Biblia Todo Logo
Bib sou entènèt

- Piblisite -




Prowerb 10:7 - Nobonob Baibel

7 Genab tutukku hak danab nug mauhkku amu, dimppa laa ag nug onigppa laa itittak ena medakku; amge nau hak danab mauheb, amu dimugppa, nug onig am beɗakku.

Gade chapit la Kopi




Prowerb 10:7
20 Referans Kwoze  

Aɗinu? Danab nug anam hette ele, nug keeke laa heeb, nug ii ottaia na qema. Ao, laa ag genab tutukku hak danab laa anam, ag nug hanhan dabmekkulag.


Aɗinu? Da am nuhig maɗi ah, keeke hamu bia, amge Nug dahilnu oo doyom! Kayak Ebehi Oh Ele Nug keeke naɗinab dahilppa heum amunu gemu, butti aɗi ele buɗub buɗub doobob, danab ah amu ag akkulag. ‘Kayak Nug itittak ena okkai nug mettom,’ aon akkulag. Nug onig am Oppiaawak Ele.


Da genab ag amelagppa attem. Dimppa danab ag wan atu ohppa dahilnu Nai Ena adeppa adeppa mehuqnana, ag ah imu keeke heum amu, ag amunu madippeg doon, ag nuhignu dabmekkulag,” awa aum.


Da na heppe, nug buɗub ag mauhna malaglagnu oɗ medattem. Ag mauhppeg, ag dimulagppa menuak laippu laa doppeg, danab ah amu, ag oolagppa danab amu buɗub laippu laa bau ii daamanu unuqidttem.


Jehoiada nug Israel dilagppa kobol ena ena ha, Nug Kayak tutukku dim lamitta, nug Kayaknu mettid lag ele dabmetta auta autanab awom amunu, nug mauhe, ag nug Dawitnu Aab, ag appa kingnu boumak abenppa nug boumppig.


O Yawe, na nau hak danab amu heppe, nug wanppa ii daamanu, na hanhan nug alakkud, anig ele dilag hipuninnu dabmekkutnu oɗ medattem.


Nug amubia nauhe, wanppan danab laa nuhignu ii dabmette; nug onig wanppa ii daatte.


Da aab okkai imu ehanitte, guppiɗ bia daabppi, ena daakku. Da, da laa ag dahilnu dabmak pehettak iitta aomnanu, da amunu dabmak anuqak awewe, aab imunu guppiɗ dayeye, da dahil maɗi nid Dawit amegppa keeke laa hekkulnu ami amu, da amunu ele dabmak anuqak awewe, aab imunu guppiɗ daakkul.’ Yawe Nug anam atte,” awa aum.


Dahil maɗi nid Dawit, nug buɗubppanu danab laippu laa nug da noolppa haen oh Jerusalem ippa king daakkunu elele amu, da geha heppi, Solomon bekka Rehoboam nug Israel dilag huu okkai laippu, nug gumakku. Aab okkai Jerusalem imu amu, da onil iguppa daakkunu tituanmi.


Ele amu, da nau hak danab, ag aab okkai ag hipunin heppigppa daan, ag Kayaknu mettid lag, lag amuam Kayaknu tituanak daatte, ag amuppa gonana, eɗun uɗiegeg, danab ah binag meppig amu, da ag mauheg boumadppig anadmi. Amu ele am gaɗappa, unuqagppa ele anttak laippu iitta.


Ulah amu danab daalo, nug anam ha mala, nug gamag ahak naɗi doya, eppeg tap qelo. Nug danab amu eheɗnab awa awa qettalo.’ ⌊Ag anam atteb.⌋” Job nug anam awa aum.


O Yawe, naib ig Israel buɗub ehanigppe, ig ena daagnig. Danab ah oh ag ib apiɗidna, na uuidna oitteb ele, ag uɗa nak aoglag. Laa ag na, Yawe, ag ib apiɗidna, na uuidna, oitteb, ag yaak gappudppa dayaya, paha nauhtte, ag amubia nauhkkulag. Aɗinu ag anam nauhkkulag? Ag na Yawe, na keeke ena ohnu diig daattem amu, ag ib apiɗidna, na uuidna oitteb.


Amu Hesekaia nug mauhe, ag qauko nakokppa Dawit buɗub boumadppigppa boumppig. Juda danab ah oh, Jerusalem danab ah ele ag nug mauhe, nug onig humappig. Hesekaia nug mauhe, nug bekka Manase nug abenabppa king ba, king dayom.


Ag mauhegeg, ag anilkad ahilagnu daulag atitte. Gawat ag beɗulag moɗppa heeg nauhtte. Danab laa ag hipunin danab dilagnu haen elab ele ii dabmetteb; ag paha ahilagnu daulag atitte. Ao, hipunin danab ag ad qiia na qette, ahilagppa amubia bette.


Yawe Nug laa ag kobol eheɗ hetteb ele, Nug ahilag hak amunu eheɗ doyaya oo ii madatte. Ao, Nug danab ah ag nau hak kobol hetteb ele, Nug he, ag padal meeg, Nug he, danab ah ag bau daatteb amu, ag padal meppig ele daulag atia auta autanab aotte.


Danab nug en kuɗum aotte am nau iitta me, aun laa ag nuhignu, “Nug am danab onig ena ele,” atteb, nuhignu am enanag. Ao, danab nug silwa, o gol aotte am nau iitta me, danab aun laa ag nuhignu, “Nug am danab binag ena ele,” atteb, nuhignu am enanag.


Yawe Nukka Ɠagattag Oh Ele, Nug inam atte. “Da geha ag eheɗ hadakkulnu ahen, Babilonnu amu, da heppi, nug bekkod nid danab, nug alakkud, nug buɗupud aɗi oh, ahilagppa onig Babilon daatte amu, ag oh iitta mekkulag.


Yawe Nug genab tutukku hak danab ah, Nug ag ehanadkkunu unuqidtteb amu, Nug ahilag unuqittak dootte. Ge, Nug ag ehanatte, qagaiettakppa ii daatteb.


Dahil kekeɗ ag dahilnu oo aeg bak doon, ag dahil mauhaknu tappaɗna atteb, “Nug ganeb mauhkku? Ao, Nug ganeb mauheb, laa oh ag nug wanppa dayom am daulag atikku?” aon atteb.


Swiv nou:

Piblisite


Piblisite