Prowerb 11:3 - Nobonob Baibel

³ Genab tutukku hak danab ag oolagppa dabmak oiyak ele tutukkuib dayaknu kobol dootteb, ag amuppa ulum aon oitteb; amge danab ag Yawe ippuanattom bia Nug dim lamidkkulagnu uun hetteb amu, ag hambuppuak hena, padal metteb.

Prowerb 11:3 Referans Kwoze

Prowerb 13:6

Genab tutukku hak kobol, amuam danab ag Kayaknu neekkakppa danab ooppa kaliak laa iitta dilag guppiɗ daatte; amge nau hak kobol am hipunin danab heeg, ag padal metteb.

Prowerb 28:18

Laa nug Kayaknu neekkakppa danab ooppa kaliak laa iitta ele amu, Kayak he, nug padal ii mette; amge laa nug eheɗ haknu nug tiigppa daatte ele, nug pahanab na qekku.

Prowerb 19:3

Danab nug Kayak dab-ii-maama hak kobol dim lamidtte, amuppa nug he, nuhig bau dayak nauhtte; amge nug, “Yawe Nug eheɗ he, da dahil dayak nau iguppa daattem,” awa atte.

Sam 26:1

O Yawe, da nahipnu oolppa genabnab doye, nahip neekkakppa da oolppa kaliak laa ii dayeye oimi amunu, na heppe, tutukku hak dahil am miag atiak daakkunu oɗ medattem.

Sam 25:21

Am da na amen mein daattem amunu, dabmak oiyak ele tutukkuib dim lamittak kobol, am genab tutukku hak kobol ele, aa hepeɗ, da ena daakkulnu oɗ medattem.

Jon 7:17

Am danab laippu laa nug Kayaknu dabmak awaknab dim lamidkku amu, nug nai, da madittem imu, nai amuam Kayak toppanu beum o iitta da dahil dabmakppatai madittem amu nug dookku.

Eklisiastis 7:17

Danab laa ag nau hak huanaknab hetteb. Na amubia aib heme; ele amu, danab laa ag Kayak dab-ii-menan ii dim lamidtteb ele amu, na ag hetteb bia aib heme! Ib aɗit amu ohppa na nakka, na henan paha, nahip mauhak haen iidappa mauhkkutnu hettem amunu, na anam aib heme.

Prowerb 11:5

Kayaknu neekkakppa danab ooppa kaliak laa iitta ele amu, genab tutukku hak kobol nuhig he, nug ib enappa oitte; amge nau hak danab ag nau heeg, kobol amu he, ag nauhtteb.

Aisaia 1:28

Amge hipunin danab, danab ah ag Yawe waappa dayaknu uun, nuhig nai tappaeg nette ele amu, Yawe Nug hatteb, padal mekkulag. Yo, aun aɗi ag Yawe uun dimedatteb, geha ag mauhkkulag.

Prowerb 21:7

Nau hak danab ag laa guittak nau mauhnoak madatte amunu, ag nob nau aoglagoitte; amunu diig am, ag kobol tutukku haknu uutteb.

Prowerb 2:22

Anam, amge nau hak danab dilagnu amu, Kayak Nug heeb, ag Israel oolagppanu geɗittak daaglag. Ao, laa ag Yawe ippuanattom bia Nug dim lamidkkulagnu uun hetteb ele amu, Kayak Nug heeb, ag Israel oolagppa iinab daamna.

Prowerb 22:12

Yawe Nug doyak ena atognotte; amge Nug laa nug Yawe ippunittom bia Nug dim lamidkkunu uua hette amu, Nug danab amunu nai he nauhtte.

Namba 31:8

Danab aqappig oolagppa amu Ewi, Rekem, Sur, Hur, Reba ele. Danab amu, ag am Midian ooppanu king tanig ele. Ag Balam, Beor bekka, ag nug ele qep elabppa qeeg mauhom.