna, ena daaglag.

Aisaia 27:6

Amu qinob dimppa, haen laappa ⌊Yawe Nug heeb⌋, Jakop buɗub ag ad diɗi wanppa noum daatte bia daaglag. Ao, Israel danab ah ag am ad haɗag qa, meu metta, meu huanak otte, ag amubia daaglag. Amu haen amuppa Israel ag anam daappeg, ahilag meu ena wan oh tonadkku.

Sam 10:9

Doɗ laion ag toettan, doɗ laa bodoettak ele aqadna laadkkulagnu maadna daatteb amu, amubia nau hak danab ag danab ah ɠagattag iitta ele aɗaladkkulagnu henan daatteb. Ge, atu makkaɗak hikan danab ag uhuippa pelem mena, doɗ diin eeɗadna gotteb bia, nau hak danab ag danab ah ehanittak laa iitta ele aɗaglagnu henan daatteb.

Sam 1:3

Danab nug anam Kayak dim lamidtte ele amu, nug am ad laa le daugppa ebappig daatte, hanebppa meu owawa, uɗug ii nauhtte, nug anam bia daatte. Nug aɗi hette, am enaib bette.

Rom 6:22

Amge Kayak Nug ag hipuninnu kobolppanu uhuqatta, Nug ag nuhig begbeg maɗi nid maattom amunu, ag nuhig keeke ena aonna, oppiaawak danab betteb. Ag anam bettebnu gogtak amu ag bauklel hanhannu aoglag.

Jon 15:16

Ag da ii tituaniɗppig. Iitta! Da ag tituanadmi. Anam amu, da ele ag gona, meu ii nauhtte ele okkulagnu, da uɗat amu ag mattami. Ag anam hekkulag dayeb amu, Mama Nug aɗi keeke ag da onilppa Nug oɗ medappeg amu, Nug ag madakku.

Prowerb 10:15

Danab ah enulag ele ag ahilkad keekenu, “Imuam ihinig aab ɠagattag aɗ ele,” atteb; amge daɗeknab dayak am uug ele, danab ag daɗeknab anam daatteb ele, ag nena qena autna aotteb.

Sam 9:15

Danab ah wan imuppan wan laalappanu ag moɗ laa, danab ah laa ag amuppa nena qena daaglagnu aoppig amu, ag akka ag moɗ amuppa noppig. Ao, ag akka ag ahilag uhuippa noppig.

Maika 7:2

⌊Da amubia doottemnu diig am,⌋ laa ag heeg, genab tutukku hak danab ag wan imuppa laa iinab daatte. Ge, genab tutukku hak danab laippu laa wan imuppa ii daatte. Danab oh ag lailkad aqappeg mauhkkulagnu ib mattin oitteb. Ao, ag danab nug ai uhuippa awa aqakkunu hette, ag amubia ag lailkad duulag okkulagnu hetteb.

Prowerb 11:30

Danab ag genab tutukku hak kobol dim lamidtteb amu, amuppa ag heeg, danab laa ag bau daatteb; amu danab doyak dabmak ena ele, nug kobol attem attem, laa ag aon bau oiglagnu ippunadtte.

Prowerb 21:10

Nau hak danab nug eheɗ hekkunu oo huana daatte; nug mudippan laippu laanu iinab oo gai-iitta doya oo metta ehanidtte.