Prowerb 10:6 - Nobonob Baibel

⁶ Am genab tutukku hak danab ag Kayak eppegppanu itittak ena okkai aotteb; amge nau hak danab amu, laa guittak nau mauhnoak mettaknu nai ag oɗelagppa ambak daatte ⌊amunu, ag itittak ena, Kayak eppegppanu, danab eppelagppanu ele ii aomna⌋.

Prowerb 10:6 Referans Kwoze

Duteronomi 28:2

Amu ag Yawe, ahilag Kayak, ag Nug oɗe dim lamidkkulag dayeb amu, diig amunu ag itittak ena imu aon daaglag.

Prowerb 28:20

Danab laa nug oo metta ii uuak kobol haahaib daatte, nug itittak ena kuɗum aokku; amge laa ag enulag okkai ele daaglagnu hik aqe oitteb, ag am bu aoglag.

Prowerb 24:25

Amge epeɗiak danab nug laa eheɗ heumnu, “Nug eheɗ heum,” atte amu, nuhignu am ena. Ao, nug itittak ena aokku.

Prowerb 10:11

Genab tutukku hak danab ag oɗelagppa nai maditteb ele amu, nai amu danab laa ehanatte, ag bau daatteb; amge nau hak danab amu, laa guittak nau mauhnoak mettaknu nai ag oɗelagppa ambak daatte.

Job 29:13

Laa nug mauhkkunu heehe, da ehanitti, nug da itiɗom; da hei, ah qab, nug gamag ahak okkai doya, ahi ettom.

Rom 3:19

Anam amu, danab laippu laa nug, “Da am genab tutukku hak danab,” akkunu elele iittanab daakkunu, danab oh wan atu ohppanu ag Kayaknu epeɗiak waappa daaglagnu, ig ɗo nai nug aɗi atte amu, nug danab oh dilagnu atte doottem.

Prowerb 11:26

Enug nau haenppa, danab ah ag ee iitta ele, ag danab laa nug ee oo qe, laa ag daden mekkulagnu uua aɗatte amu, ag nug eheɗ laa awaknu anak waappa daakkunu atteb; amge ag danab nug ag ee daden mekkulagnu mette ele, ag nug itidtteb.

Sam 107:42

Am genab tutukku hak danab ag Yawe keeke amu he anadna, ag gamag ahak dootteb, amge nau hak danab ag oɗelag qamut-tteb.

Esta 7:8

Amu Haman nug Esta heeb, king nug ii qeeb mauhmanu oɗ medatta, nug Esta ɠagattagnab unuqkkunu gumitta ukka, nug balal Esta dayomppa, nug amuppa na qe, haen amuppanab King Ekserksis nug dad kingnu lag enanagnab guguittak dayom ele, nug appanu eɗua uɗiom. King nug eɗua uɗia amu, nug Haman nug balal Esta dayomppa oh daaeheh anata aum. “Nug da laulppa, dahil neekkakppanab kuinnu eheɗ hekkute?” awa aum. King nug anam aawo, laippun nuhig ehanittak danab ag Haman iɗu hautppig. Amuam laa Haman nug mauhkku ippuanattom.

Prowerb 10:5

Nid nug ee oɗue, awaknu daatte haenppa ee aotte amu, nug am mameg bekka doyak dabmak ena ele; amge nid nug ee oɗue, awaknu daatte haenppa niitte amu, nug mameg uɗa nak nau guittak ele medatte.

Obadaia 1:10

Amu Yawe Nug inam atte. “Aɗinu ag Edom danab, ag anam aoglag? Diig am iikku. Ag ag lailkad Israel danab ah guittak nau mauhnoak madappig. Ag amu heppig amunu, uɗa nak ag tonatta daakku. Ao, geha ahilkad kekeɗ ag ag oɗoɗadppeppeg, ag nauhna autna aoppeg, hanhan anamib daakku.

Prowerb 3:33

Yawe Nug nau hak danab, nug baekkudppan ele, ag eheɗ laa awaknu anak waappa daaglagnu atte, amge Nug genab tutukku hak danab, nug baekkudppan ele, Nug ag itittak ena madatte.

Aisaia 3:10

Imu dabmenan oiyeg! Genab tutukku hak danab ah dilagnu amu, ahilagnu am ena. Aɗinu? Ag ahilag haknu meu ena aon daaglag.