Prowerb 11:16 - Nobonob Baibel

¹⁶ Ah nug oo bodoette enanag maɗoɗ ele hak kobol dim lamidtte amu, nug binag aotte; amge oo doyak ii doyaya nau hak danab, ag enulag aakkuib aotteb.

Prowerb 11:16 Referans Kwoze

Luk 10:42

amge keeke laippuib am okkai daatte, am Maria nug keeke ena amu tituanom. Keeke ena nuhig amu ig aɗidta ii aomta,” awa aum.

Aposel 9:39

Aria Pita nug ahe, danab amu ele oh goppig. Haen nug ukka te, ag nug omaleg lag oo attan amuppa te amu, ah qab appanu ag oh uɗin, Pita talilidna daanna, gaanna ag lamen digdig Dorkas ii mauhom haenppa ha mattom amu ippunidppig.

2 Jon 1:1

Da Jon, da Kayaknu tamaniaknu ikki danab laa, da nai imu yaattem. Da na ah Kayak tituanittom, nahipad nid naunau ele, da ag oh ahilagnu yaattem. Doyak diig genabib ihinigppa daatte, haen oh ele daakku amunu, da genab ahilagnu ool mauhtte. Am daib iitta. Laa ag doyak diig genabib dootteb amu, ag ele amubia ahilagnu oolag mauhtte.

Luk 8:3

Laa Joana, nug amu Herot laug gumappig ele dilag okkai onig Susa, nug wau. Aria, laa am Susana, am kuɗum laa ele. Ah amu ag ahilag keekeppa Jesus, amu nuhikkud ippunittak awak danab ele ehanadppig.

Matyu 26:13

Da genab ag amelagppa attem. Dimppa danab ag wan atu ohppa dahilnu Nai Ena imu adeppa adeppa mehuqnana, ag ah imu keeke heum amu, ag amunu madippeg doon, ag nuhignu dabmekkulag,” awa aum.

Esta 9:25

Amge Esta nug king gumitta ukke, king nug ɗo nai laa babaitte, Hamannu eheɗ laa hekkunu lokkumakppa dabmaama maittak eheɗ awak, maittak amuppa nug Juda eheɗ hadakkunu dabmeum amu, maittak amu Haman nug, amu nug bekkod ele am eɗua, ahilagppa uɗie, ag ag balal attan danab aihaknu hak, ag amuppa aihadppig.

Rom 16:6

Amu ag humittak dahil Maria metteg! Nug uɗat naɗi ag ehanadkkunu heum.

Prowerb 31:28

Nid naunau nuhikkud ag nuhignu enaib maditteb; gamu ele nug anam mattiaya, binag ele mette.

1 Samuel 25:40

Dawit nug he, nuhikkud maɗi nid ag Karmel appa, Abigel toppa gona, nug noobppa wana appig. “Dawit nug ig na omaidta gopput, na nug wau daakkutnu meikke uɗimut.” Ag anam appig.

Amos 3:9

Laa nug Pilistia dilag danab okkai, am Isip dilag danab okkai ele, nug amu oh amelagppa inam ab doyeg! “Ag ahan uɗin, qauko Samaria guguittak daattebppa qagmen daan, ag Israel danab ah ag maɗoɗ iinab daan, ag akka akka, ag laa eheɗ hadatteb ele antteg!” Laa nug anam ab doyeg!

Amos 3:10

Amu Yawe Nug inam atte. “Israel danab ag kobol tutukku dim lamidna hekkulagnu ib ii dootteb. Ag ahan, lailkad dilag keeke hamu aotteb. Ag ban danab laih gona, wan laappan daup eɗadna, wan amuppan keeke aon gotteb, ag Israel, ag amubia ag lailkad dilagppa anam hena, ag keeke aotteb amu, ag aon gona, aab aɗ ɠagattagnab ele, ag aguppa daatteb amu, ag appa aon gona metteb,” awa atte.