Prowerb 11:25 - Nobonob Baibel

²⁵ Keeke mettaknu oo qak iitta danab, nug am keekenu elelenab daakku. Ao, danab nug laa ehanadtte, nug geha ehanittak aokku.

Prowerb 11:25 Referans Kwoze

Matyu 5:7

Danab aun aɗi ag danab laa dilagnu oo gai-iitta doon oolag mattan ehanadtteb ele amu, ag itittak ena aoppig daatteb. Aɗinu? Dimppa ag eheɗppa daaglag amu, Kayak Nug oo gai-iitta doya oo matta ehanadkku.

Aisaia 32:8

Danab nau ag anam hetteb, amge danab ena, kobol tutukkuib dim lamidtte ele, nug hanhan dabmak ena, tutukku ele aakkuib haen oh awawa, enaib hekkunu dabmak aotte. Nug dabmak anam awawa, nug ɠagattag hibaitta daatte.

Prowerb 28:27

Aun nug daɗek keeke madatte, nug bau dayaknu keekenu tutu ii mema; amge danab ag laa nug laa daɗek daaegeg, ii ehanadtte amu, nug eheɗ laa awaknu anak waappa daakku.

2 Samuel 17:28

Ag uɗin, ag heɗig, tappiɗ, waa keeke, aon uɗippig. Ag keeke amu aon uɗin, ag wit aeg, bali aeg, wit ganuɗak ele, ee aeg manik ele, bin, am bin diig laa onig lentil, uppuh leppu, huh ɠagattag eppom, sipsip, amu sis makau huhppa hak ele aon uɗippig. Am Dawit aɗi ag atu taɗakppa oiyegeg, beɗulag bodoette, enug aqe, le baalag ele diiom dooppig amunu, ag ee amu Dawit aɗi ag lakkulagnu aon uɗippig.

Prowerb 3:9

Am na en nahip-ppanu laih aon, Yawe binag medakkutnu Nug mette! Ao, ee nahip tatam oɗueb amu, na ee meu tatamnu amu aona, Yawe eppegppa me!

Prowerb 3:10

Na anam hekkut amu, na ma lakka ee meu kuɗumnab meppe, ambeeb, ee laa ele daakku. Ao, na geha wain bau hinaippa inappe ukkeb, oh ambeppeg, wain laa ele daakku.

Prowerb 11:24

Danab laa amu, nug laa ehanatta, nug nuhig keeke hamu madatte, me ⌊Kayak Nug danab amu ititte,⌋ nug keeke kuɗum baula ele nuhignu aotte; amge danab laa amu, nug laa ehanattaknu kobol daatte bia ii madatte, nug nuhig keeke aɗatte, me nug eɗua, daɗeknab daatte.

Prowerb 28:25

Baubau awaknu hik qak danab nug he, nug mehqak ahatte; amge aun nug Yawenu ooppa genab dootte, nug ena daakku.