Prowerb 10:29 - Nobonob Baibel

²⁹ Yawenu ib am genab tutukku hak danab dilag padal mak eɗitta ena dayaknu aben daatte; amge eheɗ hak danab ag ib amuppa nauhtteb.

Prowerb 10:29 Referans Kwoze

Prowerb 21:15

Haen ikki danab ag nai doya mala hettoɗia epeɗia elele mettak kobol dim lamidtteb amu, genab tutukku hak danab ag gamalag ahatte; amge laa ag eheɗ hetteb ele, ag baɗak eheɗ nau dootteb.

Pilipai 4:13

Ib amuam Kristus Nug da ɠagattag meɗe, nuhig ɠagattagppa da keeke oh eleleib hekkulnu elele.

Sekaraia 10:12

Da heppi, dahilad danab ah ag da, Yawe, ag dahil ɠagattag aon, ag ɠagattag daaglag. Ao, da ehanadppi, ag aɗi keeke hekkulagnu daatte amu, dahil ehanittakppa ag hekkulag.” Yawe Nug anam atte.

Aisaia 40:31

Anam amge, laa ag Yawenu dabmena, nuhigppa ehanittak aoglagnu dabmena oitteb ele, ag ɠagattag baula aoglag. Ag ai igel hab waappa uug iitta ele hagagaɗa gotte, ag amubia hekkulag. Ag qaiettan oiglag, amge ag beɗulag bahi ii yaama. Ag baelagppa oiglag, amge ag beɗulag bodo-ii-ettama.

Sam 92:7

Dabmak ag ii dootteb ele amu inam. Nau hak danab ag gikkiɗah enanag bette, amubia betteb. Yo, danab ah ag nau hetteb ele, ag enanag anam betteb. Amge ag padal mena autna aoglag.

Sam 84:7

Ag oitteb haenppa, Yawe Nug ag dabmatta atognoattatta, ɠagattag madette, ag anen anen Sion appa Kayak toppa gotteb.

Sam 37:20

Amu nau hak danab ah ag mauhkkulag. Ao, Yawenu kekeɗ ag dad okkaippan bala haɗag, bala haɗag amu ag laippun mauɗna nena qetteb, ag amubia hekkulag. Ge, Yawenu kekeɗ ag kahug laippun ukka qettoɗtte bia hekkulag.

Sam 36:12

Nau hak danab ag nena qena niitteb. Ge, laa heeg, ag nena qena, eɗun ahaglagnu elele iitta daatteb.

Sam 1:6

⌊Nau hak danab ag anam aakku daaglag.⌋ Aɗinu? Yawe Nug genab tutukku hak danab ah atognoadtte, amge nau hak danab ag padal mekkulag.

Job 31:3

Am inam. Nau hak danab ag uug naunabppa daaglag. Ao, laa eheɗ hetteb ele, ag padal mekkulag.

Prowerb 13:6

Genab tutukku hak kobol, amuam danab ag Kayaknu neekkakppa danab ooppa kaliak laa iitta dilag guppiɗ daatte; amge nau hak kobol am hipunin danab heeg, ag padal metteb.

Hosea 14:9

Laa ag danab doyak dabmak ena ele, ag keeke imu ohnu diignu doyak tutukku aweg! Ao, laa ag oo maittak awaknu ehah aoppig daatteb ele, ag keeke imunu diignu doyak tutukku aweg! Aɗinu? Yawenu ib amu genab tutukku ele, amu genab tutukku hak danab ah ag amuppa daanna oitteb; amge nai tappe nak danab ah ag amuppa taataɗ qetteb.

Prowerb 11:7

Haen nau hak danab laa nug mauhtte, haen amuppa nug aɗi aɗi nuhigppa ena bekkunu dabmak aɗa oiyom ele, dabmak amu oh iitta mette. Ao, nug keeke aɗi aɗi nuhig ɠagattagppa bekkunu dabmeum ele, haen amuppa dabmak amu oh iitta mette.