Prowerb 11:10 - Nobonob Baibel

¹⁰ Haen genab tutukku hak danab ag elele, ena daaegeg, aab okkaippanu danab ah ag oo gamag ahak okkai ele daatteb; nau hak danab ag mauheg amu, danab ah ag oo gamag ahak doon etteb.

Prowerb 11:10 Referans Kwoze

Prowerb 28:12

Haen genab tutukku hak danab ag okkai danab betteb amu, danab ah oh ag gamag ahak aotteb; amge haen nau hak danab ag gumak aben aotteb amu, danab ah ag wana lokkumtteb.

Ikki Danab 5:31

Amu Yawe, kekeɗ nahipad oh ag Sisera mauhom bia mauhkkulagnu ool daatte. Anam amge, laa ag nahipnu oolag mauhtte, ag aam ɠagattag ba amahaltte bia amahalkkulagnu ool daatte.” Anam daye, maɗ 40 amu, wan amuppa maɗoɗ dayom.

Prowerb 28:28

Haen nau hak danab ag gumak aben aotteb amu, danab ag wana, lokkumtteb; amge haen nau hak danab ag nauheg amu, genab tutukku hak danab ag eleleib daatteb.

Job 27:23

Ulah amu danab daalo, nug anam ha mala, nug gamag ahak naɗi doya, eppeg tap qelo. Nug danab amu eheɗnab awa awa qettalo.’ ⌊Ag anam atteb.⌋” Job nug anam awa aum.

Eksodas 15:21

Ag amu henena, Miriam nug ag amelagppa ahi inam ettom. “Yawe Nug ban naɗi eɗitta, Nug hos, amu danab hos attan daappig ele, Nug amu oh akke, yu ooppa noppig amunu, ag nuhignu ahi etteg!” awa ahi ettom.

2 King 11:20

Ag anam heeg, Juda danab ah ag gamag ahak dooppig. Ag Atalia qep elabppa kingnu lag enanagnab, appa qeeg mauhom amunu, Jerusalem appa maɗoɗib dayom.

Prowerb 11:11

Haen Kayak Nug nuhikkud danab ah, ag genab tutukku hak danab ah amu, haen Nug ag itadtte, ahilag aab okkai ena daatte; amge nau hak danab ag ahilag naippa heeg, aab nauhtte.

Prowerb 29:2

Genab tutukku hak danab kuɗum bena daaegeg amu, danab ah ag gamag ahak aotteb; nau hak danab ag gumak heegeg amu, danab ah ag oolag uug ele daye, aiqagatteb.

2 Stori 23:13

Ukka, nug Yawenu mettid lag odppa biidod elab galak daatte, amu guguittak king bau amu hibaitta dayeye anttom. Nug ban daup ikki, am trampet iwalak danab ele oh ag king guguittak daaegeg anatta, laa amu, nug Juda danab ah oh appa daappig, ag gamalag ahe henan eeg, laa trampet heegeg, laa ag musik haknu keeke aɗan, binag maknu ahi guman daaegeg anattom. Atalia nug amu antta, nug nuhig lamen elab pattiɗa, nug eum. “Ag ɗo tippalna, da uuiɗna, laa okkai daakkunu hetteb!” awa eum.

2 Stori 23:21

Ag anam heeg, Juda danab ah ag gamag ahak dooppig. Ag Atalia qep elabppa qeeg mauhom amunu, Jerusalem appa maɗoɗib dayom.

Jeremaia 51:48

Da amu heppi, habppa daatteb, wanppa daatteb ele ag gamag ahak okkainab doon, huan ekkulag. Ag amu hekkulag diig am, laa keeke he nauhtte ele, nug yawalti uɗitteppanu uɗia, Babilon aqakkunu ban hekku.” Yawe Nug anam awa atte.