Prowerb 11:13 - Nobonob Baibel

¹³ Dimug nai mattiak danab nug layagnu nai nug ii mattilo amu, nug maditte; amge danab, laa ag nuhignu genab elele dooglagnu elele amu, nug layagnu nai bam ele ma takkom, nug nai amu ii mattima.

Prowerb 11:13 Referans Kwoze

Prowerb 20:19

Laa dimug nai maditte amu, nug nai ii mattimanu daatte ele aakku maditte; amunu danab aun nug nai ge iitta maditte ele, nuhignu awaidna daye!

Prowerb 25:9

Na, na nahip mudippan laippu ele aa ahilah nai bappaidkkulahnu hettep dayeb; aa madipiɗ ele amu, na nai aib heppe otalom.

Lewitikas 19:16

Laa baeg aib qeme. Na keeke laa heppe, diig amunu na layap nug mauhkkutai amu, na amu aib heme. Da am Yawe.

1 Timoti 5:13

Laa ele, ag uɗat ii hak kobol aona, lag lag tena nenana oitteb. Amu uɗat ii hak kobolib iitta, ag laa dilagnu dimug nai mattinna, ag laa dilag dabmak, maittak keeke baolikkulagnu henana, ag nai eheɗ ig akkunignu elele iitta ele maditteb.

Josua 2:14

Nug anam a amu, lokkumakppa atu italak danab aa apiɗ. “Aakku! Ig Israel, ig wan imu aopput, na, nahipad ele ag mauhkkulag dayeb amu, Yawe Nug i niteb mauhkkunihnu oonig daatte! Na auntai laa i aɗi aɗi hettepnu, na nug amegppa ii akkut dayeb amu, haen Yawe Nug wan imu ig mekkebeb, ig nahipnu oo bodoettak doota, ena hetata, oo metta ii uuak kobol ele nahipnu dim lamidkkunig,” aoya apiɗ.

Jeremaia 38:27

Sedekaia nug Jeremaia amegppa anam a ukke, nuhikkud ehanittak anuqak danab ag nug aum bia uɗin, Jeremaia nug king ele aɗi aɗi nai madipiɗnu oɗ mettaeg, king nug Jeremaia aɗi akkununab aum amu, Jeremaia nug amuib ag amelagppa aum. Nug ag amelagppa aum, laa nug king Jeremaia ele aɗi madipiɗ am ii doyom amunu, ag baula nug amunu oɗ ii medappig.

Prowerb 14:5

Laa nai genabib maditte amu, hettoɗiakppa ele, nug laa aɗi heehe anttomnu mattiak danab dayaya, nug nai genab maditte, nug ham-ii-bubutte; amge laa nai hambuppuak maditte amu, hettoɗiakppa ele, nug laa aɗi heehe anttomnu mattiak danab dayaya, nug nai hambuppuak huanak maditte.

Josua 2:20

Amge na i aɗi hemuɗnu madippe amu, i nai na hee, i ɠagattag qettaɗ amuɗ am ii aɗaitma.” Lokkumakppa atu italak danab aɗit amu aa anam Rahap amegppa apiɗ.

Prowerb 11:12

Danab nug epeɗia ha dabmak ena awak kobol ii dootte ele oitte, nug mudippan laippu awa awa qedatte; amge danab nug diignu doyak tutukku ele oitte, nug anam ii hette.

Prowerb 12:23

Eheɗ bemanu dabmak awak, dabmak amu dim lamittak danab nug haenppaib nuhig doyak laala madatte; amge danab ag Kayak dab-ii-menan ii dim lamidtteb ele, ag Kayak dab-ii-maama haknu ge iitta maditteb.

Prowerb 19:11

Danab nug doyak dabmak ena ele daatte amu, doyak dabmak ena amuppa nug oo maɗoɗ ele dayak danab daatte; haen danab laa nuhigppa eheɗ he, nug eheɗ hak amu uhuqa medatte, kobol amunu danab ah ag nug binag metteb.

Prowerb 10:19

Nai huana mattiakppa amu, hipunin ele appa ana daatte; amge laa nug nai huana ii maditte, nug am doyak dabmak ena ele.