Prowerb 12:11 - Nobonob Baibel

¹¹ Aun laa nug dad uɗat nuhig pehettak hette ele, nug ee elelenab ele daakku; amge laa nug dabmak hamu hamu dim lamitta oitte amu, nug epeɗia ha dabmak ena awak kobol ii dootte ele, ⌊amunu nug ee iitta daakku⌋.

Prowerb 12:11 Referans Kwoze

Prowerb 28:19

Aun laa nug dad uɗat nuhig pehettak hette ele, nug ee elelenab ele daakku; amge laa nug dabmak hamu hamu dim lamitta oitte amu, nug daɗek daakku.

Prowerb 14:23

Danab uɗat ɠagattag hetteb, ag ee, keeke ele daatteb; amge danab ag naiib maditteb, ag am daɗek daaglag.

Sam 128:2

Na danab anam laa daattem dayeb, Yawe Nug ana ehanitteb, na ee keeke aokkutnu eppenppa uɗat hettem ele, na amu ele daakkut. Ao, na gaman ahak doon, na elele daakkut.

Epesus 4:28

Yabhok danab nug baula yabhok hekkunu aib heum. Iitta. Nug uɗat haɗ! Nug amuppa nuhig keeke awa, nug danab aun laa ag keekenu daɗek ele amu, nug ag madakkunu, nug eppegppa uɗat ha, keeke ele dayaɗ!

2 Tesalonaika 3:8

Ag ihinignu oolag uug qemanu ig amun tuqan ele ee aognignu uɗat ɠagattag hetata, ig danab laanu ee hamu ii lattamut. Iitta. Ig daden meta lamut.

Prowerb 9:6

Ag doyak ii awak ele aib tuɗidna daan oippig! Ag amu tuɗidna ii hekkulag dayeb, ag bau daaglag; ag diignu doyak tutukku aon oiyeg!” awa atte.

Prowerb 14:4

Danab nug makau okkai ebehi ele laa iitta amu, nug ee aeg huana eppeb beeb, meu aokkunu elele iitta; amge laa makau okkai ebehi ele, nug makau amunu ɠagattagppa ee huana eppeb beeb, meu aokkunu elele.

Prowerb 7:7

amu da laa ag doyak ii awak ele anatten, da ag oolagppa laa anidmi. Ao, nid bau oolagppa da nid danab bau laa anidmi, Genab, da nid bau laa, nug doyak dabmak ena ele nuhigppa iitta ele anidmi.

Prowerb 13:20

Aun nug danab doyak dabmak ena ele oitte, nug doyak dabmak ena ele awa oitte; amge aun nug danab ag Kayak dab-ii-menan ii dim lamitteb ele oitteb, nug nau anidkku.

Genesis 3:19

Na wanppa uɗat naɗi, heɗi ele henana, na ee aokkut. Anam henana, na mauhna, wan mekkut. Aɗinu? Da na gappudppa heidmi amunu, na beɗun eɗua, gappud mekku,” awa aum.

Prowerb 6:32

Anam aakku yab danab nuhigppa bette, amge danab nug ewau pakkua he laa wau ele gappai hettep amu, nug epeɗia ha dabmak ena awak kobol ii dootte ele; nug nukka nug ha, nug padal mette.

Prowerb 9:16

laa amu ag epeɗia ha dabmak ena awak kobol ii dootte ele, nug ag amelagppa ⌊hambuppua,⌋ atte. “Ag laa doyak ii awak ele, ag uɗin, dahil nai doyeg!

Prowerb 9:13

Ah laa onig Kayak Dab-ii-Maama Hak, ah amu nug baag okkaippa nai maditte. Nug nukka nuhig oiyak ii atognoa enaib oikkunu ii oiya, doyak iitta ele oitte.

Sam 26:4

Da hambuppuak danab ele oh ii oittem. Ao, da danab ag laa buppualadtteb, da ag ele ii daattem.

Ikki Danab 9:4

Ag Abimelek ahilag gumak danab daakkunu maittona, ag 800 gram silwa Balberit laugppanu aon medappig. Mettaeg, nug silwa amu danab ag aɗi uug bekku am ii dabmeppig, keeke hakib heppig amu, nug ag nug ehanidkkulagnu matte, ag nug dim lamidppig.

Jona 2:8

Danab ag kayak hambuppuak, am kayak hamu, kayak genab iitta, ag ag noolagppa dup nona binalag metteb ele, ag nahip oo mauhaknab kobol waappa daaglagnu aakku uutteb.

Prowerb 27:27

Laa amu, na anam hekkut dayeb, na meeme dilag huh huanak ele daappe, na, na baenadppa ele ag labeppeg, nahipad maɗi ah ag ele lakkulag.

Prowerb 13:23

Daɗek danabnu dad am ee kuɗumnab eletai; amge laa ag nai doya mala hettoɗia epeɗia elele mettak kobol ii dim lamidtteb ele, ag nuhig ee aɗidna aotteb.

Prowerb 20:13

Na daɗek daamnanu, na niiaknu aib oot mauhom; amge na amen obatak ele daan, uɗat hekkut dayeb amu, na ee lanaknu kuɗum ele daakkut.