Prowerb 11:30 - Nobonob Baibel

³⁰ Danab ag genab tutukku hak kobol dim lamidtteb amu, amuppa ag heeg, danab laa ag bau daatteb; amu danab doyak dabmak ena ele, nug kobol attem attem, laa ag aon bau oiglagnu ippunadtte.

Prowerb 11:30 Referans Kwoze

Daniel 12:3

Laa ag doyak dabmak ena ele ag hab attan amahaltte, ag amubia amahalkkulag. Ge! Laa ag heeg, danab ah kuɗum ag kobol genab tutukku dim lamidtteb ele, ag hoɗoppai amahaltte bia amahalkkulag. Ge, laa ag heeg, danab ah kuɗum ag kobol tutukku dim lamidtteb ele, ag hoɗoppai amahaltteb bia hanhan amahalkkulag.

Jems 5:20

Amu kobol amunu nai imu ag daulagppa doaɗ! Danab aun nug he, hipunin danab nug eheɗ hak ib dimetta, Kayak toppa eɗua dotte amu, danab ehanittom ele nug aakku he, danab ib eheɗppa oiyom ele am padal ii mema; Kayak Nug nuhig hipunin kuɗum uhuqa medakku.

Matyu 4:19

Jesus anata amu Nug amelahppa aum. “Doya, da dim lamiɗeɗ! Aa anam hepeɗ, da aa danab diiaknu uɗat ippuanatkkul,” awa aum.

Prowerb 15:4

Ad nug meu ena o, meu danab ehanatte bau daatteb, amubia, danab nug nai ena maditte, nug danab ehanatte, ena daatteb; amge danab nug nai hambuppuak maditte amu, nug he, danab ag oolagppa na qak dootteb.

Prowerb 3:18

Am danab aun aɗi ag doyak dabmak ena ele aoppig amu, ahilag doyak dabmak ena ele heeb, ag bauklel daaglag. Ao, danab aun aɗi ag doyak dabmak ena ele aoppig amu, ag itittak ena aoppig daatteb.

1 Tesalonaika 2:19

Ig ag eɗut anadkkunignu oonig huana dayomnu diig am, dimppa ihinig Naɗi Jesus eɗua uɗikku, ig Nug noobppa hippaidkkunig ele amu, haen amuppa ag am ig oonig ena daakkunu, maɗoɗppan gamag ahak ele aognignu, nob ena aognignu diig daaglag.

Jon 4:36

Am laa nug meu aotte amu, nug nuhig uɗat nob awawa, nug danab laala bauklel hanhannu aoglagnu ehanadtte. Ehanadtte amunu, ee eppak danab, amu meu awak danab ele aa oh oolah gamag ahakku.

Revelesen 2:7

Danab nug daug ele dayeb, nug Kayak Ouɗi Nug Kristen tamaniak dilkadppa nai mehuqtte doyaɗ! Aun laa nug ban eɗidkku amu, da nug bau hanhan dayaknu ad meu, Kayaknu Paradisppa daatte, medappi lakku,” awa aum.

Sam 92:14

Am ad, ag aben laa enappa eppaeg ba dayaya, meu otte, amubia genab tutukku hak danab ag ena daaglag. Ao, ad nug ba, hokkua mette, me enaib dayaya, meu wawaib daatte, amubia genab tutukku hak danab ah ag ena hekkulag.

Prowerb 12:12

Eheɗ hak danab ag keeke yabhok ibuppa aotteb, amu nau hak danab ag keeke amu ag eppelagppanu aoglagnu oolag hette; amge Kayak he, genab tutukku hak danab ag ɠagattag, ad diɗi ɠagattag daatte, ag amubia daatteb.

Prowerb 14:25

Hettoɗiakppa laa aɗi heehe anttomnu mattiak danab nai genabib maditte amu, nug he, danab laa eheɗ laa ii heum nug bau daatte; amge laa aɗi heehe anttomnu mattiak danab nug hettoɗiakppa nai hambubutte, nug he, danab mauhtteb.