Prowerb 10:24 - Nobonob Baibel

²⁴ Nau hak danab nug aɗi keekenu baɗak okkai dootte amu, keeke amu aakkuib nuhigppa bekku; amge Kayak Nug genab tutukku hak danab nug aɗi keekenu oo hette ele amu, Kayak Nug keeke amu aakku nug medakku.

Prowerb 10:24 Referans Kwoze

Sam 145:19

Danab ag Yawenu dabmenana, nuhignu ebehilag oh bodoetta le mette ele amu, Yawe Nug danab amu aɗi keekenu oolag hette am madatte. Ao, Yawe Nug danab amunu unuqittak doya, nug ehanatte, padal ii metteb.

Matyu 5:6

Danab aun aɗi ag Kayak noobppa genab tutukku daaglagnu oolagppa enug qak bia dootteb ele amu, ag itittak ena aoppig daatteb. Aɗinu? Ag amu ambak aoglag.

Aisaia 66:4

Danab amu ag amu heegeg, da ag onilagppa ei, ag nai dahil ii aoppig. Ao, da nai ag amelagppa ami, amge ag dooglagnu uuppig. Ag da noolppa nau heppig. Ao, ag kobol digdig da ool ii hette ele hekkulagnu dabmenan heppig. Ag amu oh heppig amunu, da bu eheɗ madakkulnu dabmein madakkul. Ao, da heppi, ag kobol bemanu baɗatteb ele, kobol amu ahilagppa bekku.” Yawe Nug anam atte.

Job 15:21

Nug oqotti nau daugppa doya, nug eheɗ nau baɗatte. Ao, nug maɗoɗ daatte bia doya dayeye, haen amuppa danab ag ban hena danab aqadna ahilag keeke yab aotteb, danab amu ag banelag uɗieg, nug ele ban hetteb.

Hibru 10:27

Iitta! Ig Kayaknu hettoɗiak okkai amu aab gakkaɗaknab, Kayaknu kekeɗ oh ewadkku ele, amuib baɗidta ameg mekkunig.

Jon 16:24

Uɗie uɗie, gemu batak ag keeke laanu da onilppa Nug oɗ ii medappig. Ag maɗoɗppan gamag ahak doonna daappeg, oolag mekkunu amu, ag Kayak keeke enanu unuqidppeg, Nug ag madakku.

Jon 14:18

Da ag nid laa, nug anig mameg ele mauhpiɗ, nukkanab daatte, da amubia ii uuadpa. Iitta. Da gumatte uɗikkul.

Sam 21:2

Na nug aɗi keekenu oo unuqagppa oo heum mettame amunu, king nug gamag ahatte. Yo, na nug keeke ohnu oɗ meum amu, na nug mettame amunu, nug gamag ahatte. Sila.

Job 3:25

Aɗinu? Da keeke laa dahilppa bemanu baɗen oimi amu, keeke amu aakku da iwom. Yo, keeke da iumanu oolppa uuaknab doomi amu, keeke amu dahilppa aakku beum.

Sam 37:4

Na Yawe waappa dayaknu enanagnab doon daappe, Nug na oot unuqagnab aɗinu oot daatte am medakku.

Prowerb 1:26

Ag amu heppig amunu, da haen aɗi keeke heeb, ag uug naunab dooglag amu, da haen amuppa imadkkul. Ao, haen padal mak haen laa ahilagppa beeb amu, da ag awe awe aqadkkul.

Prowerb 1:27

Ulah naɗi laa uɗia keeke oh he nauhtte, padal mak amubia ahilagppa bekku haenppa amu, da anam hekkul. Ao, kilibob okkai keeke he nauhtte, uug naunab amubia ag tonadkku haenppa amu, da anam hekkul. Ge, ahilagppa uug, amu uug nau ele beya tonadya hepeɗ, ag elele iittanab iitta dooglag haenppa amu, da anam hekkul.

Prowerb 15:8

Haen nau hak danab nug mana mettak laa hette amu, Yawe Nug mana mettak amunu ooppa uuaknab dootte; amge haen genab tutukku hak danab ag unuqittak hetteb amu, Nug amunu ooppa ena dootte.

Esekiel 11:8

Ag Israel ag kekeɗ qep elab ele uɗin eɗadmananu baɗatteb amu, da heppi, kekeɗ ag anam hekkulag.” Naɗi Yawe, Nug anam atte.

Daniel 4:28

Amu King Nebukatnesar nug uug laa nuhigppa bekkunu anttom amu, keeke amu oh nuhigppa aakku beum. Am inam.