Prowerb 12:1 - Nobonob Baibel

¹ Aun laa nug tolittak awaknu oo mauhtte, nug doyak enanu oo mauhtte; amge aun laa nug tolittak awaknu nau ninig ele dootte, nug am doɗ dabmak iitta ele bia.

Prowerb 12:1 Referans Kwoze

Prowerb 15:10

Danab nug doyaya ib apiɗidtte, nug tolitta bu mettak ɠagattag aokku; amu danab nug daug tolitta mettaknu nau ninig ele dootte amu, nug mauhkku.

Prowerb 18:1

Danab nug laa oh ele nug mehqak hette, nug nukka nug oo hette amuib aokkun wagai mette; nug epeɗia ha dabmak ena awak oh dimedatta, tappe nette.

Sam 92:6

Am danab ah ag dabmak pehettak ii aon oitteb ele ag imu ii dootteb. Ao, danab ah ag Kayak dab-ii-menan ii dim lamidtteb ele ag dabmak imunu diignu doyak tutukku laa iitta.

Sam 32:9

Na hos, miul ele ag diignu doyak tutukku iitta ele, ag mamelagnu nai dooglagnu, ag muɗippa qakkaladna gokkulagnu ulum mattaegeg gotteb amu, na amubia aib heme.” Yawe Nug anam awa atte.

2 Tesalonaika 2:10

nug danab ah, ag padal mekkulagnu oitteb ele, nug ib eheɗ digdigppa ag hambuppualadkku. Danab amu ag doyak diig genabib dooppig, amge ag uuppig. Ag ii uulob amu Kayak Nug eɗua diilo, amge iitta amunu, ag padal mekkulag.

Prowerb 8:17

Amu aun laa ag dahilnu oolag mauhtte amu, da ahilagnu ool mauhtte; am laa ag da aniɗna dim lamiɗkkulagnu mattiɗtteb, ag da aniɗtteb.

Prowerb 8:32

Anam amu, aria, O da bekkalad, ag dahil nai doyeg; laa ag da ippul tappan oitteb amu, ag itittak ena aon malappig daatteb.

Aisaia 1:3

Makau okkai ebehi ele ag mamelag dootteb. Donki ag aben adekkuppa mamelag ee madatte, aben amu ag dootteb, amge Israel danab ah ag ⌊da⌋ ii dooiɗtteb. Ge! Dahilad danab ah ag da, ⌊laa iitta, daib ag ehanadttem amu, ag amunu⌋ diignu doyak tutukku iitta ele,” awa atte.

Sam 119:27

Da nahip kobol danab hekkunu elele iitta, da amunu dabmak unuqag awewe daakkulnu amu, na ehaniɗna heppe, da nahip oo yaak nai ɗo bia, da nai amunu meu dooppi ool maidkkunu oɗ medattem.

Sam 50:17

Ag anen anen ag dahil tolittaknu nau ninig ele dootteb. Ag dahil ɗo dimedappig daatteb.

Prowerb 8:36

Amge laa nug da ii mattiɗa aniɗtte amu, nug aakku nukka nuhignu eheɗ hette. Ao, laa oh ag dahilnu nau ninig ele dootteb amu, ag aakku mauhkkulagnu ib oɗeppanab daatteb.” Doyak Dabmak Ena Ele nug anam aakku ette.

Prowerb 11:31

Antte! Genab tutukku hak danab ag wan imuppa daanna, ahilag nob ena aotteb; amunu genabnab genab, Kayaknu nuhig haknu ele uuak danab, hipunin danab ele, ag wan imuppa ahilag nob nau aoglag.

Prowerb 12:2

Yawe Nug danab ena dilagnu oo ena dootte; amge danab lokkumakppa kobol kobol hekkulagnu doon autna aotteb ele amu, Nug ag naippa maadtte.

Prowerb 30:2

“Da doɗ bia daattem. Laa ag ele doɗ bia daatteb, amge da anam daye aute autenab aottem. Laa ag danab daan, diignu doyak tutukku aɗan oitteb, amge da amubia ii aɗattem.

Lewitikas 13:10

Amu mana mettak danab nug danab amu beɗuppa titiɗak laa dayeb, amuppa teppu miag atiak, gaɗappa tonak iitta ele, gaɗa uɗikkudppa appa hakkab eppak ele anidkku amu,

Sam 141:5

⌊Amu da digmein, eheɗ hekkul hettem dayeb amu, na heppe,⌋ genab tutukku hak danab nug da bu iukku, o nug da daul batakku, am ena; Da bu qak, o daug batak amu ii uupa. Da eheɗ hak danab ag hanhan tuɗidna, eheɗ hemananu unuqidttem.

Prowerb 10:8

Laa ag doyak dabmak ena ele, ag Kayak aɗi haknu atte, ag aakku aon hetteb; amge laa nug Kayak dab-ii-maama ii dim lamitta oiyaya, nai hamu hamu mauhnoak maditte, nug na qa, padal mekku.