Prowerb 11:20 - Nobonob Baibel

²⁰ Yawe Nug danab ag eheɗ haknu ag tiilagppa daatte amu, Nug ahilagnu ena iinab dootte; amge Nug aun aɗi ag nuhig neekkakppa ag danab oolagppa kaliak laa iitta ele, Nug ahilagnu enanagnab dootte.

Prowerb 11:20 Referans Kwoze

Sam 119:1

Aun aɗi ag Yawenu neekkakppa ag oolagppa kaliak laa iitta ele, ag Yawenu kobol oh elele dim lamidtteb ele, danab amunu ag aakku itittak ena aoppig daatteb.

1 Stori 29:17

O Kayak dahil, da doottem, na danab oolagppa attem attem daatte, ag oolag italttem. Amu na danab nug nuhig dabmak oiyak ele am tutukkuib anidna, na amunu ootppa ena doottem. Anam amu, keeke imu oh da na mettami amu, da oo qak iitta ele, da dabmak genab dim lamitten mettami. Laa amu, da danab nahipad ag ina daatteb amu, ag oo qak iitta ele keeke medappig, da amu ele antten, gamag ahak okkai doottem.

Prowerb 21:29

Nau hak danab ag oɗe dim lamidmananu, ag ahilag dabmak am ɠagattag eppak daatte; amge genab tutukku hak danab ag aɗi hetteb amu, ag dabmettan autna aotteb.

Prowerb 6:14

Ao, nug ooppa hambuppuak dayeye, nug eheɗ hekkunu maittak aotte; nug danab ah oolagppa hanhan kaboliak daakkunu heehe, nug qak daatte.

Prowerb 16:17

Genab tutukku hak danab ag kobol eheɗnu awaidna daatteb; aun nug aɗi hettenu atognoa dabmette amu, nug bau dayak nuhig aakku atognotte.

Prowerb 15:8

Haen nau hak danab nug mana mettak laa hette amu, Yawe Nug mana mettak amunu ooppa uuaknab dootte; amge haen genab tutukku hak danab ag unuqittak hetteb amu, Nug amunu ooppa ena dootte.

Prowerb 13:6

Genab tutukku hak kobol, amuam danab ag Kayaknu neekkakppa danab ooppa kaliak laa iitta dilag guppiɗ daatte; amge nau hak kobol am hipunin danab heeg, ag padal metteb.

Prowerb 12:22

Yawe Nug danab ag nai hambubutteb ele, Nug ahilagnu ooppa uuaknab dootte; amge nai genabib mattiak danab dilagnu amu, Nug ahilagnu enanagnab dootte.

Prowerb 9:7

Am aun nug awa awa qettak danab laa tolidtte amu, awa awa qettak danab nug nug eɗua, awa awa naunab qedakku. Yo, aun nug nau hak danab laa daug batatte amu, nauhak danab amu nug nug eɗua guittak medakku.

Prowerb 8:13

Aun laa nug Yawenu ebehi oh bodoetta le mette amu, nug eheɗ haknu kobolnu nau ninig ele dootte. Da, Doyak Dabmak Ena Ele, da dada kobol, beɗuppa tak kobol, eheɗ hak kobol, amu nai eheɗ tutukku iitta mattiak ele, da kobol amu ohnu nau ninig ele doottem.

Sam 140:13

O Yawe, genab tutukku hak danab ah ag na amenppa, “Ena heme,” akkulag. Ge! Genab tutukku hak danab ah ag na noomppa daaglag.

Sam 51:6

Na danab ah ag oolag unuqagppa doyak diig genabib daakkunu oot daatte amunu, na da ool unuqagppa, da danab doyak dabmak ena ele, da danab anam daakkulnu ippuniɗkkutnu unuqidttem.

Sam 11:7

Aɗinu? Yawe Nug genab tutukku hak kobolib hette. Ao, Nug genab tutukku hak kobolnu oo mauhtte. Ge, aun aɗi ag kobol tutukku hetteb, ag geha Nug iɗu anidkkulag.

Sam 101:4

Da danab ag eheɗ haknu ag tiilagppa daatte ele, da ag guguattak ii daapa. Da kobol nau ohnu awaitte daakkul.

Prowerb 3:32

Aɗinu? Yawe Nug, danab nug eheɗ haknu nug tiigppa daatte, Nug nuhignu ena iinab dootte, amge Nug genab tutukku hak danab nuhig dabmak lokkumak daatte ippunadtte.

Prowerb 11:21

Imuam na genabnab genab dookkutnu elele, Kayak Nug nau hak danab bu madakku; amge aun aɗi ag genab tutukku hak danab daan oitteb, ag am bu ii mattama.

Prowerb 14:9

Danab ag Kayak dab-ii-menan ii dim lamidtteb ele, ag laanu keeke yab aoppigtai, guittak madappigtai, aɗi kobol nau anambia laa heppig amu, ag bappaidkkulagnu iinab dabmetteb, ag kobol amunu aon aon qedatteb; amge genab tutukku hak danab ag eppelagppa uug beum daatte amu, ag amu bappaidkkulagnu heegeg, Kayak Nug kobol amunu ena dootte.

Prowerb 15:26

Yawe Nug nau hak danab dilag dabmaknu ooppa uuaknab dootte; amge Nug danab oo oppiak ele dilag dabmaknu ooppa ena dootte.