Prowerb 10:25 - Nobonob Baibel

²⁵ Am ulah naɗi laa keeke hatte nauhtteb bia, nau hak danab ag nauhtteb; amge genab tutukku hak danab ag ukku hanhannuppa daatteb.

Prowerb 10:25 Referans Kwoze

Sam 15:5

ag men doɗo lon hetteb, amge ag eɗua awaknu tuɗidna okkai awak kobol uutteb, ag hettoɗiakppa, o adekkuppa laa beɗulagppa aab iitta ele eheɗ aoglagnu, ag lokkumakppa eheɗ hekkulagnu ehanittak ii aotteb. ⌊Danab ah ag amu hetteb ele amu, ag na lautppa, nahip qaukoppa wakkulagnu elele.⌋ Am danab ah ag kobol ena amu hetteb, ag kobol nau amu ii hetteb ele amu, ag hanhan ɠagattag daaglag.

Sam 58:9

Danab waa aab gakkaɗaknabppa meeg dayeye, le pahanab ewa gakkaɗtte, amubia Yawe Nug paha heeb, nau hak danab, bau amu alag ele, ag iitta mekkulag.

Prowerb 12:3

Danab nug nau hak haaha, nug ena, ɠagattag daakkunu elele iitta; amge genab tutukku hak danab nug am ad diɗi ena ele, ɠagattag daatte, amubia daatte.

2 Timoti 2:19

Amge Kayak Nug ukku aɗom amu, ukku amuam ɠagattag eppom daatte. Ukku amuppa nai inam daatte. “Naɗi Nug nuhikkud danab ah doyadtte.” Nai laa ele inam daatte. “Ag oh, ag Naɗi onig diitteb, ag kobol nau dimetteg!”

1 Timoti 6:19

Ag anam hekkulag amu ag keeke kuɗum dimppa ehanadkkunu, ag bau dayak genab aoglagnu qagmekkulag.

Epesus 2:20

Ig oh am Kayak laug bia daatteb. Ig nuhig totol danab amu nuhikkud propet ele, ig lag amunu ukku meut, ag amu qaɗeppa daatteb. Kristus Jesus Nug am lag amu ukku ɠagattag daakkunu men anuqak daatte.

Matyu 16:18

amunu, da na amenppa attem. Na am Pita, na am men, amu men imuppa da tamaniak dahil buukkul. Buuppi, Satannu ɠagattag nug qeeb ii nema.

Aisaia 40:24

Danab okkai amu ag am bala danab ebatte, ag amubia daatteb. Nug eppe, okkai mekkunu haaha, diɗi wanppa digma noono, ulah gakkaɗak uɗia he bunaɗtte, amubia Kayak Nug he, danab okkai amu ag iitta metteb. Ag ulah ee aeg dappunkkeg mawa uma gotte, amubia Kayak Nug he, ag ii daatteb.

Prowerb 12:7

Nau hak danab ag padal mena, baula ii daatteb; amge genab tutukku hak danab, nug baekkudppa, ag ɠagattag daatteb.

Prowerb 1:27

Ulah naɗi laa uɗia keeke oh he nauhtte, padal mak amubia ahilagppa bekku haenppa amu, da anam hekkul. Ao, kilibob okkai keeke he nauhtte, uug naunab amubia ag tonadkku haenppa amu, da anam hekkul. Ge, ahilagppa uug, amu uug nau ele beya tonadya hepeɗ, ag elele iittanab iitta dooglag haenppa amu, da anam hekkul.

Job 21:18

Haen kuɗum Kayak Nug he, ag ulah keeke uug iitta iwala, ye gotte bia daattebte? Iitta. Ao, haen kuɗum Kayak Nug he, ulah huana iwalala, ee aeg dappunkkeg ye gotte bia daattebte? Iitta.

Prowerb 10:30

Genab tutukku hak danab ag ɠagattag daaglag; amge nau hak danab ag wanppa ii daamna, ag iitta mekkulag.

Job 17:9

Genab tutukku hak danab ag ib oittebppa daan oiglag; ag ib ii apiɗidmana. Ge, laa ag eheɗ ii hetteb ele, ag ɠagattag daatteb amu, ag tuɗidna, ɠagattagnab daaglag.

Job 20:8

Nug dayaya, danab tul niia, wagɗe buttua tul niiom daug atitte, amubia nau hak danab nug iitta ma qettoɗtte; ii daatte. Ge, danab tulegleg anitte, iitta mette, amubia nau hak danab nug iitta mette.

Sam 58:10

Genab tutukku hak aɗi ag Yawe Nug laa ag eheɗ ahilagppa heppig ele nob tutukku madakku anidkkulag amunu, ag gamalag ahakku. Daup laa ag kekeɗ nena qeeg, tiilag na, wan qaɗeppa dayeye, daup amu ag kekeɗ lamadnana, tiilag baelagppa tappan gotteb, amubia genab tutukku hak danab ag nau hak danab eɗadna, gamalag ahakku.

Sam 125:1

Qauko Sion am uɗalnan loppaɗkkulagnu elele iitta, Qauko amuam hanhan daatte. Anamib, laa ag Yawenu oolagppa genab dootteb, ag anam aakku daatteb.